1 SAMUEL 18:12 - WUKE SUSI WATTI'U AL᷊AL᷊USASSA

¹² I Saul naapendamma manungku i Daud rariagannu Mawu, ewe'e i tou sassane tinantangngu Mawu. Ana waugu udde i tou matta'utti Daud.

1 SAMUEL 18:12 Iomraidhean Croise

2 SAMUEL 5:10

I Daud mallannu lembon mattohassa, ana waugu Mawu, Ruata Apan Lembontaṛṛino nantul᷊ungnge.

2 TAWARIKH 17:3

Mawu nangal᷊amatta si Yosafat ana waugu i tou nangaṛṛussa wal᷊iuddu iamangnge; i tou tawe massubba si Baal,

DARALO 51:11

Tal᷊iuraawe hati-Nu wuassu manga rosa'u, wuṛṛu pappassawe al᷊awo'u pasasal᷊a'u.

DARALO 53:5

Wisaran Mawu, “Manga taumata lal᷊eo udde tawe matimpu'o lai? I mangitou mabbiakka ringannu mangngaṛṛo su al᷊aṛṛana-U, wuṛṛu tawe saran paassa umal᷊iomanna si Ya'u.”

HOSEA 9:12

Arawe salaiwe pia al᷊aṛṛana'a apan niasungkangnga wuṛṛu niwuwunna, i mangitou sarun Ta'u al᷊apanna, tawe saran sangkatou apan Ta'u iwala wiakka. Nasilakate i yamiu, ei walahannu Israel, napawe i Ya'u manantangken kamiu!”

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

MARKUS 6:20

Ana waugu i Herodes suete nandolokku taumata niapariaga mapia-pia asasal᷊amatti Yohanes su tuttupanna, ana waugu i tou matta'utti Yohanes. I tou masingkatta manungku i Yohanes sangkatou taumata mapia apan suete nirolokku Ruata. Wuṛṛu atonna amungkangngu i Yohanes mabbisara, i Herodes mal᷊utu madaringikka si tou, salaiwe i tou sussinggawangnga atonna ana waugu Yohanes.

LUKAS 8:37

See anambon tumana'u leta'u Gerasa udde sinumal᷊ande Mawu Yesus tadea'u i Tou manantangngu tampa udde, ana waugu i mangitou nambo matta'utta. Nariaddi Mawu Yesus sinuma'ete saalanna inaite mapul᷊e.

WATTI'U MANGA RASUL 24:25

Arawe napawe i Paulus nanassukku wisarane su ola'u atatul᷊idda wuṛṛu asasabare wuṛṛu su ola'u pallaṛṛuumanna su allong kiamatta, i Feliks nata'utta see nabbisara, “I'o wotongngete mapul᷊e orassa indi. I ya'u sarun mamago si'o apia amungkangngu pia tempone.”

WATTI'U MANGA RASUL 7:9

Manga iamangngu al᷊amonang kite udde massa'u si Yusuf, na'oman sara i mangitou nabal᷊u'i tou naola'a allangnga su Mesir. Arawe Ruata sidutu uatantalongnga si tou,

MAL᷊AṚṚUUNGNGA 16:20

Ana see i tou niumui, “I Simson! Taumatan Filistin uddete!” I Simson lapiddu napu'o wuṛṛu mangngantimma manungku naudde i tou wotongnge maatal᷊angnga ere lai tempo nanangkal᷊iu. I tou wagga manungku i tou tinatangken Mawu.

1 SAMUEL 16:18

Naaringikka udde sangkatou allangnge nabbisara, “Isai, sangkatou taumatan Betlehem pia sangkatou ana'a esakka apan pande mannalangnga musikka. I tou waṛṛani wuṛṛu sangkatou taumata apan mapia. Wuṛṛu i tou lai matohassa see lai pande mabbisara, wuṛṛu Mawu sidutu mantul᷊ungngi tou.”

1 SAMUEL 16:4

I Samuel tinumuṛṛutte wisaran Mawu. Napawe i tou na'omate su Betlehem, manga piaṛṛa'u soa nanal᷊oho ringannu niṛṛumindu'a wuṛṛu naiwal᷊o, “Darantan Papa ini uaapiddu al᷊amatta?”

1 SAMUEL 18:15

Napawe i Saul naasilo manungku i Daud sidutu ma'ola'a manarane, ne i tou lembon matta'utta.

1 SAMUEL 18:20

I Mikhal ana'i Saul maṛṛuala waine pian naungnga si Daud. Napawe i Saul naaringikka olangnge udde, i tou naapul᷊ute lai.

1 SAMUEL 18:29

Ne i tou lembon matta'utti Daud ne i tou maddantinten Daud su al᷊o'engngu pabbiaṛṛanne.

1 SAMUEL 20:13

Amungkangu i tou pia pandumma manilaka si'o, sarun ta'u iapasingkatta si'o lai tadea'u i'o wotongnge maapanal᷊amatta watangannu. Doronganna Mawu mamate si ya'u amungkangu olangnge udde tawe ta'u olaanna. Antimanna Mawu mantul᷊ungngu ere lai i Tou buatte nitul᷊ungngu lai!

1 SAMUEL 22:13

I Saul naiwal᷊o si tou, “Anio i'o nabbaiddi Daud lumawangnga si ya'u? Anio i'o nangonggollu hal᷊ele wuṛṛu i'o lai naddorongnga tatantiro wuassu Ruata? Nariaddi, orassa indi i tou lumawangnga si ya'u wuṛṛu ete uaaṛṛangattu tempone mamate si ya'u.”

1 SAMUEL 28:15

Wua'udde i Samuel nabbisara si Saul, “Anio i'o nanal᷊asa'u? Anio i'o namaggo si ya'u apia?” I Saul sinumimbakka, “I ya'u nial᷊iwunete ana waugu nipangaloannu taumatan Filistin, see lai Mawu nanantangkute. I ya'u tate lai sinimbaṛṛan-Ne, mawae ete wuassu manga nabi, ara'e lai ringannu wal᷊iawa. Ana waugu udde ya'u sumal᷊ande si Papa, tadea'u i Papa mamasingkatta manara apan sarun ta'u olaanna.”

1 SAMUEL 3:19

I Samuel a'atambanna ahewalle. Mawu uarundinganna si tou wuṛṛu na'ola'a anambon wisaran Samuel udde atonna matipussa.