1 SAMUEL 14:6 - WUKE SUSI WATTI'U AL᷊AL᷊USASSA

⁶ Ne i Yonatan nabbisarate su umbasanna udde, “Wette iaddua inaite watukku tampan pandariagannu taumatan Filistin taumata apekka udde. Asinungka Mawu mantul᷊ungngi addua. Ana waugu Mawu wotongnge mangonggollu auntunganna, mawae ete su taumata manambo ara'e lai su taumata matul᷊ungnga.”

1 SAMUEL 14:6 Iomraidhean Croise

2 SAMUEL 1:20

Antimanna manga taumatan Gat tawe maaringikka watti'a udde. Antimanna manga lal᷊anna addio'a su Askelon tawe maasomba watti'a udde. Arie ma'oman sara wawinen Filistin lumala'a arie ma'oman sara wawine apekka maggahio lal᷊uassa.

2 SAMUEL 16:12

Asinungka Mawu sarun ma'ellega asasusa'u indi wuṛṛu mangal᷊amatta si ya'u maola'a hahantine wuassu tatal᷊a udde.”

2 MARARATU 19:4

Ratun Asyur buatte nandolokku sangkatou tembonannu tantara atanggaṛṛanne niapal᷊obbosa Ruata apan biakka. Isai masingkata Mawu Ruatanu naaringikke lal᷊obbosa udde, wuṛṛu sarun makkuumanni mangitou apan nabbisara! Ana waugu udde a'al᷊iomante su Ruata hunan manga taumatan kite apan ta'e wiakka.”

2 TAWARIKH 14:10

Ne i Asa sinumabbangke sinumaruanna si Zerah, ne tarua itarua nangatokku warisanne sambau-sambau su Wawal᷊annu Zefata maranin Maresa.

2 TAWARIKH 14:11

Ana see i Asa inumal᷊iomanna su Mawu Ruatane, “Mawu tumba'u I'o apan wotongnge massumbala sisai lome apan uasaruanna sisai apan matohassa. Ontol᷊ewe yami orassa indi, oh Mawu Ruatan kami! Tumba'u Si'o yami uaantimma wuṛṛu sulal᷊ummu arannu yami sumabbangnga mapapangalo mando'appa tantara apan manambo indi. Mawu, Tumba'u I'o Mawu Ruatan kami. Ariewe pabbala'a I'o iawaddon taumata.”

DARALO 135:6

I Tou mammanara apa apan ipaapulu-Ne, su langitta wuṛṛu su runia, su tahal᷊oangnga wuṛṛu su laudda apan mal᷊al᷊umma.

YEREMIA 9:23

Mawu nabbisara, “Taumata pande imbaṛṛangnga lumuassa ana waugu apapandene, taumata matohassa ana waugu atatohanne, wuṛṛu taumata ala ana waugu pa'aalane.

YEREMIA 9:25

Mawu nabbisara, “Sarun a'omanna tempone i Ya'u makkuumannu taumata Mesir, Yehuda, Edom, Amon, Moab wuṛṛu tumana'u wadda'u anne apan namol᷊o utangnge. I mangitou sarangkanambone sunatanna ere taumatan Israel, arawe mawae i mangitou ara'e walahannu israel maola'a ere manga taumata apan tawe nisunatta, ana waugu i mangitou tawe tumuṛṛutta su pa'aire apan niwal᷊on sunatta udde.”

AMOS 5:15

Arantinten al᷊al᷊eo, pandangute apapia, wuṛṛu amata'e su atatul᷊idda. Asinungka Mawu sarun umakkannu manga taumata lambene wuassu walahannu Israel.

ZEFANYA 2:3

Pabbelengke ringannu Mawu, ei anambon taumata apan naungnge manawo su wanua indi, wuṛṛu anambon taumata apan tuttuṛṛutta manga parenta-Ne. Pammanarete tumuṛṛuttu apulun Mawu, wuṛṛu paawawoa'e watangannu su saruan-Ne. Isai masingkatta i yamiu sarun mal᷊iu wuassu pallaṛṛuumanna su allo Mawu mapal᷊iatta'u asasa'u-Ne.

ZAKARIA 4:6

Mala'ekatta udde nandalo'u mamasingkatta si Zerubabel tanata Mawu indi, “Wal᷊ine ringannu atatohassu tantara wuṛṛu wal᷊ine lai ringannu atatohannu sassane i'o sarun maauntunga, ewe'e ringannu Ghaṛṛaho-U.

REENGANNA 10:32

Napawe i'o tumantalongnga, ne al᷊awo'a apan mapia niola'u Mawu si yami, sarun olanni yami lai si'o.”

REENGANNA 31:4

Wuassu suapan ṛuangannu Israel, i yamiu ṛinone manaddia saṛṛiwu su atoune tantara inai mapapangalo.”

MATIUS 19:26

Mawu Yesus nanutudda si mangitou see nabbisara, “Su taumata, olangnge udde tawe mariaddi! Arawe su Ruata sarangkanambone wotongnge mariaddi.”

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

TAHIUL᷊E 32:30

Ereapa wotongnge sangkatou ma'aenggenna saṛṛiwu su atoune, wuṛṛu ruan katou maaola'a mapul᷊o ṛiwu su atoune tumal᷊angnga? Mawu, Ruata mangitou, buatte nabbal᷊u'i mangitou; i mangitou tinantangken Duata apan matohassa.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

YOSUA 14:12

Ana waugu udde, onggol᷊a'e orassa indi leta'u panenteanna apan nipa'ire Mawu si ya'u, su tempo i ya'u wuṛṛu manga taumata uaṛundinganna si ya'u nabelengnga uaapiddu watti'a. Su tempo udde i'o sassane naaringikka, manungku poiaroddi pia balahannu wawalla apan isassago walahannu Enak. I mangitou uatana'a su lal᷊ummu manga soa wahewalla apan pia darandunge. Asinungka Mawu nantul᷊ungku na'oman sara i ya'u wotongnge nallimbuakka si mangitou, ere buatte niwal᷊o Mawu.”

MAL᷊AṚṚUUNGNGA 15:18

Wua'udde i Simson mangke naapendamma marou, na'oman sara i tou sinumalande Mawu. I tou nabbisara, “Mawu, wakkute tanginna I'o nangonggolu auntunganna si ya'u. Orassa indi ya'u ṛinone mate ana waugu marou, na'oman sara sametannu manga taumatan Filistin indi apan tawe maailal᷊a Si'o?”

1 SAMUEL 14:5

Watu ṛaniga su samba'an sawannakka uasaruanna watukku Mikhmas, wuṛṛu su samba'an timukka uasaruanna watukku Geba.

1 SAMUEL 14:7

Umbasanna udde sinumimbakka, “Sarangkanambone apan olaanni Tuangnga, allangngu tumuṛṛutta.”

1 SAMUEL 17:26

Ana see i Daud nabbisara, “Waṛṛani atonna taumatan Filistin apekka udde mannal᷊u'atta tantaran Duata apan biakka!” Wua'udde ya'u naiwal᷊o su sangkatou tantara, “Apate apan sarun ionggolla su taumata apan naapate taumatan Filistin udde wuṛṛu namappassa aal᷊uandaga wuassu Israel?”

1 SAMUEL 17:36

Allangngu buatte namate singa wuṛṛu beruangnga, wuṛṛu taumatan Filistin apekka udde lai sarun ta'u pateanna ere manga winatangnga udde, ana waugu i tou waṛṛani mangal᷊uandaga tantaran Duata apan biakka.

1 SAMUEL 17:46

Allo indi lai Mawu sarun manantillu si ya'u; i'o sarun ta'u iwaddo wuṛṛu puanu sarun ta'u ṛatanna. Waddangngu wuṛṛu manga tantaran Filistin sarun ta'u ionggolla su manu'u winalanganna wuṛṛu winatanganga iapa'inassa. Ne ahewallu runia sarun maasingkatta manungku yami walahannu Israel pia Duata apan sassubbanni yami,

1 SAMUEL 17:47

wuṛṛu anambo taumata isindi sarun maasilo manungku Mawu tawe mappandumma hal᷊ele ara'e sambeangnga ipanal᷊amatta alaṛṛanang-Nge. Ete i Tou apan manantunnu lal᷊annu pangalo wuṛṛu i Tou sarun manantilli yamiu sulal᷊ummu liman kami.”

1 SAMUEL 31:4

Ana see i Saul nabbisara su ana'a esakka apan uaagassa ahidde, “Sawutte hal᷊elenu wuṛṛu usua'e si ya'u, tadea'u ya'u tawe nalanganna wuṛṛu pateannu manga taumata apan tawe maaillal᷊a Mawu.” Arawe ana'a esakka udde maddiri mangusu'a, ana waugu i tou tumaniten maaddata. Ana waugu udde i Saul nanganu hal᷊elene sassane wua'udde tinumattere su hal᷊ele apan maṛṛoro udde.