1 PETRUS 3:3 - WUKE SUSI WATTI'U AL᷊AL᷊USASSA

³ Arie araṛṛamagu tumba'u araṛṛamaga su liudde, ere tul᷊adane mallaukka uta'a ara'e mappaattu lal᷊oggakka, ara'e laubba apan maarega.

1 PETRUS 3:3 Iomraidhean Croise

PANDARIADDI 24:22

Napawe anambon unta udde nawusate na'inumma, allangngi Abraham nanganute saranapa wul᷊awanna apan maarega ana see niele su ngirunnu maṛṛuala udde. Su pul᷊al᷊anne niluṛṛeannu hal᷊angnga sampare.

PANDARIADDI 24:47

Wua'udde i ya'u naiwal᷊o, ‘Isai iamangngu?’ Wuṛṛu i tou sinumimbakka, ‘Iamangku i Betuel, ana'i Nahor wuṛṛu i Milka.’ Ana see i ya'u nalluṛṛeten lal᷊ogakka wul᷊awanna su ngirunne wuṛṛu sampare hal᷊angnga su pul᷊al᷊anne.

PANDARIADDI 24:53

Ana see i tou napasabangngu manga laubba, lal᷊oggaka sal᷊a'a wuṛṛu wul᷊awanna, wuṛṛu sarangkanambone udde nionggolla si Ribka. See lai iaangnge wuṛṛu inangngene nionggol᷊anni tou aonggolla apan maarega.

2 MARARATU 9:30

I Yehu na'omate su Yizreel. Napawe i Izebel naaringikka sarangkanambone apan buatte nariaddi, i tou nalluwi utange wuṛṛu nappaattu celak ara'e raṛṛamaga mata, ana see nangintanno wuassu wal᷊en araratuanna.

ESTER 5:1

Su allo atallune i tou nappuasa, Ester nalluṛṛen laubbu wo'ine, ana inaite watukku rallakku lal᷊ummu wal᷊en araratuanna wuṛṛu dirumarisikka su saruannu ngaran balairung. Ratu tantal᷊anna ua'ianna su adderan araratuanna uasaruanna ngara udde.

DARALO 45:9

Peddenu pia hal᷊urun amania, gaharu wuṛṛu cendana; mananalangnga ronsi su wal᷊en araratuanna lal᷊ogaṛannu gadinga wuṛṛu naal᷊uassa si'o.

SASABANGNGA 3:22

Suapan wawinen Israel sarun madorongnga su al᷊indonganne taumata Mesir wuṛṛu wuassu wawinen Mesir apan uatana'a su wal᷊en sambau, laubba see lai lal᷊ogakka sal᷊a'a wuṛṛu wul᷊awanna. Udde sarun iluṛṛeng kamiu su manga anangngu. Ringannu olangnge aroddi yamiu sarun mangaṛṛo taumata Mesir.”

SASABANGNGA 32:2

Ana see i Harun nabbisara si mangitou, “Luatte ngante-ngante wul᷊awanna apan ual᷊uṛṛe su manga awingngu wuṛṛu manga anangngu, wuṛṛu apira'e ringangku.”

SASABANGNGA 33:4

Wua'udde Mawu nandolokki Musa niapawisara su walahannu Israel, “I yamiu walahanna puane maattika. Unnu wisara i Ya'u lai tumantalong ringanni yamiu tumba'u tal᷊ang kadio'a, i yamiu sarun Ta'u pateanna abbi. Luatte al᷊awo'u wul᷊awanni yamiu, ne i Ya'u sarun manantunna apa apan sarun Ta'u olaanna si yamiu.” Napawe naaringikka tatagu Mawu udde, i mangitou nasusa atonna naal᷊ihidda taumata lullal᷊o. Ana see i mangitou namallosu wul᷊awanni mangitou. Nariaddi, napawe buatte nanantangngu Wowon Sinai, walahannu Israel tate nappaattu lal᷊ogakka wul᷊awanna.

SASABANGNGA 35:22

Walate isai apan mappulu, mawae esakka ara'e wawine, rumanta mangapiddu lapaneti wul᷊awanna, ngante-ngante, sinsingnga, wul᷊ele, wuṛṛu al᷊awo'u hatin lal᷊oggakka wul᷊awanna apan ionggola su Mawu.

SASABANGNGA 38:8

I Bezaleel na'ola'a tampan ua'e witu'a ringannu apampakke witu'a. Witu'a udde wuassu manga saṛṛuminanna pussa'an manga wawine apan mangngimbe su ngaran Dasannu Mawu.

YESAYA 52:1

Pabbangunte, ei Yerusalem, pabbangunte! Tohasse naungngu! Luṛṛea'e laubbu awawantugu! Ei Yerusalem, soa apan susi, taumata marosa tate lai maasutta sumabbi su ngaranu.

YESAYA 61:10

Yerusalem nabbisara, “I ya'u lulluassa ana waugu Mawu, naungku lullal᷊a'a ana waugu Ruata. Naal᷊ihidda ma'aawingnga esakka wuṛṛu wawine uapa'attu lal᷊oggakka mangkaṛṛansanga, etearoddi Mawu nameddetta si ya'u laubbu asasal᷊amatta wuṛṛu auntunganna.

YEREMIA 2:32

Apa pia maṛṛuala apan maabul᷊in lal᷊ogakke, ara'e ma'aawingnga wawine apan maabul᷊in laubbu awinge? Arawe i yamiu mal᷊annute atonna na'abul᷊i-U – ro'en sutempo apan tawe iareengnga al᷊annune.

YEREMIA 4:30

Ei Yerusalem, i'o buatte nitantangnga wuṛṛu mangke tawe napa'ola'a apa-apa! Ipa'ura malluṛṛen laubba maṛṛamu wuṛṛu mallogakka watangannu ringannu wul᷊awanna wuṛṛu sal᷊a'a, se'e lai namuṛṛa mata ringannu wawuṛṛa? Tawe gunane i'o malloggakka watangannu, ana waugu manga apulunu maddirinute, ewe'e lai i mangitou mappulu manawutta niawanu.

YEHEZKIEL 23:40

Ewe'e lai itarua nangirimmu wawago su manga esakka su manga wanua apan marau, wuṛṛu i mangitou niumitu'a wawago udde. Su ipanal᷊oho manga raho udde, itarua taṛṛa tuari nandeno, napaattu wawuṛṛa mata wuṛṛu manga lal᷊ogakka.

ROMA 12:2

Imbaṛṛangnga mattanno apulun dunia indi. Wala'e Ruata mandiaddi ririnu maola'a wakku, tadea'u i yamiu pia awawal᷊u. Ringannu aroddi yamiu wotongnge maasingkata apulun Duata – eteudde apa apan mapia wuṛṛu apan maal᷊uassa naung-Nge wuṛṛu apan nasuungnga.

1 PETRUS 3:2

ana waugu i mangitou naasilote pallal᷊agunu apan matul᷊idda wuṛṛu susi.