1 SAMUEL 12:5 - WUKE SUSI WATTI'U AL᷊AL᷊USASSA

⁵ Ana see i Samuel nabbisarate, “Su allo indi Mawu wuṛṛu ratu apan nipile-Ne maola'a tatiala manungku ya'u tawe sal᷊a'u sarangkadio'a.” “Ore, atonna, Mawu maola'a matatialang kite,” sasimbakki mangitou.

1 SAMUEL 12:5 Iomraidhean Croise

PANDARIADDI 31:50

I Laban nabbisara apia, “Amungkangu i'o ma'ola'a al᷊al᷊eo su al᷊aṛṛana'u, ara'e ma'awingngu manga wawine waine, salaiwe taweddu maasingkatta, paanaunge Ruata uariaga si ite.

AYUB 16:19

I ya'u masingkatta manungku Mananambaa'u poi su surga; I Tou nangonggollu tatiala manungku i ya'u tawe dosa.

AYUB 42:7

Napawe buatte nabbisara si Ayub, Mawu nabbisarate si Elifas, “I Ya'u massa'u si'o wuṛṛu hane darua, ana waugu i yamiu tawe nabbal᷊o watti'a ṛinone su ola'u watangngang-Ku. Arawe allang-Ku i Ayub tawe aroddi.

DARALO 17:3

Amungkangu I'o manal᷊u'atta naungku wuṛṛu rumanta manaṛṛassida si ya'u sutempo ṛabbi, I'o sarun maasingkatta manungku naungku matul᷊idda; wisara'u nassul᷊ungngu ṛingirangku.

YOHANES 18:38

I Pilatus naiwal᷊o si Tou, “Apa atappasannu atatul᷊idda?” See i Pilatus sinumabangnga apia wuassu wal᷊en araratuanna wuṛṛu nabbisara su manga taumatan Yahudi, “I Ya'u tawe naasomba saran sambau pasasal᷊an taumata indi.

WATTI'U MANGA RASUL 23:9

Ne nariaddite hio wahewa. Manga pira taumatan Farisi apan naola'a hurun agama dirumarisikka wuṛṛu nanompolla. I mangitou nabbisara, “Tumuṛṛutta si yami, taumata indi tawe sal᷊ane saran adio'a! Asinungka pia ghaṛṛaho ara'e mala'ekatta apan mabbisara si tou!”

WATTI'U MANGA RASUL 24:16

Ana waugu udde i ya'u sidutu ma'ola'a apapia, tadea'u naungku waresi su saruannu Ruata wuṛṛu waresi su saruannu taumata.

WATTI'U MANGA RASUL 24:20

Ara'e wala'e manga taumata indi sassane mangalaen al᷊al᷊eo apa apan niasombanganni mangitou si ya'u su tempo i ya'u niapaasaruanna Mallaṛṛuungngu Agama.

1 KORINTUS 4:4

I ya'u tawe maapendama nassal᷊a sulal᷊ummu manga hatto, arawe udde wal᷊ine tatialane manungku i ya'u naṛṛinote. Mawu sassane manantungku i ya'u nassal᷊a ara'e tawe.

2 KORINTUS 1:12

I yami lulluassa, ana waugu lal᷊ummu naungngi yami mangngonggolu antimma si yami manungku wiakki yami su runia indi – nangillembo paa'aukki yami ringanni yamiu – suete niapaamatti yami ringannu naungnga matul᷊idda wuṛṛu waresi. Yami na'ola'a udde, wal᷊ine ringannu apanden taumata, arawe ringannu atatohassa apan nionggolu Ruata.

1 SAMUEL 12:4

Manga taumata udde sinumimbakka, “Tawe, taambe saran paassa i Papa nanganu saranapan taumata.”

1 SAMUEL 26:9

Arawe i Daud nabbisara, “Arie pa'indinge i tou! Mawu sarun makkuumannu taumata apan inolaanne lal᷊eo su ratu apan nipile-Ne.