1 SAMUEL 10:1 - WUKE SUSI WATTI'U AL᷊AL᷊USASSA

¹ Wua'udde i Samuel nanganu awo'a apan lal᷊oṛṛoannu lanan zaitun, ana see lana udde nilal᷊inni Samuel su puan Saul, ana see i tou nangari'a si Saul lapiddu nabbisara, “Mawu buatte nanenegu maola'a ratun Israel walahan-Ne udde. I'o sarun mamarenta al᷊aṛṛanang-Nge wuṛṛu mangesakki mangitou wuassu manga seetti mangitou. Indi tatialane si'o manungku Mawu buatte namile si'o maola'a ratun al᷊aṛṛanang-Nge;

1 SAMUEL 10:1 Iomraidhean Croise

2 SAMUEL 1:14

I Daud nabbisara, “Waṛṛani atonna i'o mamate ratu apan nipilen Mawu!”

2 SAMUEL 19:39

Wua'udde i Daud wuṛṛu anambon tantarane tinumumbete Sal᷊ukku Yordan. Ana see i Daud nangari'a si Barzilai wuṛṛu itarua nattal᷊ei. Wua'udde i Barzilai napul᷊ete su wal᷊ene.

2 SAMUEL 20:19

Soan kami Abel indi wahewalla, sambau soa apan matammudda wuṛṛu matuṛṛutta su leta'u Israel. Anio i Tuangnga pia pandumma mankkimunsa'a soa udde? i Tuangnga maapulu manggohakka leta'a pussa'an Mawu?”

2 SAMUEL 5:2

Ro'en dorone, ewe'e lai sutempo i Saul ta'e uaparenta si yami, masokka lai i Tuangnga mamiaṛṛa'u tantaran Israel napawe inaite mapapangalo, see lai Mawu buatte naddiandi si Tuangnga manungku ete i Tuangnga apan mamiaṛṛa'u al᷊aṛṛanang-Nge wuṛṛu maola'a ratun mangitou.”

1 MARARATU 1:34

Poiaroddi i Zadok wuṛṛu i Natan manenegi tou maola'a ratun Israel. Wua'udde ṛinone i yamiu mattiuppa trompeta wuṛṛu maggio, ‘Wiakke Ratu Salomo!’

1 MARARATU 19:18

Arawe 7.000 su atoune su Israel sarun Ta'u iapasal᷊amatta, eteudde manga taumata apan sidutu matuṛṛutta si Ya'u wuṛṛu tawe saran paassa niumal᷊intudda massuba paal᷊uanni Baal ara'e nangari'a.”

2 MARARATU 20:5

niapawelenga apia ringanni Hizkia, ratun walahannu Mawu wuṛṛu namasingkatu tanata indi, “I Ya'u, Mawu, Ruata apan sassubbanni Daud a'al᷊iamonannu, buatte naddaringikka aal᷊iomannu wuṛṛu na'ellega allon matanu. I Ya'u sarun mangapia raddangu; tillorega i'o sarun rumanta su wal᷊e-U.

2 MARARATU 9:1

Sutempo udde i Nabi Elisa namago sangkatou suwallatu manga nabi apan nitantiroanne wuṛṛu nabbisara, “Pandiahite, i ite inaite watukku Ramot su Gilead, wuṛṛu apira'e wotolla apan lal᷊oṛoannu lanan zaitun indi.

2 MARARATU 9:12

“Tawe, yami ta'e wagga!” sasimbakki mangitou. “Otte wal᷊oa'e!” I Yehu sinumimbakka, “I tou namasingkattu tanatan Mawu manungku i ya'u itenega maola'a ratun Israel.”

DARALO 135:4

I Tou namile si Yakub su watangan-Ne, wawosoannu Israel naola'a pussa'a-Ne.

DARALO 2:12

al᷊intuddate susaruan-Ne ringannu mangngindo, arie ma'oman sara Mawu mabbal᷊i masa'u wuṛṛu i yamiu pateanna ringannu mal᷊ihakka, ana waugu asasa'u-Ne ṛumenggamma ringannu sangkaṛṛondappa. Lal᷊umanna'a su taumata apan uatullindumma su Mawu!

DARALO 78:71

wuassu tampa i Tou uapadul᷊i inangngu domba, ipamiaṛṛa'u Israel al᷊aṛṛanang-Nge.

SASABANGNGA 30:23

“Panganute manga rampah apan apianne, annummu kilo mur mal᷊ua'e, tatallu su kilone alu manisse, tatallu su kilone tuwu mawangngi,

YEREMIA 10:16

Ruatan Yakub wal᷊ine ere manga paal᷊uanna udde; i Tou mandariaddi al᷊awo'a. Aran-Ne eteudde Mawu Apan Lembontaṛṛino; i Tou buatte namile Israel maola'a uman-Ne.

YEHEZKIEL 16:13

Etearoddi i'o lal᷊ogaṛṛannu wul᷊awanna wuṛṛu sal᷊a'a; laungngu niola'a wuassu linen wuṛṛu sutra pia karawange. I'o wotongnge umanna roti wuassu taponna apan apianne, ringannu pul᷊a, wuṛṛu lanan zaitun. Araṛṛamagu ete nangillembo wuṛṛu i'o naola'e wo'i.

HOSEA 13:2

Naddatingngu orassa indi manga taumatan Efraim udde ta'e sidutu ma'ola'a rosa; i mangitou mallanginnu manga paal᷊uanna sal᷊a'a tadea'u subbanna – paal᷊uanna apan niṛṛiinnu ṛingirannu taumata wuṛṛu nilanginnu liman taumata. I mangitou nabbisaram, “Pangongollen sasamba su manga paal᷊uanna indi!” Maaherangnga, taumata mangngari'a paal᷊uanna ana'u sapi!

WATTI'U MANGA RASUL 13:21

Wua'udde i mangitou nadorongnga sangkatou ratu. Ruata nangonggolli Saul si mangitou ana'i Kis wuassu walahanni Benyamin maola'a ratu mangitou appatu pul᷊o su tonnane al᷊annune.

TAHIUL᷊E 32:9

Arawe papapulunni Yakub indi nipile Mawu hunan batangan-Ne sassane.

1 TESALONIKA 5:26

Paa'addate sarangkanambone ringannu aakkannu pasasangkatuṛṛangannu taumatan Saṛṛani.

IBRANI 2:10

Atonna su ṛinonete Ruata – apan nandiaddi ul᷊ilimpati'uppa ringannu panduman-Ne sassane – nandiaddi Mawu Yesus mananal᷊amatta apan nasuungnga sulal᷊ummu asasusa. Ringannu aroddi Ruata wotongnge mangahe taumata nambo iapawantuga suadio'a ringannu Mawu Yesus. Ana waugu ete i Tou mamamu'a lal᷊anna si mangitou tadea'u wotongnge iapaasal᷊amatta.

SONDAPPA 5:8

Tantal᷊anna Ana'u Domba udde ma'ola'a aroddi, inumaruutta sire appata riadianna udde wuṛṛu sire ruam pul᷊o appata piaṛṛange udde su saruan-Ne. I mangitou sangkatou-sangkatou uaaggasa kecapi wuṛṛu mangko wul᷊awanna lal᷊oṛṛoannu amania, eteudde manga aal᷊iomannu walahannu Ruata.

1 SAMUEL 12:3

Orassa indi, ya'u uarisikka su saruanni yamiu! Amungkangu ya'u buatte na'ola'a al᷊al᷊eo, ansilete ya'u su saruannu Mawu wuṛṛu su saruannu ratu apan nipile-Ne. Apa ya'u buatte nanna'o sapi ara'e keledain taumata waine? Apa ya'u buatte nallinga ara'e mannansara ara'e mannengkamma roitta aonggolla? Wal᷊oa'e, tadea'u sarangkanambone apan ta'u nianu wotongnge iapawelengku.”

1 SAMUEL 13:14

Arawe orassa indi aratuanni Tuangnga tawe mal᷊annu. Ana waugu i Tuangnga tawe naddaringikka parentan Mawu, ne Mawu buatte namile taumata waine apan ipa'apulu-Ne itenega maola'a ratun pabbawala-Ne.”

1 SAMUEL 15:1

Su allo sambau i Samuel nabbisara si Saul, “Ete Mawu apan mandolo'u wuṛṛu manenegi Tuangnga niola'aratun Israel al᷊aṛṛanang-Nge. Ana augu udde ṛinone i Tuangnga maddaringikka parentan Mawu Apan Lembontaṛṛino.

1 SAMUEL 15:17

I Samuel nabbisara, “Wal᷊inewe i Tuangnga naola'e piaṛṛa'u manga walahannu Israel, salaiwe i Tuangnga massunna manungku watanganni Tuangnga tawe gunane? I Tuangnga buatte nipilen Mawu maola'a ratun Israel,

1 SAMUEL 16:1

Manga pira tempo wua'udde Mawu nabbisara si Samuel, “Ta'e sangkura lai al᷊annune i'o massusa ana waugu i Saul? Wal᷊inewe i tou tate nia'u naola'a sangkatou ratun Israel? Orassa indi, panganute lanan zaitun wuṛṛu roote watukku Betlehem, ringannu sangkatou aranne i Isai, ana waugu suwallattu sangkatou anangnge buatte Ta'u nipile maola'a ratu.”

1 SAMUEL 16:13

I Samuel lapiddu nanganu lanan zaitun wuṛṛu nanenegi Daud ringannu darohan pallal᷊ana su saruannu manga iaangnge. Su orassa udde lai i Daud niintaṛṛoannu Ghaṛṛahon Mawu. Nanattakka allo udde wuṛṛu su allo addantane Ghaṛṛahon Mawu sidutu uarundinganna si tou. Wua'udde i Samuel napul᷊ete watukku Rama.

1 SAMUEL 2:10

Manga seettu Mawu mangke maṛṛimunsa'a, i mangitou matta'utta; wuassu langitta i Tou ruddalu'a. Mawu sarun makkuungngu ahewallu runia indi, wuṛṛu mangonggolu taṛṛino apan mawantuga su manga ratu apan nipile-Ne.”

1 SAMUEL 24:6

Arawe wua'udde, i Daud naapendamma nassal᷊a ana waugu i tou buatte na'ola'a inolanna udde.

1 SAMUEL 26:11

Doronganna Mawu mamo'a si ya'u tadea'u tawe mamate ratu apan nipile-Ne! Anute sambeangnge wuṛṛu tampan ua'ene, ana see i ite inaite!”

1 SAMUEL 26:9

Arawe i Daud nabbisara, “Arie pa'indinge i tou! Mawu sarun makkuumannu taumata apan inolaanne lal᷊eo su ratu apan nipile-Ne.

1 SAMUEL 8:19

Arawe walahanna udde maddiri maddaringikka wisaran Samuel, ewe'e lai i mangitou nabbisara, “Wala'e! Salaiwe maola'a ereapa yami maapulun datu.

1 SAMUEL 8:9

Ana waugu udde utungete darorongngi mangitou, arawe i mangitou paanaunga'a ringannu atonna-tonna, wuṛṛu pasingkata'a ereapa i mangitou sarun parentannu sangkatou ratu.”

1 SAMUEL 9:16

“Tiṛṛabbi marua'allo iraṛṛangngo orassa arendi lai, Ya'u sarun mandolokku sangkatou wuassu ruanganni Benyamin maisasombanu. Teneha'e i tou ringannu darohan pallal᷊ana tadea i tou maola'a ratun walahannu Israel. I tou sarun manal᷊amatta al᷊aṛṛana-U wuassu taumatan Filistin. I Ya'u naasilote asasusa al᷊aṛṛana-U wuṛṛu naaringikke lal᷊uai mangitou ma'iontolla.”

1 SAMUEL 9:27

Napawe i mangitou na'omate su liuddu soa, i Samuel nabbisarate si Saul, “Allangnga udde doloṛṛa'e paṛṛoroa'e wuassi addua.” Ana see allangnga udde inaite, wuṛṛu i Samuel nabbisara apia, “Pangillol᷊ote isindi tal᷊angkadio'a, ya'u mamasingkattu tanatan Duata si'o.”