1 SAMUEL 26:25 - WUKE SUSI WATTI'U AL᷊AL᷊USASSA

²⁵ Ana see i Saul nabbisarate si Daud, “Mawu mangal᷊amatta si'o, Ana'u! I'o sarun maauntungnga wuṛṛu masomakka su al᷊awo'u manaranu!” Ana see i Daud nanassukku amatanne, wuṛṛu i Saul napul᷊ete watukku wal᷊ene.

1 SAMUEL 26:25 Iomraidhean Croise

PANDARIADDI 32:28

Taumata udde nabbisara, “Arannu wal᷊inewe i Yakub. I'o buatte nallaṛṛawa'u Ruata wuṛṛu ringannu taumata, wuṛṛu i'o naauntunga; ana waugu udde arannu niwalute i Israel.”

AMSAL 26:25

Salaiwe i tou masaṛṛionto'a, arawe arie pangimanna; ana waugu awawinsi uataṛṛino naungnge.

YESAYA 54:17

Arawe suapan lutangnga apan nisassalla ipando'appa si'o, sarun tawe ma'apate. Wuṛṛu suapan a'ansilla sulal᷊ummu pallaṛṛuungnganna sarun iapasingkannu nassal᷊a. I Ya'u sarun mangonggollu auntunganna su manga allang-Ku,” etearoddi wisara Mawu.

HOSEA 12:4

Ro'en ta'e sulal᷊ummu illoṛṛo, Yakub al᷊amonan mangitou buatte nallinga si Esau tuṛṛangnge ṛindua; wuṛṛu napawe timmadete, Yakub nallaṛṛawa'u Ruata.

ROMA 8:35

Apa pia taumata apan wotongnge maningaddi Kristus umakkanni ite? Wotongngewe asasusa maasingaddi Tou, ara'e asasahadda, ara'e pananansara, ara'e araṛṛutumma, ara'e paa'asiangnga, ara'e asasilaka, ara'e papate?

ROMA 8:37

Tawe! Ewe'e sulal᷊ummu sarangkanambone udde i ite naasomba auntunganna apan nasuungnga ana waugu i Tou apan niumakkani ite!

1 SAMUEL 24:19

Al᷊al᷊eo'u su saruannu buatte niwal᷊isannu ringannu apapia. Su allo indi i'o buatte napal᷊iatta'a manungku i'o pia pandumma mapia si ya'u, ana waugu i'o tawe namate si ya'u, salaiwe ya'u buatte tinantillu Mawu si'o.

1 SAMUEL 24:20

Mal᷊awa atonna sangkatou massomban seenne arawe niwalane i tou wiakka! Nariaddi, antimanna Mawu mangal᷊amatta si'o ana waugu inolaannu apan mapia si ya'u su allo indi!

1 SAMUEL 24:22

Orassa indi paddiandite si ya'u ringannu arannu Mawu, manungku i'o tawe mamate papapulungku, wuṛṛu lai tawe mamappassa arannu walahangku!”