1 SAMUEL 22:16 - WUKE SUSI WATTI'U AL᷊AL᷊USASSA

¹⁶ Arawe ratu nabbisara, “Ahimelekh! I'o wuṛṛu manga tuṛṛangngu sarangkanambone sarun mate.”

1 SAMUEL 22:16 Iomraidhean Croise

1 MARARATU 18:4

Sutempo Izebel namate manga nabin Mawu, i Obaja indi nantul᷊ungngu 100 suatoune nabi ringannu namunin mangitou sulal᷊ummu loṛṛangnga – 50 su atoune su loṛṛangnga sambau – see nangonggollu anna wuṛṛu ua'e.)

1 MARARATU 19:2

Ne i Izebel nangirimmu watti'a indi si Elia, “Antimanna manga monganna makkuumanna, ewe'e lai mamate si ya'u, amungkangngu tiṛṛabbi ere lai orassa indi ya'u tawe mapa'inolaanna si'o ere lai i'o na'inolaanna manga nabin Baal udde.”

ESTER 3:6

Wuṛṛu napawe i tou naasingkatta manungku Mordekhai sangkatou taumatan Yahudi, i tou nakkawessa makkuumanni Mordekhai wuṛṛu wal᷊ine tumba'u i tou, ewe'e sarun pateanna lai anambon walahannu Yahudi su araratuannu Persia.

AMSAL 28:15

Taumata lal᷊eo apan uaparenta taumata su awussa, naal᷊ihidda singa mammiṛṛonganna ara'e beruangnga apan tumambote.

DANIEL 2:12

Naaringikka udde ratu nabal᷊i nasa'u atonna wuṛṛu nangonggollu parenta tadea'u iapapate anambon mapapande apan uatana'a su Babel.

DANIEL 2:5

Ratu sinumimbakka, “I ya'u buatte nanganu innappuanne indi: I yamiu ṛinone mamasingkattu wal᷊iawa udde si ya'u, aroddi lai atappasanne. Amungkangngu tawe, i yamiu sarun tattaranna wuṛṛu wal᷊enu sarun iapaṛṛa'a.

MATIUS 2:16

Napawe i Herodes naasingkatta manungku manga mapapanden anumpitanna wuassu ra'i udde namahia si Tou, i tou nasa'u atonna. Wua'udde i tou nandolokke mapapaten al᷊awo'u ana'a esakka uukke rua tonna inawa su Betlehem wuṛṛu lai su wanua maranine. Udde nassul᷊ungngu tal᷊aane apan niaringiṛṛanna wuassu manga mapapanden anumpitanna udde su tempo anumpitanna udde niasiloanna.

WATTI'U MANGA RASUL 12:19

See i Herodes nandolokken taumata niaparea'a si Petrus, arawe i mangitou tawe naasomba si Petrus. Nariaddi i Herodes namarenta tadea'u manga mandariaga udde iwal᷊oanna see pateanna. Wua'udde i Herodes nanantangken Yudea wuṛṛu natana'e pira allo al᷊annune su Kaisarea.

TAHIUL᷊E 24:16

Imbaṛṛangnga taumata timmadete iṛṛuumanna pateanna, ana waugu al᷊al᷊eo apan niola'u anangnge, wuṛṛu imbaṛṛangnga ana'a iṛṛuumanna ana waugu al᷊al᷊eon hagurangnge. Suapan taumata wotongnge iṛṛuumanna pateanna ana waugu al᷊al᷊eo apan niolangnge sassane.

1 SAMUEL 14:44

Unni Saul si tou, “Antimanna ya'u iṛṛuumannu Ruata amungkangu i ya'u tawe pateanna, Yonatan!”

1 SAMUEL 20:31

I'o tawe maatutukka manungku su al᷊annunete i Daud mabbiakka, i'o tawe maola'a ratu su wanua indi? Orassa indi doloṛṛa'e taumata maddea'a si tou ana see apira'e inawarendi, ana waugu i tou ṛinone mate!”

1 SAMUEL 22:15

Atonna, allangngu buatte naddorongnga tatantiro su Ruata hunan Daud, arawe wal᷊inewe wakkute pa'assa allangngu na'ola'a udde. Su ola'u pabbawaidda lumawangnga si Tuangnga, arie i Tuangnga mangansilla allangngu ara'e sangkatou sulal᷊ummu walahannu allangngu. Allangngu mangke wagga su hatto udde!”

1 SAMUEL 22:17

Ana see i tou namarenta manga mandariaga apan uarisikka maranine, “Otte, patete manga imam wuassu Mawu udde! I mangitou na'ammulen Daud. I mangitou masingkatta manungku i Daud tinumal᷊angnga, arawe i mangitou maddiri mamasingkatta si ya'u.” Arawe manga mandariaga udde maddiri mamate manga imam wuassu Mawu udde.