1 SAMUEL 6:12 - WUKE SUSI WATTI'U AL᷊AL᷊USASSA

¹² Manga sapi udde lapiddu niumamatta watukku Bet-Semes; winatangnga udde u'amatta lapiddu mammiṛṛonganna, tawe sinumewadda watukku aiṛṛi ara'e aikkatannu lal᷊anna wahewalla. Siri lima ratun Filistin udde sidutu uatantalongnga naddatingngu passarannu Bet-Semes.

1 SAMUEL 6:12 Iomraidhean Croise

SASABANGNGA 8:15

Napawe ratu naasilo manungku manga a'akka udde natete, naungnge naatikke. Wuṛṛu ere buatte niwal᷊o Mawu, ratu maddiri maddaringikka wisara i Musa wuṛṛu i Harun.

REENGANNA 20:19

Taumatan Israel nabbisara, “Yami sarun umamatta su lal᷊anna wahewalla, wuṛṛu amungkangngu yami ara'e winatangngi yami ma'inumma ua'enu yami sarun mamaekka. Yami tumba'u mappandumma sumabbi.”

YOSUA 15:10

wuṛṛu mamal᷊iwutta wageangngu waṛṛatu Baala watukku panenteannu Edom, ana see masal᷊a watukku wageangngu sawannaku Wowon Yearim (eteudde Wowon Kesalon), wuṛṛu sumossokka watukku Bet-Semes, wua'udde masal᷊a watukku Timna.

1 SAMUEL 6:11

Ana see Wantallu Pa'aire udde nilurante su roda, wuṛṛu lai tampan bal᷊awo wul᷊awanna wuṛṛu lihiddu manga hanne udde.

1 SAMUEL 6:13

Sutempo udde tumana'u Bet-Semes mangngitingnga gandumma su wawal᷊anne. Napawe i mangitou naasilo Wantallu Pa'aire udde, ringannu lulluassa i mangitou mannal᷊oho.

1 SAMUEL 6:9

Paatutuṛṛe lal᷊anne; amungkangu Wantallu Pa'aire udde niapidda watukku wanuane sassane, eteudde soa Bet-Semes, udde atappasanne manungku ete Ruatan taumatan Israel apan buatte nadantan asasilaka apan bahewalla indi si ite. Arawe amungkangu roda udde tawe mattuddan tampa udde, i ite sarun maasingkatta manungku asasilaka udde wal᷊ine wuassu Ruatan Israel, ewe'e etearoddi nariaddite.”