1 SAMUEL 2:9 - WUKE SUSI WATTI'U AL᷊AL᷊USASSA

⁹ Taumata matuṛṛutta sidutu matammudda sulal᷊ummu sasirungngu Mawu. Arawe al᷊al᷊eo natete naṛṛimunsa'a sulal᷊ummu ararandumma wuṛṛu wasa tu'udda. Atatohassa sassane tawe iawansaga atatohassu taumata tawe maapangonggolu auntunganna.

1 SAMUEL 2:9 Iomraidhean Croise

AYUB 18:18

Wuassu asasemakka i tou nilimbuaṛṛanna sulal᷊ummu ararandumma; wuassu runian taumata wiakka i tou niapasal᷊iu.

AYUB 40:13

Labbinga'e i mangitou sarangkanambone sulal᷊ummu awu; taṛṛoa'e i mangitou su runian taumata nate.

AYUB 5:16

Orassa indi piate antimma lai su taumata apan tawe darotongnge. Wuṛṛu taumata lal᷊eo mal᷊annabba nimoune, ana waugu Ruata buatte nakkapingnga moṛṛongnge.

AYUB 5:24

I'o sarun matammudda matana'a su rasannu; wuṛṛu napawe i'o mamarikissa manga dombanu, sarangkanambone sal᷊amatta tawe gaingnge saran sambau.

DARALO 1:6

Ana waugu taumata matuṛṛutta aehetanna wuṛṛu lal᷊u'arannu Mawu, arawe taumata lal᷊eo mattuddan papate.

DARALO 105:37

Wua'udde walahannu Israel niapiddu Mawu sinumabbangnga, i mangitou uaapiddu wul᷊awanna wuṛṛu sal᷊a'a; sarangkanambone mapia wuṛṛu matohassa.

DARALO 121:3

I Tou tawe mamalanu manawo, mallal᷊u'addu sidutu uariaga.

DARALO 121:5

Mawu sarun mallu'adda si'o, i Tou su sandiṛṛannu manillumma si'o.

DARALO 121:8

I Tou ual᷊u'adda si'o sutempo i'o rumanta wuṛṛu mapul᷊e, orassa indi sarun mal᷊annu-l᷊annu.

DARALO 145:20

I Tou mallu'adda suapan taumata apan marangngu si Tou, arawe taumata lal᷊eo nipate-Ne.

DARALO 31:17

Antimanna I'o mandangngu allang-Ngu; sal᷊amatewe i ya'u ana waugu darangngu-Nu.

DARALO 37:28

Ana waugu Mawu marangngu inolaanna apan mapia wuṛṛu matul᷊idda, taumata apan matuṛṛutta si Tou tawe niwala-Ne su asasusa. I Tou ual᷊u'adda si mangitou saran mal᷊annu-l᷊annu, arawe papapulunnu taumata lal᷊eo sarun ṛaddaanna.

DARALO 94:18

Sutempo i ya'u maṛṛingidda manungku i ya'u sarun manawo, darangngu-Nu, Mawu, naaola'a si ya'u dirumarisikka matohassa.

DARALO 97:10

Ei i yamiu apan mandangngu Mawu, aratinten al᷊al᷊eo! Ana waugu Mawu ual᷊u'adda wiakku al᷊aṛanang-Nge, i Tou namallossi mangitou wuassu taṛṛinon taumata lal᷊eo.

AMSAL 16:9

Taumata wotongnge manggol᷊aga, arawe Ruata apan manantunnu lal᷊annu pabbiaṛṛanne.

AMSAL 2:8

Mawu ual᷊u'adda manga taumata apan ma'ola'a atatul᷊idda wuṛṛu mannillumma si mangitou apan marangngu si Tou.

AMSAL 3:26

Mawu sarun mallu'adda si'o. I Tou tawe mamalanu mataṛṛo sulal᷊ummu sedda.

MANNANASE 5:17

Ne i ya'u naasunnate manungku apa apan apianne si ite tumba'u anna, ua'e wuṛṛu mattemma hessin inasaharanni ite su al᷊o'engngu paabiaṛṛanna maautta apan nionggollu Ruata si ite; eteudde pal᷊addu paabbiaṛṛanni ite.

MANNANASE 9:11

Su runia indi piaddu lai apan ta'u niasiloanna: patatalumma tawe sidutu asombangannu tumatal᷊angnga mal᷊ihakka, pangalo tawe sidutu auntungannu taumata apan matohassa. Taumata pande tawe sidutu maasomba manarane. Taumata masiṛṛungnga tawe sidutu maasomba paa'ala. Wuṛṛu lai manga mapapande tawe sidutu tumelengnga. Ana waugu suapan taumata wotongnge aṛṛiaannu pal᷊addu pabbiaṛṛanna lal᷊eo.

YESAYA 27:3

Ya'u, Mawu, mandariagane; suapan tempo i Ya'u mamamokkane, allo ṛabbi i Ya'u mallu'adda tadea'u tawe piaddu manal᷊awa'a.

YESAYA 47:5

Mawu nabbisara su Babel, “Paal᷊annabba, wuṛṛu suttate sulal᷊ummu ararandumma. I'o tate lai isaggo ‘Ratu manga araratuanna.’

YEREMIA 8:14

“Anio i ite mangke mal᷊anna-l᷊annabba?” unnu umattu Ruata. “Wette i ite suaddio'a inaite massal᷊iu watukku manga soa apan pia tanda batune wala'e i ite mate poiaroddi. Mawu Ruatang kite buatte nanantunna manungku i ite ṛinone mate. I tou buatte nangonggolla si ite racunna iapa'inumma ana waugu i ite marosa si Tou.

YEREMIA 9:23

Mawu nabbisara, “Taumata pande imbaṛṛangnga lumuassa ana waugu apapandene, taumata matohassa ana waugu atatohanne, wuṛṛu taumata ala ana waugu pa'aalane.

NAHUM 1:8

Naal᷊ihidda manawangnga wahewalla apan nangelekka, niṛṛimunsang-Nge manga seen-Ne. I mangitou apan waṛṛani lumawangnga si Tou nipuullu Mawu ringannu papate na'oman sara nate.

ZEFANYA 1:15

Allo udde allon asasa'u, asasahadda wuṛṛu asasusa, allon ahahokka wuṛṛu araṛṛimunsa'a, allon ararandumma wuṛṛu mal᷊abbukka, allo apan marandumma wuṛṛu pia ṛawu'a.

ZAKARIA 4:6

Mala'ekatta udde nandalo'u mamasingkatta si Zerubabel tanata Mawu indi, “Wal᷊ine ringannu atatohassu tantara wuṛṛu wal᷊ine lai ringannu atatohannu sassane i'o sarun maauntunga, ewe'e ringannu Ghaṛṛaho-U.

REENGANNA 6:24

Antimanna Mawu mangal᷊amatta wuṛṛu mappadul᷊i si yamiu.

MATIUS 8:12

Arawe manga taumata apan ṛinone maola'a al᷊aṛṛana'u Ruata sarun iramme su ararandumma su liudde. Isudde i mangitou sarun lumuai wuṛṛu matataṛṛangngu asasusa.”

ROMA 3:19

Orassa indi i ite masingkata manungku sarangkanambone apan uawoṛṛetta sulal᷊ummu titan agama Yahudi, udde hunane su manga taumata apan paparentannu tita udde. Ringannu aroddi tawe saran sangkatou wotongnge maasimbakka wuṛṛu ahewallu runia indi wotongnge iapaasal᷊an Duata.

TAHIUL᷊E 33:3

Atonna, Mawu marangngu walahan-Ne I Tou mallu'adda anambon taumata apan naola'a pussa'a-Ne. Wette i ite umal᷊intudda su saruannu ledda-Ne wuṛṛu tumuṛṛutta manga parenta-Ne.

1 PETRUS 1:5

Sarangkanambone udde ionggola si yamiu, ana waugu i yamiu mangngimanna Ruata. Ne i yamiu rariagannu taṛṛinon Duata tadea'u i yamiu manengkamma asasal᷊amatta apan nasaddiate iapaal᷊iatta'a su allo pangudusanne.

2 PETRUS 2:17

Manga huru awusu udde nal᷊ihida ere al᷊imatan kua'e apan namara wuṛṛu naal᷊ihida ere rallamma nitiuppu anginna al᷊isusu. Ruata suete nanaddia tampane, sambau tampa apan tumaniten maranduma.

YUDAS 1:1

Manga tuṛṛangnga apan suete niwaggoanna wuṛṛu lembon arangnguannu Ruata Iamangnga, see rariagganna ana waugu Mawu Yesus Kristus. Naola'a allangngi Yesus Kristus, i ya'u – Yudas – tuṛṛangngi Yakobus,

YUDAS 1:13

Ere lai lua'a mal᷊aragga su tahal᷊oangnga lullupa, aroddi lai i mangitou lullupa manga inolaanna apan maasili. I mangitou ere lai manga anumpitanna apan lullallele apan suete nisaddian Duata tampane sulal᷊ummu araranduma apan masaddatta ma'oman sara mal᷊annu-l᷊annu.

YUDAS 1:3

Manga tuṛṛangnga apan arangnguanna! I ya'u atonna-tonna pia pandumanna mamoṛṛettu suratta si yamiu su ola'u asasal᷊amatta apan suete niapendamanni ite suaddio'a. Arawe orassa indi ya'u pia pandumma mangaṛṛa'a si yamiu ringannu suratta indi tadea'u i yamiu siddutu mammanara maddea'a pangangimanna apan paassate nionggolu Ruata ma'oman sara mal᷊annu-l᷊annu su al᷊aṛṛanang-Nge.

1 SAMUEL 25:26

Ruata buatte naningaddi i Tuangku mabbal᷊issa wuṛṛu mamate manga seetti Tuangnga. Wuṛṛu orassa indi Tuangku, ringannu arannu Mawu apan biakka, allangngu massalu, antimanna ola'u wiakku manga seetti Tuangku wuṛṛu suapan taumata apan maapulu manilaka si Tuangku maola'a lai ere ola'u wiakki Nabal.