1 SAMUEL 28:1 - WUKE SUSI WATTI'U AL᷊AL᷊USASSA

¹ Manga pira tempo wua'udde taumatan Filistin nangapiddu tantarane inai mamangalo Israel, ne i Akhis nabbisara si Daud, “Asinungka i'o ma'asunna manungku i'o wuṛṛu tantaranu ṛinone manamba'a si ya'u.”

1 SAMUEL 28:1 Iomraidhean Croise

1 SAMUEL 13:5

Tantal᷊anna udde taumatan Filistin naammulle lai ana waugu inai mamangalo taumatan Israel; i mangitou uatahuanna 30.000 keretan pangalo, 6.000 taumata uasa'e awal᷊o, wuṛṛu manga tantara ere anne su sahatta anambone. I mangitou naddasanna su Mikhmas samba'an ra'i Bet-Awen.

1 SAMUEL 17:1

Sutempo taumatan Filistin nangapiddu tantarane inai mapapangalo. I mangitou nangatokku warisanne su soa Sokho, su leta'a wageangngu Yehuda wuṛṛu namasen paddasananna suwallattu Sokho wuṛṛu Azeka, maranin Efes-Damim.

1 SAMUEL 27:12

Arawe i Akhis mangngimanna si Daud wuṛṛu maṛṛingidda sulal᷊ummu naungnge, “I tou tumaniten aroddi ipaddantinnu pabbawalage sassane, na'oman sara i tou mangke maola'a allangku su al᷊o'engngu pabbiaṛṛanne.”

1 SAMUEL 31:1

Tantal᷊anna udde taumatan Filistin uapapangalote nando'appa taumatan Israel su panenteannu Gilboa. Manambo taumatan Israel nate isudde, wuṛṛu ingana'a waine nasutta i Saul wuṛṛu manga anangnge esakka tinumal᷊angngu watanganne.

1 SAMUEL 7:7

Napawe taumatan Filistin naaringikka manungku taumatan Israel uaammulle su Mizpa, siri lima ratun Filistin inaite poiaroddi ringannu tantaran mangitou mamangalo taumatan Israel. Taumatan Israel naaringikka watti'a udde mangke nata'utta.