1 SAMUEL 12:21 - WUKE SUSI WATTI'U AL᷊AL᷊USASSA

²¹ Imbaṛṛangnga tumantalongnga manga monganna apan tawe maatul᷊ungnga wuṛṛu maasal᷊amatta si yamiu, ana waugu i mangitou udde tawe baddi'a.

1 SAMUEL 12:21 Iomraidhean Croise

2 MARARATU 17:15

Israel wuṛṛu Yehuda maddiri tumuṛṛutta manga parentan Mawu wuṛṛu tawe tumuṛṛutta pa'aire apan buatte niolange ringannu al᷊amonan mangitou, ewe'e mattaṛṛamawu manga monganna tawe gunane, na'oman sara i mangitou sassane lai naola'a tawe gunane. I mangitou mannantuṛṛutta tul᷊adan manga walahanna su al᷊indonganni mangitou, salaiwe Mawu buatte naningadda.

YESAYA 41:29

Atonna-tonna, manga monganna udde tawe gunane, i mangitou tumba'u paal᷊uanna niwoso apan tawe maal᷊ore, wuṛṛu atwe mappa'ola'a manga apa.”

YESAYA 45:20

Mawu nabbisara, “Paasemodde wuṛṛu rantate suadio'a, i yamiu sarangkanambone apan nal᷊iu wuassu manga walahanna! Woddowe eteapa manga taumata apan mangngopassa paal᷊uanna alu, ara'e u'al᷊iomanna su manga monganna apan tawe maapanal᷊amatta.

YESAYA 46:7

Paal᷊uanna udde nipa'u wuṛṛu niaddo su tampane, i tou uarisikka isudde wuṛṛu tawe mapangingkatta. Amungkangngu taumata umal᷊iomanna si tou, i tou tawe sumimbakka, wuṛṛu tawe mapaanal᷊amatta si tou wuassu asasusane.

YEREMIA 10:15

Manga paal᷊uanna udde tawe aregane, ṛinone a'al᷊uandahanna wuṛṛu lobbosanna. Napawe nia'omante tempone i mangitou sarun mate.

YEREMIA 10:8

Longonna wuṛṛu woddo mangitou sarangkanambone ana waugu mongannu tumba'u alu sangkabuwu, tawe maapangaṛṛa'a apa apan pia gunane.

YEREMIA 14:22

Manga mongannu manga walahanna tawe mapanossokku uranna su runia. Langitta lai tawe wotongnge manossokku uranna ringannu taṛṛinone sassane. Tumba'u ete I'o aantimanni yami. I'o na'ola'a sarangkanambone udde nariaddi.

YEREMIA 16:19

Mawu, ete I'o apan ual᷊u'adda si ya'u wuṛṛu nangonggollu atatohassa si ya'u; I'o nantul᷊ungku sutempon asasusa. Manga walahanna wuassu pentakku runia sarun dumanta ringan-Nu wuṛṛu mabbisara, “Al᷊amonan kami tumba'u pia mawu awusu apan mangke tawe gunane.

YEREMIA 2:13

Uma-U ma'ola'a rosa hatine darua: i mangitou tinumal᷊iudda si Ya'u, al᷊imatang kua'e apan mangngonggollu wiakku taumata; i mangitou nallanginna hunan batanganne tampang kua'e lassutta apan tawe maataṛṛangnga ua'ene.”

YEREMIA 2:5

Mawu nabbisara, “Pasasal᷊a apate apan niasombangannu al᷊amonanu si Ya'u, na'oman sara i mangitou nandal᷊eo si Ya'u? I mangitou sidutu massubba paal᷊uanna apan tawe gunane wuṛṛu panginsueanne i mangitou sassane nabbal᷊i nahelo.

YUNUS 2:8

Manga masasubba paal᷊uanna apan tawe gunane, nanantangngu Mawu wuṛṛu tate tumuṛṛutta.

YUNUS 2:9

Arawe i ya'u sarun mangantarin manga daralo Si'o wuṛṛu i ya'u mangonggollu sasamba Si'o. Anambon paaire'u sarun ta'u olanna. Ete I'o Mawu apan mannal᷊amatta.”

HABAKUK 2:18

Niawontohante i'o! I'o mabbisara su alu sampaddi, “Darisikke!” ara'e su sambau watu wahewalla, “Pabbangunte!” wotongngewe sambau paal᷊uanna mamasingkattu sambau saranapa si'o? Wotongnge mariaddi paal᷊uanna udde aoosannu wul᷊awanna wuṛṛu sal᷊a'a, arawe i tou tawe niawa. Apa hunane paal᷊uanna sassubbanna? Udde tumba'u inolaannu taumata. Apan niasombangannu wuassi tou tumba'u awusu. Tawe gunane pangangimannu mallal᷊anginnu paal᷊uanna su lanna'u limane, apan tawe maawisara udde.

WATTI'U MANGA RASUL 14:15

“Ei, anio i yamiu ma'ola'a arendi? I yami indi taumata ere lai yamiu! I yami rudanta mamasingkattu Watti'u Al᷊al᷊uassa si yamiu tadea'u i yamiu manantangngu inolaanna lal᷊eo indi wuṛṛu rumanta ringannu Ruata apan biakka, nandiadi langitta wuṛṛu runia wuṛṛu tahal᷊oangnga wuṛṛu anambon lal᷊oṛṛone.

1 KORINTUS 8:4

Su ola'u hatto u'anna anna apan buatte nionggola sasamba su paal᷊uanna, i ite masingkata manungku paal᷊uanna udde ere ola'u sambau apan tawe baddi'a. Wuṛṛu i ite masingkata lai manungku Ruata tumba'u sambau; tawe bal᷊ine.

TAHIUL᷊E 11:16

Imbaṛṛangnga i yamiu iaparau wuassu Mawu wuṛṛu inai massubba wuṛṛu mattaṛṛamawu su manga Mawu waine.

TAHIUL᷊E 30:17

Arawe amungkangngu i yamiu tawe tumuṛṛutta wuṛṛu maddiri maddaringikka, wuṛṛu mamalan batangannu ial᷊iwune iapasubba manga Mawu waine,

TAHIUL᷊E 32:21

I mangitou na'ola'a i Ya'u nasa'u su saranapa apan wal᷊ine Ruata, wuṛṛu massa'u su paal᷊uanna sassubbanni mangitou. Ne i Ya'u na'ola'a manga al᷊aṛṛana-U nasa'u su apa apan wal᷊ine walahanna, wuṛṛu nasa'u su walahanna apan longonna.