1 SAMUEL 15:3 - WUKE SUSI WATTI'U AL᷊AL᷊USASSA

³ Nariaddi, roote wuṛṛu pangaloite taumatan Amalek wuṛṛu ṛimunsa'a al᷊awo'u pussa'an mangitou. Arie pia sambau apan matantanga; patete anambon taumata esakka, wawine, al᷊aṛṛana'a wuṛṛu ana'a ta'e maṛṛamutta; see lai sapi, domba, unta wuṛṛu keledai.”

1 SAMUEL 15:3 Iomraidhean Croise

2 SAMUEL 1:8

I tou naiwal᷊o isai ya'u, ne i ya'u udde namasingkatta si tou manungku i ya'u taumatan Amalek.

SASABANGNGA 17:14

Mawu nabbisara si Musa, “Woṛṛeta'e ola'u auntunganni yamiu indi tadea'u sidutu nannaunganna. Wal᷊oa'a si Yosua manungku i Ya'u sarun mamate taumatan Amalek.”

SASABANGNGA 20:5

Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.

REENGANNA 24:20

Wua'udde sulal᷊ummu sondappa udde i Bileam naasilo manga taumatan Amalek. Ne i tou nabbisaran papatta indi, “Wuassu al᷊awo'u walahanna su runia, Amalek apan lembon uataṛṛino. Arawe walahanna udde su panginsueanne, sarun mawul᷊i lai saran mal᷊annu-l᷊annu.”

REENGANNA 31:17

Ne, orassa indi patete manga al᷊aṛṛana'a esakka wuṛṛu al᷊awo'u wawine apan wal᷊ine maṛṛuala.

YOSUA 10:39

Soa udde wuṛṛu ratune see lai anambon soa waine maranine isudde niaṛṛon Yosua. Anambon taumata isudde nipate. Yosua namarikka Debir wuṛṛu ratune ere lai i tou namarikka Hebron wuṛṛu Libna wuṛṛu ratune.

1 SAMUEL 14:48

I tou napapangalo ringannu matohassa wuṛṛu waṛṛani wuṛṛu ana see namaddon taumatan Amalek, see lai namallossu taumatan Israel wuassu taṛṛinon taumata taṛṛa aṛṛo.

1 SAMUEL 15:18

wuṛṛu lai i Tuangnga nirolokku Mawu iapapate taumatan Amalek apan dal᷊eo udde. I Tuangnga nirolokka iapapangalo si mangitou ma'oman sara i mangitou sarangkanambone masue.

1 SAMUEL 22:19

I Saul namarenta lai iapapate anambon tumana'u Nob, soan imam udde; esakka, wawine, al᷊aṛṛana'a, ana'a maradio'a, see lai sapi, keledai wuṛṛu domba, sarangkanambone niinsue niawane.

1 SAMUEL 27:9

I tou namate anambon taumata esakka wuṛṛu wawine lapiddu nangaṛṛo domba, sapi, keledai, unta, ewe'e laubba lai. Wua'udde i tou nabelengnga wuṛṛu sinumaruanna si Akhis.

1 SAMUEL 30:17

Sutempo matannallo sumabbangke tiṛṛabbine, i mangitou nipangaloanni Daud, ne i mangitou napapangalote na'oman sara ṛabbite. Nal᷊iudda wuassu appattu ṛasutta su atoune umbasanna apan tinumal᷊angnga ringannu uasa'e unta, tawe saran sangkatou wuassu seetta apan naatal᷊angnga.