1 PETRUS 4:10 - WUKE SUSI WATTI'U AL᷊AL᷊USASSA

¹⁰ I yamiu sambau-sambau suete nanengkamma aonggola apan uapapaṛṛala wuassu Ruata. Ana waugu udde ere sangkatou mangangatokka apan mapia wuassu manga aonggolu Ruata ṛinone i yamiu mapaahunan apande udde si yamiu suaddio'a.

1 PETRUS 4:10 Iomraidhean Croise

MATIUS 20:28

Ere lai Ana'u Taumata udde, i Tou nirumanta wal᷊ine tadea'u imbeanna, arawe mangimbe, wuṛṛu manantillu niawa-Ne ipamallossu taumata nambo.”

MATIUS 24:14

Wuṛṛu Watti'u Al᷊al᷊uassa su ola'u ereapa Ruata mamarenta sarun iapasingkatta su ahewallu runia, tadea'u anambo n taumata maddaringikka. Wua'udde rumantate kiamatta.”

MATIUS 24:21

Su manga allo apan maata'utta udde sarun pia asasusa wahewa ere apan taambe nariaddi ro'en panattaṛṛannu runia na'oman sara orassa indi, wuṛṛu tate lai mariaddi apia.

MATIUS 24:45

Mawu Yesus nabbisara apia, “Amungkangngu aroddi, mangangimbe suapane apan matuṛṛutta wuṛṛu pande? Ete i tou sarun itenegu mawune maola'a tembonannu manga mangangimbe waine, tadea'u i tou mangagillu anna si mangitou su tempone.

MATIUS 25:17

Aroddi lai mangangimbe apan nanengkamma rua ṛiwu roitta wul᷊awanna udde, naasomba auntunganne lai rua ṛiwu.

MATIUS 25:44

See i mangitou sarun mabbisara si Tou, ‘Mawu, su tempo suapa i yami naasilo Mawu mal᷊unussa, ara'e narou, ara'e ere sangkatou raho, ara'e tawe laubba, ara'e maradda'a ara'e su ṛuumanna, wuṛṛu i yami tawe nantul᷊ungngu Mawu?’

MARKUS 10:45

Ana waugu Ana'u Taumata lai nirumanta wal᷊ine ana see imbeanna. I Tou nirumanta mangimbe wuṛṛu manantillu niawa-Ne ipanubussa rosan taumata nambo.”

LUKAS 12:42

Mawu Yesus sinumimbakka, “Isai mangangimbe apan matuṛṛutta wuṛṛu pande ma'oman sara pileannu mawune maola'a tembonannu mangangimbe waine tadea'u i tou mappaanni mangitou su tempone?

LUKAS 19:13

Tantal᷊anna taambe inai, i tou namago sire mapul᷊o mangangimbene, see nangagille si mangitou sangkatou-sangkatou passambau roitta wul᷊awanna. ‘Pabbal᷊u'e ringannu roitta indi tantal᷊anna i ya'u su amatanna,’ unni tou si mangitou.

LUKAS 8:3

wuṛṛu lai i Yohana awingngi Khuza, maṛṛinun araratuanni Herodes; i Susana, wuṛṛu manambo lai wawine waine. Ringannu roitti mangitou sassane, i mangitou nallal᷊ima Mawu Yesus wuṛṛu manga mallal᷊aṛṛenggen-Ne.

ROMA 15:25

Arawe orassa indi ya'u maapulu inai watukku Yerusalem mangapiddu sasumbala su jamaattu Ruata poiaroddi.

ROMA 15:27

Ringannu naungnga mal᷊uassa i mangitou nakkawessa ma'ola'a udde. Atonna ṛinone i mangitou mantul᷊ungngu manga tuṛṛangnga apan asiangnga su Yerusalem; ana waugu wuassu manga taumatan Yahudi udde, manga taumata wal᷊ine Yahudi buatte nanengkamma al᷊amatta wuassu Ruata. Nariaddi manga taumata wal᷊ine Yahudi ṛinone lai mantul᷊ungngu taumatan Yahudi ringannu manga al᷊amatta ere manga darotongnga.

1 KORINTUS 15:10

Arawe ana waugu al᷊amattu Ruata, i ya'u naola'a lai ere olangnge i ya'u orassa indi. Wuṛṛu talawe tawe gunane Ruata nangampunga si ya'u. Ewe'e ete i ya'u mammanara maṛṛimadda wuassu anambo manga rasul waine. Arawe udde ṛinone wal᷊ine ya'u mattinsahadda, udde sahaddu Ruata apan marangngu si ya'u wuṛṛu mammanara suadio'a ringangku.

1 KORINTUS 3:10

Ringannu apapande apan nionggolu Ruata, i ya'u ere sangkatou taṛṛa ola'a wal᷊e buatte nangaddon rapappaku wal᷊e udde, wuṛṛu taumata waine mapararisikku wal᷊e so wowon rapappake udde. Suapan taumata ṛinone manutukka mapia-pia ereapa i tou mapararisikka su rapappake udde.

1 KORINTUS 4:7

Isai apan na'ola'a si'o nangillembo wuassu taumata waine? Wal᷊inewe sarangkanambone sinengkammu wuassu Ruata? Nariaddi, anio i'o mapaatelengngu watangannu, paṛṛimaunnapa apa apan tatahuanannu udde wal᷊ine sambau apan nionggola?

2 KORINTUS 6:1

Ana waugu i yami mammanara suadio'a ringannu Ruata, ne i yami sumal᷊ande arie i yamiu ma'ola'a tawe gunane apapia naungngu Ruata udde.

2 KORINTUS 9:1

Ṛinone i ya'u lai lasa'e mamoṛṛettu suratta si yamiu su ola'u sasumbala apan tantal᷊anna niroho su walahannu Ruata su Yudea.

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

EFESUS 4:11

Ete i Tou apan “nangonggolu manga aonggola su taumata”; sangkawageanganna nitenega naola'a rasul, waine naola'a nabi; wuṛṛu waine lai naola'a mamamasingkatu Watti'u Al᷊al᷊uassa udde, wuṛṛu waine lai netenega naola'a manga huru wuṛṛu mamamadul᷊i jamaatta.

2 TIMOTIUS 1:18

Wuṛṛu i'o masingkatta manungku su Efesus i tou masokka mantul᷊ungku. Doronganna Mawu mapaal᷊iatta'u darangngu-Ne si tou su allo Mawu mamarikissa anambon walahannu taumata.

TITUS 1:7

Mallal᷊u'ada jamaatta udde taumata apan mangngatokku manaran Duata, tawe wotongnge i tou pia pasasal᷊ane. Tawe wotongnge mawunga ara'e taṛṛa wul᷊o, ara'e taṛṛa wu'anna, ara'e taṛṛa wawul᷊o ara'e wal᷊iun doitta.

IBRANI 6:10

Ruata wal᷊ine Ruata tawe matul᷊ida. I Tou tawe maabul᷊i apa apan mammanaranni yamiu si Tou, wuṛṛu darangngu apan niapaasilong kamiu si Tou su tempo nantul᷊ungu manga tuṛṛanga apan pangangimanna sambau, dorone wuṛṛu sara orassa indi.

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.

1 PETRUS 5:12

Sura'u apan maautta indi ta'u niwoṛṛeta si yamiu ringannu sasumbalan Silas, apan aantimangku sangkatou tuṛṛangnga Saṛṛani apan matuṛṛuta. I ya'u maapulu mangonggolu sasasa si yamiu, wuṛṛu manohassa pangangimanni yamiu manungku apa apan ta'u niwoṛṛeta indi watti'a atonna su ola'u darangngun Duata. Ṛinone i yamiu mangke uaantimma su darangngu udde.