1 SAMUEL 27:12 - WUKE SUSI WATTI'U AL᷊AL᷊USASSA

¹² Arawe i Akhis mangngimanna si Daud wuṛṛu maṛṛingidda sulal᷊ummu naungnge, “I tou tumaniten aroddi ipaddantinnu pabbawalage sassane, na'oman sara i tou mangke maola'a allangku su al᷊o'engngu pabbiaṛṛanne.”

1 SAMUEL 27:12 Iomraidhean Croise

PANDARIADDI 34:30

I Yakub nabbisara si Simeon wuṛṛu si Lewi, “Iradua napaasusa'u. Orassa indi taumatan Kanaan wuṛṛu taumatan Feris wuṛṛu anambon tumana'u wanua indi sarun mandantingku. Manga taumatan kite matul᷊u; amungkangu manga tumana'u wanua udde maammula mandoappa wuṛṛu mamangalo si ya'u, anambon amonanni ite pateanna.”

2 SAMUEL 10:6

Wua'udde taumatan Amon naatutukka manungku inolaanni mangitou udde naaola'a si Daud naisaseetti mangitou. Ana waugu udde i mangitou nanewa 20.000 su atoune tantaran Siria apan uatana'a su Bet-Rehob wuṛṛu Zoba, see lai 12.000 su atoune tantara wuassu Tob, see lai ratu wuassu wanua Maakha ringannu 1.000 su atoune tantarane.

SASABANGNGA 5:21

Unnu manga mandore udde, “Mawu masingkattu inolaannu! I Tou sarun makkuumanni raddua! Ete iraddua apan naaola'a si yami nipadantinnu ratu wuṛṛu manga mamanarane, na'oman sara i mangitou mamate si yami.”

1 SAMUEL 13:4

Su anambon walahannu Israel niapasingkatta manungku i Saul buatte namate tembonannu tantaran Filistin udde wuṛṛu manungku taumatan Filistin tumaniten maddantinnu taumatan Israel. Ana waugu udde tumana'u soa niumitu'a wawaggo wuṛṛu niammulen Saul su Gilgal.

1 SAMUEL 27:11

Tawe saran sangkatou taumata su wageangngu leta'a apan nipangaloanne udde niwalane wiakka, tadea'u arie pia taumata wuassu manga wageangngu leta'a udde wotongnge inai watukku Gat mangalaen sarangkanambone apan buatte niola'i Daud wuṛṛu tantarane. Etearoddi inolaanni Daud, su al᷊annune i tou uatana'a su wanua Filistin.

1 SAMUEL 28:1

Manga pira tempo wua'udde taumatan Filistin nangapiddu tantarane inai mamangalo Israel, ne i Akhis nabbisara si Daud, “Asinungka i'o ma'asunna manungku i'o wuṛṛu tantaranu ṛinone manamba'a si ya'u.”