1 PETRUS 4:16 - WUKE SUSI WATTI'U AL᷊AL᷊USASSA

¹⁶ Arawe amungkangu i yamiu uatataṛṛangnga ana waugu i yamiu taumatan Saṛṛani, ariewe masili ana waugu inolaanna udde. Paadiangkamante su Ruata, manungku i yamiu uaapiddu aranni Kristus.

1 PETRUS 4:16 Iomraidhean Croise

YESAYA 24:15

wuṛṛu taumata su samba'a ra'i maddalo si Tou. Tumana'u winggin sahatta sarun maddalo Mawu, Ruatan Israel.

YESAYA 50:7

Ana waugu Mawu Ruata nantul᷊ungku, ne i ya'u tawe nipansilianna. I ya'u mannohassa naungku tadea'u masabbare; i ya'u masingkatta manungku i ya'u tawe pansilianna.

YESAYA 54:4

Arie pa'ata'utta, i'o sarun tawe pansilianna; tawe aal᷊uandahanna wuṛṛu tappissi'anna. I'o sarun maabul᷊i lal᷊awangngu sutempo ta'e dario'a; tate mannaungnga lai mabbiakka sassane ere inawal᷊uanna.

WATTI'U MANGA RASUL 11:26

Napawe nassombaten Saulus, i tou nangapidi Saulus watukku Antiokhia wuṛṛu santonna al᷊annune i mangitou uaammulla ringannu jamaatta poiaroddi lapiddu mangngaṛṛa'a taumata nambo. Ete su Antiokhia udde, manga taumata apan mangngimanna Mawu Yesus paarorone nisago taumatan Saṛṛani.

WATTI'U MANGA RASUL 26:28

See i Agripa nabbisara si Paulus, “Sunnanu mal᷊uassa mamol᷊engnga si ya'u maola'a taumatan Saṛṛani sulal᷊ummu tempo adio'a indi?”

WATTI'U MANGA RASUL 28:22

Arawe i yami ma'apulu lai madaringikka watti'u pangangimannu, ana waugu i yami sarangkanambone suete naaringikka taumata manggal᷊usa'a al᷊aṛṛa'a apan pangngimanannu udde.”

WATTI'U MANGA RASUL 5:41

Manga rasul udde nanantangngu Mallaṛṛuungngu Agama ringannu lulluassa ana waugu Ruata suete na'ola'a si mangitou naasomba aal᷊uandaga ana waugu Mawu Yesus.

FILIPI 1:20

Lembon ipaapulu'u wuṛṛu aantimanna eteudde tadea'u imbaṛṛangnga i ya'u tawe maa'sue manara'u. Arawe i ya'u mangantimma tadea'u suapan tempo, nangillembo orassa indi, ya'u wotongnge maola'a waṛṛani ma'oman sara ringannu ahewallu apulun waddangku – mawae i ya'u wiakka ara'e i ya'u nate – Kristus mangke wabantuhanna.

FILIPI 1:29

Ana waugu Ruata suete nangonggolu al᷊amatta si yamiu, wal᷊ine tumba'u ipangimanna si Kristus, arawe lai matataṛṛangnga asasusa ana waugu Kristus.

2 TIMOTIUS 1:12

Ana waugu udde i ya'u natataṛṛangu sarangkanambone indi, arawe i ya'u sidutu mangngimanna, ana waugu i ya'u masingkata atonna, isai apan pangimanangku. I ya'u mangantimma manungku apa apan suete nitantilli Tou si ya'u, i Tou lai wotongnge maariaga udde saran Allon Kiamatta.

YAKOBUS 2:7

Ete i mangitou apan mangngal᷊uandaga aranna awantuhanne apan nisengkammi yamiu wuassu Ruata!

1 PETRUS 2:12

Pallal᷊agunu su wallatu taumata apan tawe maaillal᷊a Mawu ṛinone lembon mapia, na'oman sara napawe i mangitou mangngadio'a si yamiu ere taumata lal᷊eo, i mangitou lai sarun manga'u inolaannu apan mapia na'oman sara i mangitou sarun maddalo Ruata su allo daranta-Ne.

1 PETRUS 4:11

Taumata apan namasingkatu watti'a, ṛinone mamasingkatu watti'a wuassu Ruata; taumata apan mangngimbe taumata waine, ṛinone mangimbe ringannu atatohassa wuassu Ruata, tadea'u al᷊awo'u manaran, Duata wotonge wantuhanna sulalummi Yesus Kristus. Ete i Tou apan uataṛṛino wuṛṛu ṛinone wantuhanna ma'oman sara mal᷊annu-l᷊annu. Amin.

1 PETRUS 4:14

I yamiu naauntungnga amungkangu i yamiu aal᷊uandahanna ana waugu i yamiu mallal᷊aṛṛenggenni Kristus. Udde atappasanne Ghaṛṛaho apan mawantuga, eteudde Ghaṛṛahon Duata udde sulal᷊ummu naungngu.

1 PETRUS 4:19

Ana waugu udde, amungkangu pia taumata apan uatataṛṛanga ana waugu Ruata mappandumma aroddi, ṛinone manga tumata udde mabbiakka ringannu mapia wuṛṛu manantillu watanganne su Mandariaddi si mangitou. I Tou siddutu mapaatipussu paaire-Ne.