1 SAMUEL 19:5 - WUKE SUSI WATTI'U AL᷊AL᷊USASSA

⁵ I tou buatte nanantillu niawane sutempo i tou namate si Goliat, wuṛṛu Mawu buatte nangonggollu auntunganna apan bahewalla si tou su Israel. Iamangnga sassane naasilote arariadianna udde, ne iamangnga lulluassa sutempo udde. Nariaddi anio orassa indi iamangnga ma'apulu mandal᷊eo taumata apan tawe sal᷊ane wuṛṛu ma'apulu mamate si Daud ringannu tawe pangaiananne?”

1 SAMUEL 19:5 Iomraidhean Croise

2 SAMUEL 23:10

I Eleazar sidutu mammangalo wuṛṛu namate taumatan Filistin na'oman sara i tou tumaniten nal᷊otakka. Limane namantikka na'oman sara i tou tawe maapamallosu hal᷊elene. Su allo udde Mawu nangonggollu auntunganna apan bahewalla su Israel Tantaran Israel apan sinumoṛṛotta tanginna nabelengke su tampan Eleazar uapapangalo, ana see nalluatta laubbu manga winal᷊unanna isudde.

1 TAWARIKH 11:18

Naaringikka udde, siri tallu piaṛṛa'u tantara udde nilumiu paddasanannu taumatan Filistin ana see nanganute ua'en paṛṛihi udde, ana see niapidda si Daud. Arawe i Daud maddiri ma'inumma, ewe'e nilal᷊inna maola'a sambau sasamba su Mawu.

DARALO 109:5

I mangitou nabbal᷊issa apapia'u ringannu al᷊al᷊eo, wuṛṛu darangngu'u ringannu ararantinna.

DARALO 119:109

Niawa'u sidutu maola'a wataṛṛu, arawe i ya'u tawe maabul᷊in tita-Nu.

DARALO 25:3

Taumata apan nandal᷊eo Si'o sarun pansilianna, arawe apan mangngimanna Si'o sarun tawe sumassila.

DARALO 69:4

I ya'u mangngintul᷊i na'oman sara nallome wuṛṛu tonggol᷊angku namara. Mata'u maṛṛagete uaṛṛaddo sasumbalan Ruata'u.

DARALO 94:21

I mangitou suadio'a lumawangnga taumata matul᷊idda, wuṛṛu nakkuumanna pateanna taumata apan tawe sal᷊ane.

SASABANGNGA 14:13

I Musa sinumimbakka, “Arie pa'ata'utta! Paataṛṛange! I yamiu sarun maasilo apa inolaannu Mawu ipanal᷊amatta si yamiu. Taumata Mesir apan niasiloanni yamiu orassa indi, tate asiloanni yamiu apia.

YEREMIA 26:15

Arawe naunge, amungkangngu i yamiu mamate si ya'u, i yamiu wuṛṛu tumana'u soa indi sarun mamasanna pasasal᷊a su pamamate taumata apan tawe sal᷊ane. Ana waugu, ete Mawu apan nandolo'u mamasingkattu tataggu udde si yamiu.”

MATIUS 27:24

Panginsueanne i Pilatus naatutukka, manungku i tou tawe wotongnge maaola'a apa-apa lai wuṛṛu manungku manga taumata udde asinungka sarun mamangalo. Nariaddi i tou nanganu ua'e, see su saruannu taumata nambo udde i tou nangukkassa limane wuṛṛu nabbisara, “I ya'u tawe sal᷊ane su apapaten taumata indi! udde manarateng kamiu!”

MATIUS 27:4

I tou nabbisara, i ya'u suete na'ola'a rosa nandal᷊eo taumata tawe sal᷊ane, na'oman sara i Tou niṛṛuumanna pateanna! Arawe i mangitou sinumimbakka, “Masingkattu apa i yami? Udde singkannu!”

YOHANES 15:25

Arawe aroddite ṛinone, tadea'u matipusse apa apan uawoṛṛetta sulal᷊ummu Wukem Tita mangitou, eteudde: ‘I mangitou maddanting-Ku tawe pinangiananne.’

WATTI'U MANGA RASUL 20:24

Arawe i ya'u ma'ielem bagga ringannu wia'u indi, sambal᷊iate i ya'u napanginsue manara apan tinantillu Mawu Yesus si ya'u wuṛṛu sambal᷊iate i ya'u maatuṛṛutta na'oman sara pangudusannu wia'u ipammasingkattu Watti'u Al᷊al᷊uassa udde su ola'u darangngun Ruata.

FILIPI 2:30

Su hunan manaran Kristus, i tou ete addio'a mate; i tou nanantillu niawane ipantul᷊ungku sulal᷊ummu arannu.

IBRANI 2:3

Apa lai ringannu asasal᷊amatta apan maggewal᷊anne wuassu manga tanata udde! Amungkangu i ite tawe mangngimanna su asasal᷊amatta udde, i ite sarun tawe mal᷊iu wuassu ṛuumanna. Ana waugu ete Mawu sassane apan paarorone namasingkattu asasal᷊amatta udde, wuṛṛu manga taumata apan paarorone naaringikka suete napaatualagu atatul᷊iddu watti'a udde si ite.

MAL᷊AṚṚUUNGNGA 12:3

Nariaddi napawe i ya'u naṛingidda, manungku i yamiu tate rumanta massumbala si ya'u, i ya'u nangutullu naungku inaite mamangalo taumatan Amon udde, salaiwe i ya'u sarun mate. Ana see Mawu nangonggolu auntunganna si ya'u wuassi mangitou. Anio i yamiu orassa indi mamangalo si ya'u?”

MAL᷊AṚṚUUNGNGA 9:17

apan buatte napapangalo ana waugu i yamiu? Naunge, niawane buatte naola'a wataṛu ana waugu ipamallosi yamiu wuassu parentan manga taumatan Midian.

1 SAMUEL 11:13

Arawe i Saul nabbisara, “Imbaṛṛangnga pia sangkatou pateanna su allo indi, ana waugu su allo indi Mawu buatte nanal᷊amatta Israel.”

1 SAMUEL 14:45

Arawe tumana'u soa nabbisara si Saul, “Apa ṛinone i Yonatan iṛṛuumanna pateanna? Sumbal᷊i ete i tou apan nangapiddu auntunganna apan bahewalla indi? Tawe! Yami maddiandi ringannu arannu Mawu apan biakka, manungku i Yonatan tawe wotongnge awul᷊iannu sambua uta'a wuassu puane. Ana waugu su tul᷊ungannu Mawu, i tou naasombate auntunganna allo indi.” Etearoddi i Yonatan nasal᷊amatta wuassu iṛṛuumanna pateanna.

1 SAMUEL 19:6

I Saul naatutukke ana waugu manga wisaran Yonatan, ne i tou nassalu ringannu arannu Mawu manungku i Daud tawe pateanne.

1 SAMUEL 20:32

I Yonatan sinumimbakka, “Anio i tou ṛinone pateanna? apate rosane?”

1 SAMUEL 22:14

Ana see i Ahimelekh sinumimbakka, “Arawe wal᷊inewe i Daud tembonannu tantaran Tuangnga apan atuṛṛutanne? Ete i tou mananambon Tuangnga, wuṛṛu lembon a'addatannu anambon taumata sulal᷊ummu wal᷊en araratuanni Tuangnga.

1 SAMUEL 28:21

Mangangundamma udde nangundanin Saul wuṛṛu naasilo manungku i tou tumaniten nial᷊iwune; ana see wawine udde nabbisara si tou, “Tuangku, allangngu buatte nattinsahadda nangutungngu darorongngi Tuangnga.