1 SAMUEL 4:12 - WUKE SUSI WATTI'U AL᷊AL᷊USASSA

¹² Sangkatou wuassu ruanganni Benyamin tinumal᷊angnga wuassu tampa papangaloanna watukku Silo, wuṛṛu na'omate isudde su allo udde lai. Naola'a tatialan lullal᷊o, i tou nanggesa'a laungnge wuṛṛu niaddo su leta'a ana see puane niandangannu leta'a.

1 SAMUEL 4:12 Iomraidhean Croise

2 SAMUEL 1:2

Tiṛṛabbine, nirumantate sangkatou umbasanna wuassu paddasananni Saul. Maola'a tatiala lullal᷊o i tou nanggesa'a laungnge wuṛṛu nangaddon leta'a su wowon puane. I tou inaite ringanni Daud wuṛṛu niumal᷊intudda su saruanne.

2 SAMUEL 13:19

Ana see i Tamar nangaddon awu su puane, wuṛṛu nanggesa'a jubane, ana see niumamatta lapiddu uataappa hatine ringannu limane ruan ba'a, lapiddu lulluai.

2 SAMUEL 15:32

Sutempo i Daud na'omate su puiddu wuidda sutampa inanaramannu taumata mattaṛṛamawu Mawu, i tou nisal᷊ohoannu hawene apan marangngu eteudde i Husai taumatan Arki. Laubbi Husai nahesa'a wuṛṛu puane nisal᷊iawuṛṛannu awu.

NEHEMIA 9:1

Su allo darua pul᷊o appatta wul᷊anna udde lai, tumana'u Israel naammulla. I mangitou nappuasa tadea'u mapal᷊iatta'u sasassilla ana waugu manga rosan mangitou. I mangitou naṛṛaen batanganne wuassu anambon taumata raho. Naola'a tatiala massusa, i mangitou nalluṛṛen nasa karongnga wuṛṛu nanal᷊iawukku leta'a su pua. Wua'udde i mangitou dirumarisikka wuṛṛu nanga'u al᷊awo'u rosan mangitou wuṛṛu rosan al᷊amonan mangitou.

AYUB 2:12

Arawe ro'en ta'e marau i mangitou tallu naasilote si tou, i mangitou ete addio'a tate maaillal᷊a lai si tou. I mangitou nilumuai ringannu ma'ikkatta wuṛṛu nanggesa'a laubbi mangitou see nangalassu awu su winalanganna wuṛṛu su pua.

YEREMIA 26:6

Amungkangngu i yamiu sidutu uatatana'a lullawangnga, wal᷊en patataṛṛamawuanna indi sarun Ta'u olanna ere Silo, na'oman sara anambon araratuanna su runia mappaattu arannu soan Yerusalem indi maola'a wawontoga.”

YEHEZKIEL 24:26

Su allo i Ya'u ma'ola'a olangnge udde, sangkatou apan naatal᷊angnga wuassu papate udde sarun dumanta, wuṛṛu mangapiddu watti'a udde si'o.

YEHEZKIEL 27:30

I mangitou lulluain ola'u pabbiaṛṛannu, sassal᷊iomanna wuṛṛu lulluai ringannu massusa. I mangitou nanal᷊iawukku awu su pua wuṛṛu tinumal᷊inggi sulal᷊ummu awu tatiala massusa.

YOSUA 7:6

I Yosua wuṛṛu manga piaṛṛa'u ṛuangannu Israel mangke massusa na'oman sara i mangitou nanggesa'a laubbi mangitou, wuṛṛu su al᷊o'engngu allo maddatingu ṛabbi i mangitou u'al᷊intudda su saruannu Wantalu Pa'aire Mawu ringannu nangaddon awu su pua mangitou maola'a sambau tatiala massusa.