1 SAMUEL 2:11 - WUKE SUSI WATTI'U AL᷊AL᷊USASSA

¹¹ Ana see i Elkana wuṛṛu amonanne napul᷊ete watukku Rama, arawe i Samuel, ana'a udde, natana'e su Silo wuṛṛu mangngimbe Mawu su al᷊ungngu lu'addi Imam Eli.

1 SAMUEL 2:11 Iomraidhean Croise

1 SAMUEL 1:1

Pia sangkatou esakka, aranne i Elkana, wuassu ruanganni Efraim. I tou uatana'a su soa Rama, su leta'u panenteannu Efraim. Elkana udde ana'i Yeroham wuṛṛu pulunni Elihu. I tou nasutta amonanni Tohu, papapulunni Zuf.

1 SAMUEL 1:19

Tiṛṛabbine marua'allo i Elkana wuṛṛu amonanne napu'ote maṛṛanggappa, wuṛṛu napawe buatte nattaṛṛamawu su Mawu, i mangitou napul᷊ete watukku Rama. Ne i Elkana natatambaten Hana, awingnge udde.

1 SAMUEL 1:28

ne ana waugu udde ana'a indi ta'u itantilla maola'a pussaan Mawu su al᷊o'engngu pabbiaṛṛanne.” Wua'udde i mangitou nattaṛṛamawute naddalo Mawu.

1 SAMUEL 2:18

Tantal᷊anna udde, i Samuel apan ta'e al᷊aṛṛana'a udde sidutu mangngimbe Mawu. I tou ual᷊uṛṛen laubba al᷊aṛṛaene wuassu linen, naal᷊ihidda laubbu patataṛṛamawun manga imam.

1 SAMUEL 3:1

Tantal᷊anna udde, i Samuel apan ta'e dario'a udde mangngimbe Mawu su al᷊ungngu lu'addi Eli. Sutempo udde mal᷊awa atonna pia tanata wuṛṛu sondappa wuassu Mawu.

1 SAMUEL 3:15

Wua'udde i Samuel natiille apia, ne napawe marua'allone i tou napu'ote wuṛṛu namu'a manga ngaran Wal᷊en Mawu. I tou matta'utta mamasingkattu sondappa udde si Eli,

1 SAMUEL 7:17

Wua' isudde i tou sidutu mappul᷊e watukku wal᷊ene su Rama. Poiaroddi i tou naola'a mallaṛṛuungngu taumatan Israel wuṛṛu lai nallanginnu sambau mezbah su Mawu.