1 SAMUEL 6:9 - WUKE SUSI WATTI'U AL᷊AL᷊USASSA

⁹ Paatutuṛṛe lal᷊anne; amungkangu Wantallu Pa'aire udde niapidda watukku wanuane sassane, eteudde soa Bet-Semes, udde atappasanne manungku ete Ruatan taumatan Israel apan buatte nadantan asasilaka apan bahewalla indi si ite. Arawe amungkangu roda udde tawe mattuddan tampa udde, i ite sarun maasingkatta manungku asasilaka udde wal᷊ine wuassu Ruatan Israel, ewe'e etearoddi nariaddite.”

1 SAMUEL 6:9 Iomraidhean Croise

2 SAMUEL 1:6

I tou sinumimbakka, “Allangngu nassuhanne isudde su Wowon Gilboa, ana see naasilo si Saul uasandakka su sambeangnge, wuṛṛu manga kereta see lai tantaran seetta uasa'e awal᷊o, maranite mamangalo si tou.

2 TAWARIKH 25:21

Ana waugu udde i Yoas inaite ringannu tantarane watukku Bet-Semes wuṛṛu napapangaloten Amazia poiaroddi.

SASABANGNGA 8:15

Napawe ratu naasilo manungku manga a'akka udde natete, naungnge naatikke. Wuṛṛu ere buatte niwal᷊o Mawu, ratu maddiri maddaringikka wisara i Musa wuṛṛu i Harun.

MANNANASE 9:11

Su runia indi piaddu lai apan ta'u niasiloanna: patatalumma tawe sidutu asombangannu tumatal᷊angnga mal᷊ihakka, pangalo tawe sidutu auntungannu taumata apan matohassa. Taumata pande tawe sidutu maasomba manarane. Taumata masiṛṛungnga tawe sidutu maasomba paa'ala. Wuṛṛu lai manga mapapande tawe sidutu tumelengnga. Ana waugu suapan taumata wotongnge aṛṛiaannu pal᷊addu pabbiaṛṛanna lal᷊eo.

YESAYA 26:11

Mawu, I'o nasaddiate makkuumannu seen-Nu, arawe i mangitou waggate. Wala'ewe i mangitou masili maasilo darangngu-Nu su uman-Nu. Wala'ewe i mangitou masue maṛṛadda'a ringannu ṛuumanna apan buatte nisaddia-Nu si mangitou.

AMOS 3:6

Apa taumata su soa tawe mangiladda amungkangngu maaringikka tingikku trompetta tatialan pangalo? Wotongngewe sambau soa aṛṛiaannu asasilaka, amungkangngu Mawu tawe mandantan asasilaka udde?

LUKAS 10:31

Inaṛṛombanganne sangkatou imam inumamatta lai su lal᷊anna udde. Napawe i tou naasilo taumata udde, i tou nanewadda su samba'an dal᷊anna, see nanassukku amatanne.

YOSUA 15:10

wuṛṛu mamal᷊iwutta wageangngu waṛṛatu Baala watukku panenteannu Edom, ana see masal᷊a watukku wageangngu sawannaku Wowon Yearim (eteudde Wowon Kesalon), wuṛṛu sumossokka watukku Bet-Semes, wua'udde masal᷊a watukku Timna.

1 SAMUEL 6:10

Manga taumata udde tinumuṛṛutta; i mangitou nanganu darua sapi apan ta'e mappasusu, ana see niapawol᷊engnga roda, arawe manga ana'u sapi udde nitaṛṛo sulal᷊ummu tanda'a.

1 SAMUEL 6:12

Manga sapi udde lapiddu niumamatta watukku Bet-Semes; winatangnga udde u'amatta lapiddu mammiṛṛonganna, tawe sinumewadda watukku aiṛṛi ara'e aikkatannu lal᷊anna wahewalla. Siri lima ratun Filistin udde sidutu uatantalongnga naddatingngu passarannu Bet-Semes.

1 SAMUEL 6:3

Ana see i mangitou sinumimbakka, “Wantallu Paairen Mawu Ruatan Israel udde arie pabbelenga'i yamiu aroddi, arawe ṛinone i yamiu lai mangapiddu aonggolla ipanubbussa rosanu. Ringannu aroddi yamiu sarun iapaapia wuassu radda'a, wuṛṛu i yamiu sarun maasingkatta anio Mawu Ruatan Israel udde sidutu makkuumanni yamiu.”