1 SAMUEL 8:11 - WUKE SUSI WATTI'U AL᷊AL᷊USASSA

¹¹ “Etearendi sal᷊immurine i yamiu sarun parentannu ratu,” etearoddi i Samuel mannal᷊a'a. “I tou sarun mamata'u manga anangngu maola'a tantara; sambageanganna wuassi mangitou maola'a tantaran kereta, sambageanganna lai maola'a tantara uasa'e awal᷊o, wuṛṛu waine lai tantara u'amattu ledda.

1 SAMUEL 8:11 Iomraidhean Croise

2 SAMUEL 15:1

Wua'udde i Absalom nandiahi saranapane sambau keretan pangalo ringannu awal᷊o see lai liman pul᷊o su atoune mallal᷊aṛenggenne.

1 MARARATU 1:5

Ana waugu i Absalom natete, ne i Adonia, ana'i Daud aruane naola'a aiaanganne. Inangnge aranne i Hagit. I Adonia uddewe sangkatou apan maṛṛansangnga. Iamangnge tawe saran paassa namul᷊o si tou amungkangngu i tou ma'ola'a pasasal᷊a. I Adonia mappulu atonna maola'a ratu, ne i tou nanaddia hunan batanganne manambo keretan pangalo wuṛṛu tantara uasa'e awal᷊o see liman pul᷊o tantara uariaga si tou.

1 MARARATU 10:26

I Salomo na'ola'a tantaran pangalo apan anambone 1.400 keretan pangalo wuṛṛu 12.000 tantara uasa'e awal᷊o. Sambageanganna niaddone su Yerusalem wuṛṛu lambene su al᷊awo'u soa waine.

1 MARARATU 12:10

I mangitou sinumimbakka, “Arendite ṛinone i Tuanga mabbisara si mangitou, ‘Salaiwe i ya'u lome, arawe i ya'u ta'e mattohasanna wuassu iamangku!’

1 MARARATU 12:4

“I Salomo iamangngi Tuangnga nangonggollu winabbawa apan mawakkatta si yami. Orassa indi amungkangngu i Tuangnga makkanna winabbawa wuṛṛu manggaingnga asasusan kami, yami sarun massuṛṛubawa si Tuangnga.”

1 MARARATU 14:27

Ne naola'a hahantine Ratu Rehabeam na'ola'a manga allungnga wuassu witu'a, wuṛṛu nitantilla su manga tembonannu tantarane apan uariaga passalangannu wal᷊en araratuanna.

1 MARARATU 18:46

Orassa udde i Elia naasomba atatohassa wuassu Mawu. I tou nangal᷊aissa jubane ire'e wuṛṛu niwa'issa su lawassa ana see tinumal᷊angnga nalliuṛṛoro si Ahab su al᷊o'engngu lal᷊anna naddatingngu ngaran passalangannu soan Yizreel.

1 SAMUEL 10:25

Wua'udde i Samuel nanal᷊a'a su walahanna udde su ola'u taṛṛino wuṛṛu manaran datu, ana see niwoṛṛetti tou sulal᷊ummu wuke apan niaddo su tampa susi. Wua'udde i Samuel nandolokku walahanna udde niapaapul᷊e su wal᷊en sangkatou-sangkatou.

1 SAMUEL 14:52

Su al᷊o'engngu pabbiaṛṛanne i tou sidutu uapapangalo mando'appa taumatan Filistin. Ana waugu udde, napawe i Saul maasilo taumata apan matohassa ara'e waṛṛani, lapiddu olaanne tantarane.

1 SAMUEL 22:7

i tou nabbisara su manga tembonannu tantarane udde, “Paddaringikka, ei manga taumatan Benyamin! Apa i Daud udde sarun mangonggollu wawail᷊anna wuṛṛu waillu anggore si yamiu? Apa i yamiu sarangkanambone sarun pileanna maola'a tembonanne sulal᷊ummu tantarane?

1 SAMUEL 8:9

Ana waugu udde utungete darorongngi mangitou, arawe i mangitou paanaunga'a ringannu atonna-tonna, wuṛṛu pasingkata'a ereapa i mangitou sarun parentannu sangkatou ratu.”