1 SAMUEL 23:2 - WUKE SUSI WATTI'U AL᷊AL᷊USASSA

² Ana see i tou naiwal᷊ote Mawu, “Ṛinonewe ya'u inai mamangalo taumatan Filistin?” “Ore,” sasimbakku Mawu, “Pangaloite i mangitou wuṛṛu panal᷊amatte tumana'u Kehila.”

1 SAMUEL 23:2 Iomraidhean Croise

2 SAMUEL 2:1

Wua'udde i Daud naiwal᷊ote Mawu, “Mawu maapulu i ya'u inai manahuanna sambau soa su Yehuda?” “Ore,” sasimbakku Mawu. “Soa suapane?” Daud naiwal᷊o. “Hebron,” sasimbakku Mawu.

2 SAMUEL 5:19

I Daud naiwal᷊o Mawu, “Apa ṛinone i ya'u mamangalo taumatan Filistin udde? Apa I'o mangonggollu auntunganna si ya'u?” “Pangaloite!” sasimbakku Mawu. “I ya'u sarun mangonggollu auntunganna si'o!”

2 SAMUEL 5:23

Paassa lai i Daud naddorongnga tatantiro wuassu Mawu. Mawu sinumimbakka, “Arie pamangalo si mangitou wua isindi, arawe amatte pamal᷊iwutta wuṛṛu pangaloite i mangitou wuassu liudde, maranin manga punnu alu murbei.

1 TAWARIKH 14:10

Naaringikka udde i Daud naiwal᷊o Ruata, “Mawu, ṛinonewe i ya'u mamangalo manga taumatan Filistin udde? Apa Mawu sarun mangonggolu auntunganna si ya'u?” “Ore, pangaloite!” sasimbakku Mawu. “I Ya'u sarun mangonggolu auntunganna si'o!”

DARALO 32:8

Wisaran Mawu, “I ya'u sarun mamantingidu lal᷊anna apan amatannu, i'o sarun Ta'u ehetanna wuṛṛu Ta'u tantiroanna.

YEREMIA 10:23

Mawu, i ya'u masingkatta tawe saran sangkatou apan maataṛṛino manantunnu nasimme ara'e mangul᷊inna lal᷊annu pabbiaṛṛanne.

REENGANNA 27:21

I Yosua ṛinone maddorongnga tatantiro wuassi Imam i Eleazar, wuṛṛu i Eleazar ṛinone maiwal᷊on apulu-U ringannu mappaattu Urim wuṛṛu Tumim. Ringannu olangnge udde i Eleazar mamiaṛṛa'i Yosua wuṛṛu ahewallu walahannu Israel su al᷊awo'u hatto apan saruananni mangitou.”

YOSUA 9:14

Ne manga taumatan Israel nanengkama addio'a wiakku taumatan Gibeon udde, wuṛṛu tawe naiwal᷊o Mawu su ola'u hatto udde.

MAL᷊AṚṚUUNGNGA 1:1

Napawe i Yosua natete, walahannu Israel naiwal᷊o Mawu, “Mawu, ṛuanganna suapane wuassi i yami apan ṛinone paarorone inai mamangalo taumatan Kanaan?”

1 SAMUEL 10:22

Ana waugu udde manga taumata naiwal᷊o Mawu, “Oh Mawu, apa taumata udde isindite?” Mawu sinumimbakka, “i Saul uaimbuni su liuddu manga saranapa.”

1 SAMUEL 14:37

Ana see i Saul naiwal᷊ote Ruata, “Wotongngewe ya'u mamangalo taumatan Filistin? Apa i mangitou sarun itantillu Mawu su liman taumatan Israel?” Arawe su allo udde Ruata tawe sinumimbakka.

1 SAMUEL 23:3

Arawe mallal᷊aṛenggenni Daud nabbisara si tou, “Wakkute isindi, su Yehuda i ite matta'utta; nangillembote lai amungkangu i ite mamangalote tantaran Filistin su Kehila.”

1 SAMUEL 23:4

Ana waugu udde paassa lai i Daud naddorongnga tatantiro wuassu Mawu, wuṛṛu Mawu sinumimbakka, “Arie passinggawangnga. Pangaloite soa Kehila, ana waugu tantaran Filistin udde Ta'u itantilla si'o.”

1 SAMUEL 23:6

Sutempo i Abyatar ana'i Ahimelekh tinumal᷊angngu watanganne ringanni Daud, wuṛṛu uaṛundinganna si Daud watukku Kehila, i tou lai uaapiddu efod.

1 SAMUEL 30:8

Wua'udde i Daud naiwal᷊ote Mawu, “Ṛinonewe ya'u mangenggenna ammul᷊annu taumata namangalo udde? Wotongngewe ya'u manantuṛṛutta si mangitou?” Mawu sinumimbakka, “Ore enggenete; i'o sarun maatantuṛṛutta si mangitou wuṛṛu maapallossu manga taumata apan nisametti mangitou.”