1 SAMUEL 1:23 - WUKE SUSI WATTI'U AL᷊AL᷊USASSA

²³ I Elkana sinumimbakka, “Ore, ola'e tumuṛṛuttu aellegu udde mapia; atana'e su wal᷊en maddatingngu a'omanna tempone i'o mallaassa ana'i yaddua. Ne antimanna Mawu ma'ola'a pa'airenu udde lumiatta'a.” Nariaddi, i Hana natana'e su wal᷊en na'oman sara tempone anangnge la'asanna.

1 SAMUEL 1:23 Iomraidhean Croise

2 SAMUEL 7:25

Ne orassa indi, oh Mawu Ruata, antimanna I'o manohassa saran mal᷊annu-l᷊annu pa'aire apan niwisara-Nu su ola'u watangangku wuṛṛu papapulungku. Antimanna I'o mappaamattu sarangkanambone apan buatte nipa'ire-Nu udde.

1 MARARATU 3:21

Tiṛṛabbine rua allo, sutempo i ya'u napu'o ana mapaasusun ana'u udde, inauranna i tou natete. Napawe i ya'u mannutukka, inauranna ana'a udde wal᷊ine ana'u.”

DARALO 22:9

Unni mangitou, “Wala'e aroa i tou mangngasakku Mawu, tadea'u Mawu manal᷊amatta si tou, amungkangu Mawu mal᷊uassa si tou!”

YESAYA 44:26

Ete i Ya'u apan nanohassa wisaran allang-Ku, wuṛṛu napaamattu hol᷊aga apan niapal᷊iatta'u daroloṛṛang-Ku, i Ya'u nabbisara manungku Yerusalem sarun atanaanna apia, wuṛṛu manga soan Yehuda sarun Ta'u iapararisikka apia; manga winalal᷊anne sarun isul᷊e apia.

REENGANNA 30:12

Arawe amungkangngu su tempo naaringikka olangnge udde awingnge naningaddi tou, ne wawine udde tate aiitannu riandi ara'e pa'airene. Mawu sarun mangampungnga si tou, ana waugu i tou nisingaddu awingnga.

MATIUS 24:19

Tumanite ma'ata'utta manga allo udde su wawine apan pia illoṛṛo, wuṛṛu su inangnga apan ta'e mappasusun anangnge.

LUKAS 11:27

Napawe Mawu Yesus suete nabbisara aroddi, sangkatou wawine su wallattu taumata nambo udde nabbisara Mawu Yesus, “Lal᷊umanna'a eteapa su wawine apan nangunsiwe wuṛṛu nanusu Si'o!”

1 SAMUEL 1:17

Ana see i Eli nabbisara, “Amungkangu aroddi apul᷊ete ringannu sal᷊amatta. Antimanna Mawu Ruatan Israel maddaringikka darorongngu.”

1 SAMUEL 14:36

Wua'udde i Saul nabbisarate mallal᷊aṛenggenne, “Wette i ite mamangalote taumatan Filistin su ṛabbi indi lai ana see mangaṛṛo saranapan mangitou maddatingngu marua allo wuṛṛu mamate si mangitou sarangkanambone.” I mangitou sinumimbakka, “Ore mappianne i Tuangnga ma'ola'a manara suapan aellegi Tuangnga udde mapia.” Arawe imam nabbisara, “Wette i ite maddorongnga tatantiro wuassu Ruata paarorone.”

1 SAMUEL 14:40

Ana see i Saul nabbisarate su tumana'u Israel sarangkanambone, “I yamiu sarangkanambone darisikka su samba'a isindi.” I mangitou sinumimbakka, “Ṛinone i Tuangnga mammanara tumuṛṛuttu su ṛingiddi Tuangnga udde mapia.”