1 SAMUEL 6:4 - WUKE SUSI WATTI'U AL᷊AL᷊USASSA

⁴ “Aonggola apate apan ṛinone ionggolli ite si Tou?” aiwal᷊on manga taumata udde. Manga imam udde sinumimbbakka, “Lima su waune bau wul᷊awanna wuṛṛu lima su waune lai wal᷊awo wul᷊awanna, uasul᷊ungngu anambon reengannu ratun Filistin. Wal᷊inewe radda'a hanne buatte naṛṛia'a si yamiu sarangkanambone, mawae ete su tumanangnge aroddi lai su ratu?

1 SAMUEL 6:4 Iomraidhean Croise

SASABANGNGA 12:35

I mangitou lai tinumuṛṛutta apa apan niwal᷊o i Musa, eteudde madorongnga manga lal᷊ogakka wul᷊awanna wuṛṛu sal᷊a'a wuṛṛu laubbu manga taumata Mesir.

YOSUA 13:3

wuṛṛu ahewallu leta'u Awi watukku timukka. (Wageanga wuassu Sal᷊ukku Sikhor su passarannu Mesir ma'oman sara passarannu Ekron su samba'an sawannakka, sarangkanambone udde nareengnga wageangngu leta'u walahannu Kanaan; wuṛṛu manga ratun Filistin uatana'a su Gaza, Asdod, Askelon, Gad wuṛṛu Ekron).

MAL᷊AṚṚUUNGNGA 14:19

Inaṛombanganne i Simson nabbal᷊i natohassu taṛinon Mawu, ana see i tou inaite watukku Askelon. Poiaroddi i tou namate tallun pul᷊o esakka apan ual᷊uṛen laubba mangkapia. I tou nanganu laubbi mangitou udde wuṛṛu nionggola su siri tallun pul᷊o apan buatte nani'attu ao'one udde. Wua'udde i tou napul᷊ete su wal᷊ene ringannu naungnga mappau.

MAL᷊AṚṚUUNGNGA 3:3

Manga walahanna apan ta'e uatana'a su wanua udde eteudde: walahanna apan uatana'a su lima soa Filistin, anambon walahannu Kanaan, walahannu Sidon, wuṛṛu Hewi apan uatana'a su panenteannu Libanon, manattakka wuassu Wowon Baal-Hermon maddatingngu lal᷊anna apan mattuddan Hamat.

1 SAMUEL 5:12

Manga taumata apan tawe nate, sinapputannu radda'a hanne, na'oman sara tumana'u soa mangngintul᷊i su manga monganni mangitou, ma'iontolla.

1 SAMUEL 5:6

Wua'udde Mawu nakkuumannu tumana'u Asdod wuṛṛu wageangngu leta'a maranine ringannu manga hanne su waddangngi mangitou.

1 SAMUEL 5:9

Arawe napawe wantalla udde na'omate isudde, Mawu nakkuumannu soa udde lai wuṛṛu nandantan atata'utta apan bahewalla. Tumana'u soa udde, mawae ete dario'a ara'e timmade niṛṛuumannu manga radda'a hanne apan tinumuwo su waddangngi mangitou.

1 SAMUEL 6:5

Nariaddi, yamiu ṛinone mattanno ola'u manga hanne wuṛṛu su wal᷊awo apan masaddatta su wanuanu. Ringannu aroddi yamiu mangngaddatta Mawu Ruatan Israel. Asinungka i Tou tate makkuumanni yamiu, manga mongannu see lai manga letangngu.

1 SAMUEL 6:8

Wua'udde, al᷊appe Wantallu Paairen Mawu, lurana'e su roda, wuṛṛu niaddo su sandiṛṛanne tampan bul᷊awanna apan ṛinone ionggolli yamiu su Mawu maola'a tatubbussa rosanu. Roda wuṛṛu sapi udde niwalane u'amatta sassane.