1 SAMUEL 19:10 - WUKE SUSI WATTI'U AL᷊AL᷊USASSA

¹⁰ Ana see i Saul mangke mappandumma mamanta'u sambeangnga si Daud apan ua'ianna maranin darandungnga. Arawe i Daud nallinda'a, na'oman sara sambeangnga udde napanta'a su darandungnga. I Daud tinumal᷊angnga nanal᷊amatta watanganne.

1 SAMUEL 19:10 Iomraidhean Croise

DARALO 124:7

I ite naal᷊ihidda manu'u winalanganna apan napallossa wuassu seddan lumalul᷊u, sedda udde nabassutta, wuṛṛu i ite napallossa!

DARALO 18:17

Wua doso Mawu nangul᷊ukku lima-Ne; I Tou nangagassa si ya'u wuṛṛu i Tou namatunna si ya'u wuassu ua'e apan mal᷊al᷊umma.

DARALO 34:19

Mawu maranin taumata naungnge mawawo; i Tou mannal᷊amatta taumata apan lome.

DARALO 37:32

Taumata mapia lal᷊ingeannu taumata lal᷊eo apan maddea'a tempone ipamate si tou.

AMSAL 1:16

I mangitou tawe matatana'a mal᷊annabba amungkangu taambe na'ola'a al᷊al᷊eo. I mangitou apulune mal᷊iha-l᷊ihakka mamate.

AMSAL 21:30

Tawe apapande, asasiṛṛunga ara'e ṛingiranna matakko'a apan wotongnge mataṛṛangnga su saruannu Mawu.

YESAYA 54:17

Arawe suapan lutangnga apan nisassalla ipando'appa si'o, sarun tawe ma'apate. Wuṛṛu suapan a'ansilla sulal᷊ummu pallaṛṛuungnganna sarun iapasingkannu nassal᷊a. I Ya'u sarun mangonggollu auntunganna su manga allang-Ku,” etearoddi wisara Mawu.

HOSEA 6:4

Arawe Mawu nabbisara, “Ei Israel wuṛṛu Yehuda! Apa rinone apan Ta'u olaanna si yamiu? Darangngunu si Ya'u mal᷊ihakka nawul᷊i ere ṛawu'a wuṛṛu angngukka su marua allo.

MATIUS 10:23

Amungkangngu i yamiu pappateanna su soa sambau, tal᷊angnga su soa waine. I Ya'u mabbal᷊o si yamiu: Tantal᷊anna i yamiu taambe namal᷊intaddu al᷊awo'u soa su Israel, Ana'u Taumata nirumantate.

LUKAS 4:30

Arawe Mawu Yesus nilumusi'a su tangngan taumata nambo udde wuṛṛu napul᷊e.

YOHANES 10:39

I mangitou maddea'a lai manametta Mawu Yesus, arawe i Tou naatal᷊angnga wuassi mangitou.

IBRANI 11:34

namaduma putungnga apan wahewalla, nal᷊iu wuassu pappilitanu hal᷊ele. I mangitou lome, arawe nabbal᷊i matohassa; i mangitou masaṛṛaungnga sulal᷊ummu pangalo na'oman sara napaarugi manga tantaram walahannu lumal᷊o'a.

1 SAMUEL 18:10

Tiṛṛabbine allo i Saul sulal᷊ummu wal᷊ene tantal᷊anna uaagassa sambeangnga wuṛṛu inaṛṛombanganne i tou nirantannu ghaṛaho lal᷊eo apan nirolokku Ruata, na'oman sara i tou mandona naal᷊ihidda taumata wewa. Tempo udde i Daud tantal᷊anna mannalangnga kecapi ere mamiallo.

1 SAMUEL 18:11

“Sambeangnga indi ta'u ipansakka sambeangnga indi si Daud ma'oman sara mallapassa su darandungnga!” ṛingiddi Saul, ana see i tou namanta'u sambeangnga udde paarua si Daud, arawe i Daud ma'al᷊inda'a.

1 SAMUEL 19:6

I Saul naatutukke ana waugu manga wisaran Yonatan, ne i tou nassalu ringannu arannu Mawu manungku i Daud tawe pateanne.

1 SAMUEL 20:33

Naaringikka udde i Saul namanta'u sambeangnga ipamate si Yonatan. Ne i Yonatan masingkatte manungku iamangnge atonna-tonna pia naungnga mamate si Daud.