1 SAMUEL 26:10 - WUKE SUSI WATTI'U AL᷊AL᷊USASSA

¹⁰ Sulal᷊ummu arannu Mawu apan biakka, ya'u masingkatta manungku Mawu sassane apan sarun mamate si Saul, napawe papatene nia'omante, ara'e i tou mate sulal᷊ummu pangalo.

1 SAMUEL 26:10 Iomraidhean Croise

PANDARIADDI 47:29

Napawe maraniten tempone mate, i tou namago si Yusuf, anangnge udde, ana see nabbisara si tou, “Addoa'e limanu su wallatu palangku wuṛṛu passalu manungku i'o tawe mallabingku isindi su Mesir.

AYUB 14:14

Ana waugu, napawe taumata mate, wotongngewe i tou mabbiakka apia? Allo uahahantin allo i ya'u uaṛṛaddo maddatingngu tempo asasusa'u indi mal᷊iudda.

AYUB 14:5

Anambon uukku taumata buatte nitantun-Nu; anambon bul᷊anne I'o buatte nangatokka. I'o buatte nanantunnu lai manga panginsueannu pabbiaṛṛanna; i tou tawe mapalliu udde.

AYUB 7:1

Taumata udde naal᷊ihidda iwabbata'a mattinsahadda; wiakke masahadda naal᷊ihidda wiakku taumatan sewa;

DARALO 37:10

Taumata lal᷊eo sarun mawul᷊i ringannu mal᷊ihakka, amungkangu reaanna, i tou tate asombanganna.

DARALO 37:13

Arawe Mawu lullaggen taumata lal᷊eo, ana waugu i Tou masingkatte panginsueannu taumata udde maranite.

DARALO 94:23

I Tou nakkuumannu taumata lal᷊eo uasul᷊ungngu al᷊al᷊eone, wuṛṛu napal᷊annabi mangitou ana waugu rosane. Mawu Ruatan kite sarun mapal᷊annabi mangitou.

MANNANASE 3:2

Ruata nanantunnu tempo ipanungkangnga wuṛṛu tempo mate, tempo massuanna wuṛṛu tempo mangabbutta,

LUKAS 18:7

Ne, apa Ruata tawe manamba'a hatton al᷊aṛṛanang-Nge sassane apan sussal᷊ande si Tou allo ṛabbi? Apa i Tou sarun manoṛṛuttu tempone mantul᷊ungngi mangitou!

ROMA 12:19

Manga tuṛṛangku! Arie saran paassa i'o mangune, wala'e Ruata maṛṛuumanna. Ana waugu sulal᷊ummu Wuke Susi uawoṛṛetta, “Ete i Ya'u apan mabbal᷊issa, i Ya'u sarun maṛṛuumanna, unnu wisaran Mawu.”

TAHIUL᷊E 31:14

Wua'udde Mawu nabbisara si Musa, “Tate mal᷊annu i'o mabbiakka. Nariaddi wagoite i Yosua wuṛṛu apira'e i tou watukku Rasang-Ku, tadea'u i Ya'u wotongnge mangonggolu manga tatantiro si tou.” Ne i Musa wuṛṛu i Yosua inaite watukku Rasannu Mawu,

TAHIUL᷊E 32:35

Mawu sarun mabbal᷊issa wuṛṛu makkuumanni mangitou, tate mal᷊annu lai i mangitou mate; napawe tempo papaten mangitou udde rumantate.

IBRANI 10:30

I ite masingkata isai Tou apan nabbisara, “I Ya'u sarun mabbal᷊issa! I Ya'u sarun makkuumanna!” wuṛṛu lai nabbisara, “Mawu sarun makkuungngu al᷊aṛṛanang-Nge.”

IBRANI 9:27

Ruata suete nanantuna manungku taumata mate tumba'u paassa wuṛṛu wua'udde parikisannu Ruata.

SONDAPPA 18:8

Ana waugu ete olangnge udde, ne tumba'u sulal᷊ummu allo massallo i tou sarun maasomba silaka – radda'a, asasusa wuṛṛu al᷊aṛṛutumma. Wuṛṛu i tou sarun tutungannu putungnga, ana waugu Mawu Ruata piate taṛṛino ipakkuungngi tou udde.”

1 SAMUEL 24:12

Pa'ellege, Iamangku! Pa'ellege piṛṛissu juban Tuangnga niponggo'a apan aagasannu allangngu indi! Allangngu wotongnge mamate si Tuangnga, arawe allangngu tumba'u namonggo'a addio'a pentakku juban Tuangnga. Nariaddi nasemakke manungku alangngu tawe pandumma lal᷊eo ara'e mamate. I Tuangnga mangngenggenna mamate allangngu, salaiwe allangngu tawe sal᷊ane saran kadio'a su saruanni Tuangnga.

1 SAMUEL 24:15

Pa'ellege allangngu indi apan sarun pateannu ratun Israel! Pa'ellege allangngu indi apan sidutu a'enggenanne! Allangngu tumba'u sambau asu apan nate, tumba'u ere utu.

1 SAMUEL 25:26

Ruata buatte naningaddi i Tuangku mabbal᷊issa wuṛṛu mamate manga seetti Tuangnga. Wuṛṛu orassa indi Tuangku, ringannu arannu Mawu apan biakka, allangngu massalu, antimanna ola'u wiakku manga seetti Tuangku wuṛṛu suapan taumata apan maapulu manilaka si Tuangku maola'a lai ere ola'u wiakki Nabal.

1 SAMUEL 25:38

Iraṛṛangngo mapul᷊o allo wua'udde i Nabal naasomba apia radda'a su pappuso wuassu Mawu na'oman sara i tou nate.

1 SAMUEL 25:39

Sutempo i Daud naaringikka manungku i Nabal natete, i tou nabbisarate, “Dalo su Mawu! I Tou buatte nabbal᷊issa aal᷊uandaga apan buatte niola'i Nabal si ya'u, wuṛṛu buatte namo'a allangngu indi ma'ola'a al᷊al᷊eo. Mawu buatte nakkuumanni Nabal ana waugu al᷊al᷊eone.” Wua'udde i Daud nandolokku daroloṛṛanna iapa'onokka si Abigail maola'a awingnge.

1 SAMUEL 31:4

Ana see i Saul nabbisara su ana'a esakka apan uaagassa ahidde, “Sawutte hal᷊elenu wuṛṛu usua'e si ya'u, tadea'u ya'u tawe nalanganna wuṛṛu pateannu manga taumata apan tawe maaillal᷊a Mawu.” Arawe ana'a esakka udde maddiri mangusu'a, ana waugu i tou tumaniten maaddata. Ana waugu udde i Saul nanganu hal᷊elene sassane wua'udde tinumattere su hal᷊ele apan maṛṛoro udde.

1 SAMUEL 31:6

Etearoddi i Saul suadio'a ringannu anangnge esakka siri tallu, wuṛṛu anambon tantarane see lai ana'a esakka udde nate su allo sambau udde.