1 SAMUEL 1:15 - WUKE SUSI WATTI'U AL᷊AL᷊USASSA

¹⁵ Arawe i Hana sinumimbakka, “I ya'u wal᷊ine wu'anna, Papa, ya'u tawe na'inumma anggore! I ya'u niasueante ṛingidda, ne u'al᷊iomanna mabbatti'u anambon asasusa'u su Mawu.

1 SAMUEL 1:15 Iomraidhean Croise

AYUB 30:16

Orassa indi i ya'u maraniten mate; tawe sumbala su asasusa'u.

DARALO 143:6

I ya'u u'al᷊iomanna Si'o ringannu lima uawilatta; naal᷊ihidda leta'a mamara, niawa'u luṛṛintulu-Nu.

DARALO 42:4

Allo ṛabbi i ya'u lulluai, anna si ya'u tumba'u allon mata. Su al᷊o'engngu allo see'u maiwal᷊o, “Suapate Ruatanu?”

DARALO 62:8

Ete i Tou Ruata apan nangonggolu asasal᷊amatta wuṛṛu aaddata si ya'u, ete i Tou pattillumangku wuṛṛu mananahe'u apan matohassa.

DARALO 62:9

Ei walahangku, pangantimpe Ruata suapan tempo; sabbanga'e lal᷊oṛṛon naungngu si Tou, ana waugu ete i Tou tampa passirunganni ite.

AMSAL 14:10

Al᷊al᷊uassa ara'e asasusa sasahipunanna sulal᷊ummu naungnga; taumata waine tawe mamendamma su sampunna.

AMSAL 15:1

Ringannu sasimbakka apan masaṛṛionto'a, asasa'u mabbal᷊i umompo'a; sasimbakka apan maṛṛagge mapasabbangngu asasa'u.

AMSAL 25:15

Asasabbare apan rarundinganannu manga wisara masaṛionto'a wotongnge apangimanannu taumata apan uataṛṛino, wuṛṛu makkimunsa'a anambon lumal᷊awangnga.

LAL᷊ALLU 2:19

Pasokkate matimpo'u su al᷊o'engngu ṛabbi tadea'u mangintul᷊i mapasabbangngu lal᷊oṛṛon naungngu su Mawu. Paddorongke tadea'u i Tou umakkanna su manga anangngu apan niamal᷊unusanna wuṛṛu napinsanna suapan pabbeṛoannu lal᷊anna.

1 SAMUEL 1:16

Ariewe i yamiu indi massunna si ya'u wawinen dal᷊anna. I ya'u niumal᷊iomanna ereindi ana waugu ya'u tumaniten massusa.”

1 SAMUEL 7:6

Ana see i mangitou sarangkanambone naammulle su Mizpa. I mangitou nania ua'e ana see nilal᷊inna maola'a sambau sasamba su Mawu, see lai i mangitou nappuasa su al᷊o'engngu allo udde. I mangitou nabbisara, “Yami buatte na'ola'a rosa su saruannu Mawu.” (Su Mizpa udde i Samuel nanattakke nanginsue hatton pabbawawul᷊on taumatan Israel.)