1 SAMUEL 15:8 - WUKE SUSI WATTI'U AL᷊AL᷊USASSA

^8-9 Anambon tumana'u soa wuṛṛu tantaran Amalek nipaten Saul. Arawe i Agag ratun taumatan Amalek nisametta wuṛṛu niwala ta'e wiakka ṛatanganni Saul wuṛṛu tantarane, aroddi lai domba wuṛṛu sapi apan apianne, ana'u sapi wuṛṛu ana'u domba apan atawanne, wuṛṛu al᷊awo'u saranapa apan maarega; tumba'u winatangnga apan tawe gunane wuṛṛu tawe aregane apan nasue nipate.

1 SAMUEL 15:8 Iomraidhean Croise

1 MARARATU 20:30

Manga taumata apan naatal᷊angnga, tinumal᷊angnga watukku soa Afek, arawe darandungngu soa udde naṛṛa'a nangumpisanna 27.000 suatoune suwallatti mangitou. I Benhadad tinumal᷊angngu watanganne lai watukku soa udde wuṛṛu na'imbuni su sambau wal᷊en su wabbo'an dal᷊umme.

1 TAWARIKH 4:43

I mangitou namate manga taumatan Amalek lambene, ana see namanuate isudde nanattakka orassa udde.

ESTER 3:1

Manga pira tempo wua'udde Ratu Ahasyweros nananegu sangkatou aranne Haman maola'a perdana menteri. Haman uddewe ana'i Hamedata wuassu papapulunni Agag.

IMAMATTA 27:29

Ewe'e lai taumata apan buatte niṛṛae su Mawu hunan pateanna tawe wotongnge tubbusanna; i tou ṛinone pateanna.

REENGANNA 24:7

I mangitou naasomba ua'en kuranna apan manambo-nambo, wualanna apan naasomba ua'ene manambo. Ratune sarun mawantuga, nangillembo wuassi Agag, wuṛṛu araratuanne sarun wantuhanna.

YOSUA 10:39

Soa udde wuṛṛu ratune see lai anambon soa waine maranine isudde niaṛṛon Yosua. Anambon taumata isudde nipate. Yosua namarikka Debir wuṛṛu ratune ere lai i tou namarikka Hebron wuṛṛu Libna wuṛṛu ratune.

YOSUA 11:12

Anambon manga soa udde niaṛṛon Yosua, manga ratune nisametta wuṛṛu nipate uasul᷊ungngu parentan Musa, allangngu Mawu udde.

YOSUA 8:23

nallambe ratun Ai. I tou nisametta wua'udde niapidda niapassaruanna si Yosua.

1 SAMUEL 15:20

I Saul sinumimbakka, “I ya'u buatte tinumuṛṛutta parentan Mawu, wuṛṛu inaite napapangalo ere buatte nirolokku Mawu si ya'u; i Agag ratun Amalek ta'u sinametta wuṛṛu anambon taumatan Amalek buatte ta'u nipate.

1 SAMUEL 15:3

Nariaddi, roote wuṛṛu pangaloite taumatan Amalek wuṛṛu ṛimunsa'a al᷊awo'u pussa'an mangitou. Arie pia sambau apan matantanga; patete anambon taumata esakka, wawine, al᷊aṛṛana'a wuṛṛu ana'a ta'e maṛṛamutta; see lai sapi, domba, unta wuṛṛu keledai.”

1 SAMUEL 22:19

I Saul namarenta lai iapapate anambon tumana'u Nob, soan imam udde; esakka, wawine, al᷊aṛṛana'a, ana'a maradio'a, see lai sapi, keledai wuṛṛu domba, sarangkanambone niinsue niawane.

1 SAMUEL 30:1

Rua allo nal᷊iudda, i Daud wuṛṛu tantarane nabelengke watukku soan Ziklag. Napawe na'omate poiaroddi, i mangitou naaratingnga manungku taumatan Amalek buatte namangalo wageangngu leta'a su samba'an timukku wanuan Yehuda wuṛṛu namangalo Ziklag. I mangitou tawe namate saran sangkatou. Arawe soa udde nasue nisoṛṛobbi mangitou wuṛṛu nanassukku amatanni mangitou ringannu uaapiddu manga wawine, al᷊aṛṛana'a wuṛṛu manga tumanangnge waine. I mangitou lai nangapiddu amonanni Daud wuṛṛu amonannu tantarane, nasutta lai ruan katou awingngi Daud, i Ahinoam wuṛṛu i Abigail. I Daud wuṛṛu tantarane mangke nasusa, na'oman sara i mangitou lulluaite tawe illol᷊one na'oman sara nallome.