1 SAMUEL 27:10 - WUKE SUSI WATTI'U AL᷊AL᷊USASSA

¹⁰ Napawe i Akhis naiwal᷊o si tou, “Watukkuapa i yamiu namangalo paassa indi?” Ne i Daud nabbal᷊o si Akhis manungku i tou buatte namangalo su wageangngu leta'u Yehuda samba'a timukka, ara'e su wageangngu leta'u taumatan Yerahmeel ara'e su wageangngu leta'a atatanaannu taumatan Keni.

1 SAMUEL 27:10 Iomraidhean Croise

PANDARIADDI 27:24

i tou ta'e naiwal᷊o paassa lai, “Atonnawe i'o i Esau?” “Atonna” sasimbakki Yakub.

2 SAMUEL 17:20

Manga taumata daroloṛṛanni Absalom nirumanta su wal᷊en udde wuṛṛu naiwal᷊o su wawine tanginna, “Suapate i Ahimaas wuṛṛu i Yonatan?” “Itarua wakku-wakku nalliu sal᷊ukka,” sasimbakke. I mangitou maddea'a esakka ruan katou udde, arawe tawe naasomba, ana see i mangitou napul᷊ete watukku Yerusalem.

1 TAWARIKH 2:25

I Yerahmeel ana'i Hezron pahul᷊une pia siri lima ana'a esakka; i Ram iapa pahul᷊une, ana see i Buna, i Oren, i Ozem wuṛṛu Ahia.

1 TAWARIKH 2:9

I Hezron pia siri tallu ana'a esakka: i Yerahmeel, i Ram wuṛṛu i Kaleb.

DARALO 119:163

Al᷊awo'u awusu ta'u ipaddantinna, arawe tita-Nu arangnguangku.

DARALO 119:29

Paaruaawe i ya'u wuassu lal᷊anna apan sal᷊a, ana waugu apapia-Nu i ya'u aṛṛa'ewen tita-Nu.

AMSAL 29:25

Matta'uttu addapattu taumata, pangillul᷊eanne asasusa. Pangimante Mawu, ne i'o sarun matammudda.

REENGANNA 24:21

Sulal᷊ummu sondappa udde i Bileam naasilo papapulunni Kain, ana see nabbisara papatta indi, “Tampa atatanaannu atonna matohassa, naal᷊ihidda sal᷊akka su wowon buidda watu.

EFESUS 4:25

Ana waugu udde manga tuṛṛangnga sarangkanambone, ariete mangawusu. Pa'ola'e mapia sangkatou ringannu sangkatou, ana waugu i ite sarangkanambone uddewe suadio'a naola'a wageangngu wadangi Kristus.

MAL᷊AṚṚUUNGNGA 1:16

Papapulunnu iamangngu la'iananni Musa, eteudde manga taumatan Keni, tinumantalonga taumatan Yehuda sinumabbanga wuassu Yerikho, soam kurma, wuṛṛu inaite watukku wageangngu leta'a apan maṛṛasa alu su samba'an timukku Arad su Yehuda. Poiaroddi i mangitou namanua suwallatu walahannu Amalek.

MAL᷊AṚṚUUNGNGA 4:11

Su tempo udde i Heber, sangkatou taumatan Keni, buatte nattingkaṛaen batanganne wuassu walahanne. (Walahannu Keni udde papapulunni Hobab, ipagi Musa.) I Heber buatte napararisikku manga rasanne maranin manga aaluanna terpentin su Zaanaim, tawe marau wuassu Kedes.

MAL᷊AṚṚUUNGNGA 5:24

Naauntungke i Yael, awingngi Heber taumatan Keni; wuassu anambon taumata uatana'a su rasanna, ete i tou apan lembon nial᷊amatanna.

1 SAMUEL 15:6

I tou lai nannanata iapanaungnga su taumatan Keni wisarane, “Roote wuṛṛu tantanga'e taumatan Amalek, tadea'u i yamiu tawe ta'u ṛaddaanna suadio'a ringanni mangitou, ana waugu dorone al᷊amonanu buatte namasilon pagahahawe su taumatan Israel sutempo taumatan Israel nirumanta wuassu Mesir.” Ne taumatan Keni nangingkatte wua isudde.

1 SAMUEL 21:2

I Daud sinumimbakka, “I ya'u buatte tinantil᷊anni tuanga datu sambau manara wuṛṛu imbaṛṛangnga iapasingkatta su saran sangkatou manara udde. Ana waugu udde mallal᷊aṛenggengku ta'u nirolokka niapaṛṛaddo si ya'u su sambau tampa.

1 SAMUEL 23:27

Arawe inaṛṛombanganne nirumantate sangkatou daroloṛṛanna sinumaruanna si Saul wuṛṛu nabbisara, “Ṛinone i Tuangnga mabelengke! Taumatan Filistin poite namangalo wanuan kite!”

1 SAMUEL 27:11

Tawe saran sangkatou taumata su wageangngu leta'a apan nipangaloanne udde niwalane wiakka, tadea'u arie pia taumata wuassu manga wageangngu leta'a udde wotongnge inai watukku Gat mangalaen sarangkanambone apan buatte niola'i Daud wuṛṛu tantarane. Etearoddi inolaanni Daud, su al᷊annune i tou uatana'a su wanua Filistin.

1 SAMUEL 29:8

I Daud sinumimbakka, “Pasasal᷊a apa apan buatte niola'u allangngu, Tuangnga? Amungkangu su wisaran Tuangnga, manungku i Tuangnga tawe naasomba pasasal᷊a'u ro'en allangngu nanattakka nangimbe si Tuangnga naddatingngu orassa indi, anio allangngu tawe iwala mapapangalo lumawangnga seetti Tuangnga?”