1 SAMUEL 18:1 - WUKE SUSI WATTI'U AL᷊AL᷊USASSA

^1-2 Napawe i Saul wuṛṛu i Daud buatte naggahatto, i Daud nitenegi Saul maola'a mammamanarane wuṛṛu nanattakka allo udde i tou tawe niwala mapul᷊e su wal᷊en hagurangnge. I Yonatan esakka ana'i Saul, naaringikka hatto udde. I tou lai ninumemman Daud, wuṛṛu nandangngu ere lai watanganne sassane.

1 SAMUEL 18:1 Iomraidhean Croise

PANDARIADDI 44:30

“Ana waugu udde, Tuangku,” unni Yehuda si Yusuf, “amungkangngu allangngu mabelengnga ringannu iamangngi yami tawe uaapiddu tuarin kami udde, yami sarun mate. Niawane ete su ana'a udde, wuṛṛu i tou timmadete atonna na'oman sara asasusa apan iapiddi yami si tou sarun maawawa papatene.

2 SAMUEL 1:26

I Yonatan, ei tuṛṛangku, naungku massusa, ana waugu si ya'u, i'o tumaniten maarega. Darangngunu si ya'u lembon mawantuga, ewe'e lai nangillembo wuassu darangngun bawine.

1 TAWARIKH 12:17

I Daud naisasomban mangitou wuṛṛu nabbisara, “Amungkangu i yamiu rumanta maola'a hawe ana see mantul᷊ungku, wette pa'ammul᷊a'e ringanni yami. Yami manal᷊oho si yamiu ringannu naungnga mal᷊uassa. Arawe amungkangu i yamiu pia pandumma mandal᷊eo si ya'u su seetta, salaiwe i ya'u tawe na'ola'a al᷊al᷊eo si yamiu, Ruata apan sassubbannu al᷊amonan kite udde masingkatta, ne i Tou sarun makkuumanni yamiu.”

DARALO 86:11

Tantiroa'e apulu-Nu si ya'u, oh Mawu, tadea'u i ya'u mappaamatta ringannu matuṛṛutta; olaawe i ya'u ma'imanna ringannu ahewallu naungnga.

AMSAL 18:24

Pia gawe apan tawe satia, pia lai gawe apan mappianne wuassu tuṛṛangnga.

TAHIUL᷊E 13:6

Napawe tuṛṛangngu ara'e anangngu esakka ara'e wawine, ara'e awingnga arangnguannu ara'e hawenu apianne, ringannu mal᷊anna-l᷊annaba massal᷊ongngu massubba manga Mawu waine apan awagananni yamiu wuṛṛu awaganannu al᷊amonanu, manga mawun balahanna apan uatana'a marani ara'e marau,

KOLOSE 2:2

Sarangkanambone indi ta'u olaanna tadea'u naungngi mangitou maola'a matohassa wuṛṛu i mangitou uararangngu ma'oman sara i mangitou uasampinunutanna. Ringannu aroddi i mangitou atonna-tonna maasunna wuṛṛu mangngimanna see lai maaillal᷊a addapingu Ruata, eteudde Kristus sassane.

MAL᷊AṚṚUUNGNGA 20:11

Etearoddi walahannu Israel naaukka inai mamangalo Gibea.

1 SAMUEL 14:45

Arawe tumana'u soa nabbisara si Saul, “Apa ṛinone i Yonatan iṛṛuumanna pateanna? Sumbal᷊i ete i tou apan nangapiddu auntunganna apan bahewalla indi? Tawe! Yami maddiandi ringannu arannu Mawu apan biakka, manungku i Yonatan tawe wotongnge awul᷊iannu sambua uta'a wuassu puane. Ana waugu su tul᷊ungannu Mawu, i tou naasombate auntunganna allo indi.” Etearoddi i Yonatan nasal᷊amatta wuassu iṛṛuumanna pateanna.

1 SAMUEL 18:3

Ana waugu udde i Yonatan nassalu sarun maggawe Daud saran mal᷊annu-l᷊annu.

1 SAMUEL 19:1

I Saul nabbisara si Yonatan anangnge esakka, wuṛṛu su anambon mammamanarane manungku i tou mamate si Daud. Arawe i Yonatan mangke marangngu si Daud,

1 SAMUEL 19:2

ana waugu udde i tou nabbisara si Daud, “Iamangku pia pandumma mamate si'o; nariaddi paatehamma! Pa'imbunite tiṛṛabbi marua allo su sambau tampa awagananna, wuṛṛu atana'e isudde.

1 SAMUEL 20:17

Nariaddi su aruane i Yonatan nandolokki Daud naddiandi sarun mandangngu si tou, ana waugu i tou marangngu si Daud ere watanganne lai sassane.

1 SAMUEL 20:8

I ya'u maitul᷊ungnga si'o, ana waugu iaddua buatte naddiandi su saruannu Mawu. Arawe amungkangu ya'u nassal᷊a, patete ya'u, arawe ya'u ari'e itantillu su iamangngu.”

1 SAMUEL 22:8

Ete ana waugu udde i yamiu nabbaidda lumawangnga si ya'u manungku ana'u sassane buatte nanamba'a si Daud? Tawe saran sangkatou suwallatti yamiu maṛṛingiddu watangangku ara'e namasingkatta si ya'u manungku i Daud, mallal᷊aṛenggengku sassane, su orassa indi uaṛṛangattu tempone mamate si ya'u, wuṛṛu ana'u i Yonatan buatte nangonggollu sasasa si tou!”

1 SAMUEL 23:18

Wua'udde i Daud wuṛṛu Yonatan nakkiinte riandin paggahahawe su saruannu Mawu. Wua'udde i Yonatan napul᷊ete su wal᷊ene, arawe i Daud ta'e uatana'a su Hores.