1 SAMUEL 12:10 - WUKE SUSI WATTI'U AL᷊AL᷊USASSA

¹⁰ Wua'udde i mangitou niumal᷊iomanna su Mawu wuṛṛu nanga'u rosan mangitou; wisarane, ‘Yami narosate ana waugu tinumal᷊iudda Si'o, oh Mawu, wuṛṛu yami lai massubba manga paal᷊uannu Monganni Baal wuṛṛu Asytoret. Arawe, orassa indi, sal᷊amatewe yami wuassu manga seetti yami, ne yami sidutu mattaṛṛamawu Si'o!’

1 SAMUEL 12:10 Iomraidhean Croise

DARALO 106:44

Arawe Mawu naddaringikka aintul᷊in mangitou, i Tou na'ellega asasusan mangitou.

YESAYA 26:16

I'o buatte nakkuumanni yami; sulal᷊ummu asasusa i yami nabelengnga ringan-Nu, wuṛṛu niumal᷊iomanna Si'o, Mawu.

YESAYA 33:22

Al᷊awo'u saranapa su apalli mangitou tawe gunane; manga senggone tawe iaruitta! Anambon paa'alan tantaran seetta sarun aṛṛoanni ite, wuṛṛu saranapane tumanite manambo, na'oman sara taumata lome lai naasomba wageangnge. Mawu sassane sarun maola'a ratun kite; i Tou sarun mamarenta, maparisikku tita wuṛṛu manal᷊amatta si ite wuassu seetta.

YOSUA 13:31

Wua'udde nasutta lai samba'a wuassu leta'u Gilead, see Asytarot wuṛṛu Edrei, darua inangngu soa wageangngu leta'a paparentanni Ratu Og su Basan. Ahewallu leta'a udde nionggola su sambageanganna wuassu ṛuanganna papapulunni Makhir, ana'i Manasye.

MAL᷊AṚṚUUNGNGA 10:10

Ana see walahannu Israel sinumal᷊andete Mawu, wisarane, “I yami buatte na'ola'a rosa Si'o, ana waugu i yami tawe manaile Si'o, oh Ruatan kami. I yami massubba manga mongannu Baal.”

MAL᷊AṚṚUUNGNGA 2:11

Wua'udde taumatan Israel narosate su saruannu Mawu. I mangitou lai tate massubba Mawu, Ruata iupungngu al᷊amonan mangitou, eteudde Ruata apan buatte nangapiddi mangitou sinumabbanga wuassu Mesir. I mangitou mannattake massubba si Baal wuṛṛu si Asytoret ana see lai manga monganna waine apan sassubbannu manga walahanna apan uatana'a maranin mangitou. Ne Mawu nasa'u si mangitou wuṛṛu namalaten seetta namangalo wuṛṛu nangaṛṛo darotongngi mangitou. I mangitou tawe naal᷊ore sinumaruanna manga seetta apan uapal᷊iwutta si mangitou.

MAL᷊AṚṚUUNGNGA 3:15

Arawe sutempo walahannu Israel sinumal᷊ande maiontolla su Mawu, I Tou nangonggoli Ehud tadea'u mapasabbangngi mangitou. I Ehud sangkatou taumata apan matohassa limane aiṛṛi; i tou ana'i Gera wuassu ruanganni Benyamin, wuṛṛu ete i tou lai apan masokka manguntudda si Ratu Eglon wose apan ṛinone waeṛannu walahannu Israel.

MAL᷊AṚṚUUNGNGA 3:7

Walahannu Israel narosate su Mawu, Ruata mangitou. I mangitou naabul᷊iten Mawu na'oman sara i mangitou nassubbate manga paal᷊uanni Baal wuṛṛu Asyera.

MAL᷊AṚṚUUNGNGA 3:9

Wua'udde walahannu Israel sinumal᷊ande maiontolla su Mawu, ana see Mawu nangonggoli Otniel mapasabbangngi mangitou. (I Otniel eteudde ana'i Kenas, tuarin Kaleb.)

MAL᷊AṚṚUUNGNGA 4:3

I Yabin uatahuanna 900 keretan pangalo wuassu atta'a. Ruan pul᷊o su tonnane al᷊annune i tou uaparenta taumatan Israel ringannu maṛaggissa. Wua'udde i mangitou sinumal᷊ande maiontolla su Mawu.

MAL᷊AṚṚUUNGNGA 6:7

Wua'udde walahannu Israel sinumal᷊ande Mawu, tadea'u mantul᷊ungngi mangitou mando'appa taumatan Midian.

1 SAMUEL 7:2

Mal᷊annu lai Wantallu Pa'airen Mawu udde sasahipunanna su Kiryat-Yearim, iraṛṛangngo ruan pul᷊o su tonnane. Su al᷊annune udde anambon walahannu Israel sussal᷊ande ma'iontolla su Mawu.

1 SAMUEL 7:6

Ana see i mangitou sarangkanambone naammulle su Mizpa. I mangitou nania ua'e ana see nilal᷊inna maola'a sambau sasamba su Mawu, see lai i mangitou nappuasa su al᷊o'engngu allo udde. I mangitou nabbisara, “Yami buatte na'ola'a rosa su saruannu Mawu.” (Su Mizpa udde i Samuel nanattakke nanginsue hatton pabbawawul᷊on taumatan Israel.)