1 SAMUEL 26:8 - WUKE SUSI WATTI'U AL᷊AL᷊USASSA

⁸ Ana see i Abisai nabbisara si Daud, “Ruata buatte nanantillu seetta si'o su ṛabbi indi. Wala'awe ya'u mamansakku sambeangngi tou sassane su waddangnge iapal᷊appassa sara leta'a, ta'u pateanna i tou ringannu paassa mamanta'a, tawe ma'oman sara paarua!”

1 SAMUEL 26:8 Iomraidhean Croise

2 SAMUEL 16:9

I Abisai tuarin Yoab ana'i Zeruya nabbisara ratu, “Anio i Tuangnga namalan mananal᷊asa'a udde nantal᷊an Tuangnga? Wala'awe allangngu makkata ullekkane!”

DARALO 31:8

I ya'u sarun lumuassa wuṛṛu lumala'a ana waugu I'o sidutu mandangngu si ya'u. I ya'u naasilo asansara'u wuṛṛu ma'ellega asasusa'u.

YEREMIA 40:15

Ana see ringannu mal᷊anna-l᷊annaba i Yohanan nabbisarate si Gedalya, “Mappianne i ya'u inaite mamate si Ismael; tawe saran sangkatou apan maasingkatta isai namate. Anio i tou ṛinone iwala mamate si'o? Udde pangillul᷊eanne anambon taumatan Yehuda apan uaammulle isindi ringannu, massal᷊iawukke apia, wuṛṛu olangnge udde sarun maaṛṛimunsa'a anambon tumana'u wanua apan ta'e nallambe su Yehuda.”

NAHUM 1:9

Al᷊awo'u hol᷊aga apan a'olaannu ipallawangnga Mawu, udde sarun tawe mariaddi. I Tou sarun tawe mabbal᷊issa al᷊al᷊eon naung-Nge ma'oman sara paarua su manga seen-Ne.

ROMA 11:32

Ana waugu Ruata suete namalan taumata paparentannu lal᷊awangnga, tadea'u i Tou wotongnge mapaal᷊iatta'u darangngu-Ne si mangitou sarangkanambone.

TAHIUL᷊E 32:30

Ereapa wotongnge sangkatou ma'aenggenna saṛṛiwu su atoune, wuṛṛu ruan katou maaola'a mapul᷊o ṛiwu su atoune tumal᷊angnga? Mawu, Ruata mangitou, buatte nabbal᷊u'i mangitou; i mangitou tinantangken Duata apan matohassa.

YOSUA 21:44

Ne ere buatte pina'ire Mawu su iupungngu al᷊amonan mangitou, wanua udde matammudda ana waugu lal᷊u'arannu Mawu. Manga seetti mangitou tawe saran sangkatou maaroappa si mangitou, ana waugu Mawu nangonggolu auntunganna su taumatan Israel su al᷊awo'u seetti mangitou.

MAL᷊AṚṚUUNGNGA 1:4

wuṛṛu ruanganni Yehuda inaite namangalo suadio'a. Ne Mawu nangonggolu auntunganna si mangitou su taumatan Kanaan wuṛṛu taumatan Feris. Mapul᷊o ṛiwu su atoune tantaran seetta nate su Bezek.

1 SAMUEL 23:14

Wua'udde i Daud natana'e su manga loṛṛangngu panenteanna su wadda'u Zif. I tou sidutu a'enggenanni Saul, arawe Mawu tawe manantilli Daud su ratu udde.

1 SAMUEL 24:4

Ne i Saul na'omate maranin manga pira tanda'u domba su winggin dal᷊anna. Isudde pia lai sambau loṛṛangnga, ne i Saul sinumuttate umuru. Wutte'e lai i Daud wuṛṛu tantarane tantal᷊anna uaimbuni sulal᷊ummu loṛṛangnga udde ewe'e i mangitou lembon al᷊al᷊umanne lai.

1 SAMUEL 24:5

Ana see tantaran Daud nabbisarate si tou, “Eteindi tempone apan mapia si Papa! Wal᷊inewe Mawu buatte nabbisara si Papa arendi, ‘Seennu sarun Ta'u itantilla si'o, walate i'o ma'inolaanna si tou!’ ” Wua'udde i Daud inaite mal᷊iwue-l᷊iwue watukku tampan Saul wuṛṛu ringannu mal᷊anna-l᷊annabba i tou namonggo'a addio'a juban Saul.

1 SAMUEL 26:23

Mawu sarun mangal᷊amatta suapan taumata apan satia wuṛṛu matul᷊idda. Ana waugu salaiwe su allo indi Mawu nanantilli Tuangku su allangngu, arawe allangngu maddiri ma'ola'a al᷊al᷊eo su saruanni Tuangnga, ratu nipilen Mawu.

1 SAMUEL 26:7

Ne su ṛabbi udde i Daud wuṛṛu i Abisai nangunsalle'a su paddasananna udde wuṛṛu naasilo si Saul tantal᷊anna mattilla su tangngan paddasananna, sambeangnga uapasi'a su leta'a maranin puane. I Abner wuṛṛu tantarane mattilla uapal᷊iwutta si Saul.

1 SAMUEL 26:9

Arawe i Daud nabbisara, “Arie pa'indinge i tou! Mawu sarun makkuumannu taumata apan inolaanne lal᷊eo su ratu apan nipile-Ne.