1 PETRUS 4:12 - WUKE SUSI WATTI'U AL᷊AL᷊USASSA

¹² Manga tuṛṛangnga apan arangnguanna! I yamiu orassa indi lembon uatataṛṛanga susa ana waugu tantal᷊anna iaannamma. Arawe arie tumiangnga, paṛṛimaunnapa ere pia sambau riaddianna apan wahewalla mariaddi si yamiu.

1 PETRUS 4:12 Iomraidhean Croise

MANNANASE 5:8

Ewe'e wiakku ratu lai uaantimma hessin pangitinganna.

YESAYA 28:21

Mawu sarun dumarisikka ere su Wowone Perazim. I Tou sarun mamangalo ere su Wawal᷊annu Gibeon huna mapaamattu panduman-Ne, pandumanna apan maatiangnga taumata! I Tou sarun ma'ola'a manara-Ne apan maaherangnga.

DANIEL 11:35

Sambageanganna wuassu manga piaṛṛa'a apan pande udde sarun iapate, arawe udde tumba'u sambau sasal᷊ua'tta su taumata ma'oman sara i mangitou mabbali waresi. Olangnge udde sarun mariaddi maddatingngu pangudussannu tempo, eteudde tempo apan buatte nitantunnu Ruata.

1 KORINTUS 10:13

Al᷊awo'u wawono'a apan niasombanganni yamiu, eteudde wawono'a apan masokkate niapendamannu taumata. Arawe Ruata sidutu uaaggasa paaire-Ne. I tou maddiri mamalanu wono'anna nangillembo wuassu pangangimanni yamiu. Su tempo i yamiu nia'omannu wawono'a, i Tou sarun mamantingiddu lal᷊anna si yamiu tadea'u maola'a matohassa wuṛṛu i yamiu wotongnge maataṛṛangnga.

1 KORINTUS 3:13

Manaran sangkatou-sangkatou sarun asiloanna su tempo Kristus rumanta apia. Ana waugu su allo udde putungnga sarun manemakka manaran sangkatou-sangkatou see asiloanna. Putungnga sarun manal᷊u'atta wuṛṛu manantunnu apapian manara udde.

2 TIMOTIUS 3:12

Atonna anambon taumata apan maapulu mabbiakka mattaṛṛamawu, wuṛṛu mabbiakka uaaukka ringanni Kristus Yesus sarun sansaranna,

1 PETRUS 2:11

Manga tuṛṛangnga apan arangnguanna! I yamiu uddewe taumata lumal᷊o'a wuṛṛu mattindaho su runia indi. Ana waugu udde i ya'u sumal᷊ande si yamiu tadea'u i yamiu tawe tumuṛṛutta apulun taumata apan sidutu uapapangalo lullawangnga ṛimuudda.

1 PETRUS 4:4

Orassa indi taumata apan tawe maaillal᷊a Mawu, tinumiangnga manungku i yamiu tawe nabbiakka ere i mangitou, ma'ola'a rosa walate apulune. Ana waugu udde i mangitou mangngal᷊uandaga si yamiu.

1 PETRUS 5:9

Roopete i tou ringannu pangangimanna apan matohassa, ana waugu i yamiu masingkata manungku manga tuṛṛangnga sansul᷊ungnga Saṛṛani apan waine su ahewallu runia uatataṛṛanga lai ere i yamiu.