1 SAMUEL 8:3 - WUKE SUSI WATTI'U AL᷊AL᷊USASSA

³ Arawe itarua tawe nangaṛṛussa pallal᷊aghu iamangngi tarua, arawe tumba'u maddea'a auntunganna sassane. Itarua mannengkamma roitta aonggola wuṛṛu mammarikissa tumanangnge ringannu tawe su atatul᷊idda.

1 SAMUEL 8:3 Iomraidhean Croise

2 SAMUEL 15:4

Ana see wisarane lai, “Ore, unnuwisara i ya'u maola'a mallaṛṛuungnga, ne suapan taumata apan pia patatatiakka ara'e aalae wotongnge rumanta ringangku wuṛṛu sarun ta'u parikisanna ringannu atatul᷊idda.”

DARALO 15:5

wuṛṛu napawallasu roitta ringannu tawe bungane; apan maddiri manengkamma roitta sasal᷊o'a tadea'u ipamaddon taumata apan tawe sal᷊ane. Taumata apan inolaanne aroddi, sidutu sarun mal᷊angnganna.

DARALO 26:10

I mangitou sidutu ma'ola'a al᷊al᷊eo, wuṛṛu sidutu uasadiate manengkamma roitta sasal᷊o'a.

SASABANGNGA 18:21

Arawe su liuddu udde lai i'o ṛinone mamile manga pira taumata esakka apan pande, wuṛṛu manebbo'i mangitou maola'a piaṛṛa'u saṛṛiwu su atoune, maṛṛasutta su atoune, liman pul᷊o su atoune wuṛṛu mapul᷊o su atoune. I mangitou ṛinone manga taumata apan matta'utta wuṛṛu matuṛṛutta Mawu, wotangnge pangimananna wuṛṛu maddiri manengkamma aonggola.

SASABANGNGA 23:6

Ola'e taumata asiangnga ringannu atatul᷊idda amungkangngu i tou rumanta mangapiddu hattone su mallaṛṛuungnga.

SASABANGNGA 23:8

Imbaṛṛangnga manengkamma roitta aonggolla, ana waugu roitta aonggolla udde ma'awuta su ola'u inolaanna mapia wuṛṛu ma'arugi manga taumata apan tawe sal᷊ane.

MANNANASE 2:19

wuṛṛu isai masingkatta tanne i tou pande ara'e woddo? Arawe salaiwe erepa i tou sarun manahuanna hessin inasaharangku apan buatte niasombangangku sutempo i ya'u mabbiakka su runia indi al᷊amattu inasaharangku wuṛṛu asingka'u. Nariaddi, udde lai sia-sia.

YESAYA 1:23

Manga piaṛṛangngu mammangalo wuṛṛu manga daroloṛṛannu manna'o; i mangitou apulune mannengkamma aonggolla wuṛṛu roitta sasogokka. I mangitou maddiri manamba'a asisin timpal᷊ussa su saruannu mallaṛṛuungnga; maddiri maddaringikka aalaen manga wawine wal᷊u.

YESAYA 33:15

I yamiu wotongnge maataṛṛangnga amungkangngu i yamiu mabbisara wuṛṛu inolaannu naṛṛino. Arie paddea'a auntunganna ringannu mannansara taumata asiangnga, wuṛṛu arie panengkamma roitta sasogokka. Arie pallaṛṛenggenna taumata apan manggol᷊agu pamamate wuṛṛu al᷊al᷊eo waine.

MIKHA 3:11

Manga tembonannu soa mammarenta ringannu maasomba roitta aonggolla, manga imam mangngaṛṛa'u titan Mawu tadea'u maasomba lal᷊antakke, wuṛṛu manga nabi maddorongnga tatantiro wuassu Ruata tadea'u maasomba roitta – ana see i mangitou sarangkanambone massunna manungku Mawu uasamba'a si mangitou. I mangitou nabbisara, “Mawu udde su pattangnganni ite; i ite sarun tawe aṛṛiannu asasilaka.”

TAHIUL᷊E 16:19

Sulal᷊ummu makkawessu hatto, i mangitou tawe wotongnge walate apulu mapaasal᷊a ara'e mangempen samba'a. I mangitou lai tawe wotongnge manengkamma roitta, ana waugu roitta udde maawuta taumata, ewe'e lai su taumata pande wuṛṛu matul᷊idda, na'oman sara i mangitou makkawessu hatto tawe su atatul᷊idda.

1 TIMOTIUS 3:3

arie taumata taṛṛa wu'anna, ara'e taṛṛa wawul᷊o. Ewe'e i tou ṛinone sangkatou masaṛṛionto'a, wuṛṛu mal᷊utu su paddarame. Tawe wotongnge i tou wal᷊iun roitta.

1 TIMOTIUS 6:10

Ana waugu wuassu aapulun doitta, lumappute al᷊awo'u al᷊al᷊eo. Pia sambageanganna taumata apan maddea'a roitta na'oman sara tate tumuṛṛutta lai al᷊aṛṛa'u Saṛṛani, ana see i mangitou niaṛṛiaannu manambo asasusa naṛṛimunsa'a naungngi mangitou.

1 SAMUEL 12:2

Manattakka orassa indi ete i tou apan mamiaṛṛa'i yamiu. Pa'ellege, ya'u indi timmadete wuṛṛu piate owanna. I ya'u mal᷊annute uapiaṛṛa'i yamiu – ro'en ya'u ta'e dario'a naddatingngu orassa indi. Tatialane manungku manga ana'u udde mangkatinggakke.

1 SAMUEL 2:35

Wua'udde i Ya'u sarun mamile imam apan matuṛṛutta si Ya'u wuṛṛu maddaringikka manga parenta-U si tou. Si tou sarun Ta'u ionggolla papapulunna apan sidutu mammanara imam su saruannu manga ratu apan Ta'u nipile.