1 SAMUEL 2:2 - WUKE SUSI WATTI'U AL᷊AL᷊USASSA

² Taweddu apan susi ere Mawu! Tumba'u i Tou apan wotongnge manillumma.

1 SAMUEL 2:2 Iomraidhean Croise

2 SAMUEL 22:3

Mawu naal᷊ihidda tanda'a watu apan matohassa. Tampa pasasirungangku. Naal᷊ihidda allungnga i Tou uataappa si ya'u, wuṛṛu ual᷊u'adda tadea'u i ya'u sidutu mal᷊angnganna.

2 SAMUEL 22:32

Ana waugu tumba'u Mawu udde Ruata; tumba'u Ruata apan uasamba'a si ite.

2 SAMUEL 7:22

I'o lembon mawantuga, oh Mawu Ruata, tumba'u I'o Ruata, taweddu nassul᷊ungngu Mawu. Yami masingkattu olangnge udde ana waugu buatte niapasingkatta ro'en dorone.

1 MARARATU 8:23

wuṛṛu niumal᷊iomanna, “Mawu, Ruatan Israel! Su langitta ara'e lai su runia taweddu ere I'o! I'o nanipussa pa'aire-Nu wuṛṛu napal᷊iatta'u darangngu-Nu su uman-Nu apan satia wuṛṛu matuṛṛutta ringannu ahewallu naungnga Si'o.

DARALO 111:9

I Tou namallossu al᷊aṛṛanang-Nge, wuṛṛu nakkiinnu paaire apan tawe pangudusanne si mangitou. Ete i Tou Mawu apan na'ukkassa wuṛṛu matohassa!

DARALO 18:2

I ya'u marangngu Si'o, oh Mawu, Ete I'o atatoha'u.

DARALO 18:31

Inolaannu Ruata udde nasuungnga paairen Mawu udde apangimananna. I Tou naal᷊ihidda allungnga su anambon taumata apan uasirungnga si Tou.

DARALO 71:19

Oh Ruata, atatul᷊iddu nappatakku langitta; tumaniten wahewalla manga inolaan-Nu; isai wotongnge maasul᷊ungnga Si'o?

DARALO 71:3

Ariaditewe si ya'u ere wowone watu tampa'u uatana'a, apan sidutu mal᷊uassa pattudanne. Ana waugu I'o buatte nakkawessa manal᷊amatta si ya'u, Ete I'o tampa i ya'u uatillumma wuṛṛu uasirungnga.

DARALO 73:25

Isai apan tatahuanangku su surga tumba'u I'o? Wal᷊ine wuassu Mawu taweddu ta'u ipaapulu su runia.

DARALO 86:8

Oh Mawu, tawe mawu ere I'o, taweddu maaola'a ere a'olaan-Nu.

DARALO 89:6

Ammul᷊annu surga maddalo manga inolaan-Nu apan maatiangnga, wuṛṛu mangngantarin apapia-Nu, Mawu.

DARALO 89:8

I'o aaddatanna su ammul᷊annu taumata susi, iaata'utta wuassu anambon sarangkamabone apan marani-Nu.

DARALO 99:3

Wala'e i mangitou maddalo aran-Ne apan na'ukkassa mawantuga. Na'ukkasse i Tou!

DARALO 99:5

Wantuhete Mawu Ruatan kite, passubbate su saruannu araratuan-Ne. Na'ukkasse i Tou!

DARALO 99:9

Pangaddate Mawu Ruatan kite, wuṛṛu passubbate si Tou su wuiddu Mawu apan susi, ana waugu na'ukkasse Mawu Ruatan kite.

SASABANGNGA 15:11

Ruata suapane apan botongnge maasul᷊ungnga Si'o, oh Mawu Apan Lembon Mawantuga wuṛṛu na'ukkassa? Isai wotongnge mappa'ola'a manga al᷊aṛṛindu'a wuṛṛu inolaanna apan bahewalla ere Mawu?

YESAYA 40:18

Nariaddi ringanni sai i'o manul᷊ungngu Ruata? Isai apan su pendamannu nassul᷊ungngi Tou?

YESAYA 44:6

Eteindi wisara Mawu Apan Lembontaṛṛino, Ratu mallal᷊u'adda Israel, “I Ya'u Ruata Apan Tinggassa, apan paarorone wuṛṛu panguddusanne.

YESAYA 44:8

Pabbawala-U, arie mata'utta ara'e ṛumindu'a; wal᷊inewe ro'en dorone naddatingngu orassa indi i Ya'u buatte nani'attu apa apan mariaddi? Ete i yamiu manga tiala-U. Mallal᷊u'adda waine tawe baddi'a wuṛṛu i Ya'u tawe maaillal᷊a.”

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

YESAYA 6:3

I mangitou mangngintul᷊i sambau ringannu waine: “Susi, susi, susi. Susi Mawu Apan Lembontaṛṛino. Runia napenen daranta-Ne apan mawantuga.”

YEREMIA 10:6

Mawu apan mawantuga, I'o mangke tawe sul᷊ungngu, aran-Nu mawantuga wuṛṛu napenen taṛṛino.

IMAMATTA 11:44

Ete i Ya'u Mawu Ruatanu, ana waugu udde paariagaite tadea'u i yamiu sidutu susi, ana waugu i Ya'u susi.

IMAMATTA 11:45

Ete i Ya'u Ruatanu apan nangapiddi yamiu sinumabbangnga wuassu Mesir, tadea'u i Ya'u wotongnge maola'a Ruatanu. Ṛinone i yamiu susi, ana waugu i Ya'u susi.

IMAMATTA 19:2

mamasingkatta su walahannu Israel parenta indi, “Ṛinone i yamiu susi, ana waugu i Ya'u Ruatanu uddewe susi.

ROMA 15:4

Sarangkanambone apan nawoṛṛette sulal᷊ummu Wuke Susi udde ipannantiro si ite. Ana waugu al᷊aṛṛa'a apan nisengkammi ite wuassu Wuke Susi mammal᷊u si ite maola'a masabbare wuṛṛu matohassa na'oman sara i ite wotongnge mangngantimma Ruata.

ROMA 4:8

Lal᷊umanna'a su taumata apan manga rosane tawe nireengu Ruata!”

TAHIUL᷊E 3:24

Oh Mawu Apan Atanggaṛṛanne, i ya'u masingkatta manungku nipasilonu si ya'u indi tumba'u panattaṛṛannu al᷊awo'u inolaanna apan bahewalla wuṛṛu ma'atiangnga. Tawe Mawu wal᷊ine sulangitta ara'e su runia apan ere I'o wotongnge ma'ola'a inolaanna apan waluwalla.

TAHIUL᷊E 32:20

Wisara-Ne, ‘I Ya'u maddirite mantul᷊ungngi mangitou apia; walate Ta'u ellehanna tanne ereapa panginsueanni mangitou. Ana waugu walahanna udde maatikka puane wuṛṛu mangke tawe tumuṛṛutta.

TAHIUL᷊E 32:39

Pa'ellege, i Ya'u Ruata Apan Tinggassa, tawe Duata wal᷊ine tumba'u i Ya'u. I Ya'u mammate wuṛṛu mappaawiakka mallessa wuṛṛu mangngapia. Napawe i Ya'u mammanarate, tawe saran sangkatou apan botongnge lumawangnga.

TAHIUL᷊E 32:4

Mawu mallal᷊u'addu apan matohassa, manara-Ne nasuungnga, wuṛṛu anambon dal᷊anne matul᷊idda. Ruatanu matammuda, tawe pallal᷊inga si Tou, I tou ma'ola'a apapia wuṛṛu mangke suṛṛinone.

TAHIUL᷊E 4:35

Sarangkanambone udde niapal᷊iatta'u Mawu si'o ipattiala manungku tumba'u Mawu udde Ruata, wuṛṛu taweddu waine.

TAHIUL᷊E 4:39

Ana waugu udde atimpu'ote su allo indi wuṛṛu arie abbul᷊iananna; Tumba'u Mawu uddewe Ruata su langitta wuṛṛu su runia; taweddu wal᷊ine.

1 PETRUS 1:16

Sulal᷊ummu Wuke Susi uawoṛṛetta, “Ṛinone i yamiu susi, ana waugu i Ya'u susi.”