1 SAMUEL 14:12 - WUKE SUSI WATTI'U AL᷊AL᷊USASSA

¹² Wua'udde i mangitou niumui si Yonatan wuṛṛu allangnge, “Awitte inawarendi tadea'u yami mamasilon manga apa si'o!” Ana see i Yonatan nabbisarate su umbasanna udde, “Tantalongke si ya'u, ana waugu i mangitou buatte tinantillu Mawu su Israel.”

1 SAMUEL 14:12 Iomraidhean Croise

PANDARIADDI 24:42

Wuṛṛu napawe tanginna i ya'u na'omate su paṛṛihi, i ya'u niumal᷊iomanna sulal᷊ummu naungnga, ‘Ruata mawu'u Abraham, ṛinone ma'ola'a manara'u pia gessine.

PANDARIADDI 24:48

I ya'u niumal᷊intudda nassubba wuṛṛu naddalo Mawu, Ruatan mawu'u Abraham. I Tou buatte nangehetta si ya'u naddatingngu tampa indi, ringannu manga alahannu mawu'u, na'oman sara i ya'u naasomba maṛṛuala indi maola'a paren anangnge.

2 SAMUEL 5:24

Napawe i'o maaringikka ere lempangngu taumata mabbarissa su oto'u manga aaluanna udde, ne amatte, ana waugu i Ya'u sarun umamatta su saruanni yamiu mamaddon taumatan Filistin.”

2 MARARATU 14:8

Wua'udde i Amazia nandolokku daroloṛṛanna inai ringanni Yoas ratun Israel iapawal᷊o tanne maapulu mando'appa si tou mapapangalo.

MAL᷊AṚṚUUNGNGA 4:14

Ana see i Debora nabbisara si Barak, “Wette, inaite! Ete Mawu apan mamiaṛangngu. Allo indi i Tou nangonggollu auntunganna si yamiu wuassi Sisera.” Ne i Barak sinumossokke wuassu Wowon Tabor suadio'a ringannu mapul᷊o ṛiwu taumatane,

MAL᷊AṚṚUUNGNGA 7:14

Hawene sinumimbakka, “Ore, udde asinungka hal᷊elen Gideon ana'i Yoas, taumatan Israel udde! Atappasanne manungku Ruata buatte nangonggolu auntunganna si tou su taumatan Midian wuṛṛu su anambon tantaran pangalong kite!”

MAL᷊AṚṚUUNGNGA 7:15

Napawe i Gideon naaringikka wal᷊iawan taumata udde wuṛṛu atappasanne, i tou lapiddu niumal᷊intudda nassubba Ruata. Wua'udde i tou nabelengke su paddasanannu Israel wuṛṛu nabbisara, “Pasasadiate! Mawu sarun mapauntungi yamiu su tantaran pangalon Midian!”

MAL᷊AṚṚUUNGNGA 9:54

Abimelekh mal᷊iha l᷊ihakka namago umbasanna apan uapasanna lutangnge wuṛṛu nabbisara, “Sawutte hal᷊elenu wuṛṛu patete i ya'u; i ya'u maddiri isaggon taumata manungku i ya'u nipaten bawine.” Ne umbasanna udde nangusu'a si tou na'oman sara nate.

1 SAMUEL 14:10

Arawe amungkangu i mangitou mandolokki iaddua iaparanta, iaddua sarun inai, ana waugu udde tatialane manungku i mangitou buatte tinantillu Mawu si ite.”

1 SAMUEL 14:13

Ringannu tatantalongannu umbasanna udde i Yonatan u'omangnga ire'e suma'a. Sutempo i Yonatan narantate, manga taumatan Filistin nanawote ana waugu nipuulli tou, wuṛṛu su liudde lai umbasanna udde namate si mangitou.