1 SAMUEL 2:15 - WUKE SUSI WATTI'U AL᷊AL᷊USASSA

¹⁵ Ewe'e masokka lai masasumbala udde rumanta tantal᷊anna tawane taambe niṛṛae ana see itambunna, ana see i tou nabbisara su taumata apan nangonggolu sasamba udde, “Onggol᷊a'e ṛemessa apan ta'e tata udde su imam tadea'u itambunna; i tou maddiri manengkamma remessa buatte nilaha.”

1 SAMUEL 2:15 Iomraidhean Croise

SASABANGNGA 12:9

Ana'u domba udde ṛinone pangganganna tal᷊impu'u suadio'a ringannu puane, leddane wuṛṛu lal᷊oṛṛon tianne. Inasse remene apan buatte nipangganga udde, arie piaddu uminassa tata ara'e itunna.

IMAMATTA 3:16

Imam apan mammanara ṛinone manambunnu sarangkanambone udde su wowon mezbah. Hal᷊urun sasamba anna udde ma'al᷊uassa naungngu Mawu. Anambon tawan binatangnga udde ionggola su Mawu.

ROMA 16:18

Ana waugu manga taumata inolaanne aroddi, wal᷊inewe mammanara manaran Kristus Mawun kite, ewe'e tumba'u mappaal᷊uassu apulu naungngi mangitou sassane. Ringannu sasal᷊o'a wuṛṛu manga wisara apan mapia, i mangitou mammahia manga taumata apan waggan apa-apa.

FILIPI 3:19

Wiakku manga taumata ereudde panginsueanne papate, ana waugu mawu mangitou eteudde apulun wadangngi mangitou sassane. Manga inolaanna apan maasili, eteudde ipammunga mangitou; ana waugu i mangitou tumba'u maṛṛingiddu manga inolaanna apan ipaapulun dunia indi.

YUDAS 1:12

Su tempo i yamiu na'ola'a andeangnga, pallal᷊agu manga taumata udde maarantinna su wallatti yamiu. Ana waugu i mangitou u'anna manambo-nambo ringannu tawe masili, wuṛṛu tumba'u maṛṛingiddu watanganne sassane. I mangitou naal᷊ihida winabbawa iattalla'u anginna, arawe tawe manguranna. I mangitou lai ere alu apan tawe mabbua salaiwe su tempon pabbawua; manga alu apan suete niabutta ṛamunne wuṛṛu natete abbi.

1 SAMUEL 2:14

saṛṛampangnga udde ia'usu'a sulal᷊ummu urinna pallahanna ṛemessa, ana see manga apa apan nia'usu'u saṛṛampangnga iadde su liudde maola'a wageangngu imam. Anambon taumatan Israel apan nirumanta su Silo mangngonggolu sasamba niola'a ereudde.

1 SAMUEL 2:16

Amungkangu taumata udde sumimbakka, “Mappianne i ite tuttuṛṛutta atoranna, wuṛṛu mannambunnu tawane udde asuene; wua'udde walate i'o manganu suapa ipaapulunu,” ne massasumbala udde nabbisara, “Tawe, onggol᷊a'e orassa indi, amungkangu tawe, sarun ta'u aṛṛoanna.”