1 PETRUS 1:8 - WUKE SUSI WATTI'U AL᷊AL᷊USASSA

⁸ I yamiu marangngu si Tou, salaiwe dorone i yamiu tawe naasilo si Tou. Wuṛṛu i yamiu mangngimanna si Tou, manimbe orasa indi yamiu tawe maasila si Tou. Ana waugu udde i yamiu lulluassa, wuṛṛu uapaendama lal᷊ala'a apan mahewa wuṛṛu tawe iawisara.

1 PETRUS 1:8 Iomraidhean Croise

ANTARI MAWANTUGA 1:7

Wal᷊oa'e, ei arangnguangku, suapa i'o mallu'adda manga domba, suapa i'o napal᷊allowangi mangitou sutempo wawallo? Ṛatadde i ya'u sarun maola'a ere mamamal᷊intadda suwallattu ammul᷊annu domban manga hawenu?

ANTARI MAWANTUGA 5:16

Tumaniten masaṛṛionto'a pabbawisarane, sarangkanambone si tou maanemma. Etearoddi arangnguangku wuṛṛu hawe'u, ei manga maṛṛualan Yerusalem!

ANTARI MAWANTUGA 5:9

Apa arangnguannu nilumebbe wuassu manga arangnguanna wawine, ei maṛṛuala apan aṛṛamahanne? Apa arangnguannu nilumebbe wuassu manga arangnguanna wawine, na'oman sara i'o nandolokki yami maddiandi?

MATIUS 10:37

Taumata apan marangngu iamangnge ara'e inangnge manampal᷊iu wuassia-U tawe maola'a mallal᷊aṛṛenggeng-Ku. Aroddi lai taumata apan marangngu anangnge esakka ara'e wawine manampal᷊iu wuassia-U.

YOHANES 14:15

“Amungkangngu i yamiu marangngu si Ya'u, i yamiu sarun tumuṛṛutta manga parenta-U.

YOHANES 14:21

Taumata apan tuttuṛṛutta manga parenta-U wuṛṛu ma'ola'a, i tou marangngu si Ya'u. Iamang-Ku sarun mandangngu taumata apan mandangngu si Ya'u. I Ya'u lai sarun mandangngu taumata udde wuṛṛu mapaal᷊iatta'u riri-U si Tou.”

YOHANES 14:24

Taumata apan tawe mandangngu si Ya'u, tawe tumuṛṛutta al᷊aṛṛa-U. Al᷊aṛṛa'a apan niaringiṛṛanni yamiu udde, wal᷊ine wuassia-U, ewe'e wuassu Iamangnga apan nandolo-U.

YOHANES 16:22

Aroddi lai yamiu; Orassa indi naungngi yamiu massusa, arawe i Ya'u sarun maisasomba apia ringanni yamiu, ne naungngi yamiu sarun lumuassa; wuṛṛu tawedu sangkatou maapanganu al᷊al᷊uassa udde wuassu lal᷊ummu naungngi yamiu.

YOHANES 20:29

Ne Mawu Yesus nabbisara si tou, “I'o mangngimanna ana waugu naasilote si Ya'u? Asasal᷊amatta su taumata apan mangngimanna salaiwe tawe naasilo si Ya'u!”

YOHANES 8:42

See Mawu Yesus nabbisara si mangitou, “Unnu wisara Ruata udde Iamangngu, i yamiu sarun mandangngu si Ya'u, ana waugu i Ya'u nirumanta wuassu Ruata. I Ya'u tawe nirumanta ringannu apulu-U sassane, arawe ete i Tou apan nanadolo-U.

WATTI'U MANGA RASUL 16:34

Wua'udde i tou nangapiddi Paulus wuṛṛu i Silas su wal᷊ene wuṛṛu itarua niapaante. I tou wuṛṛu lal᷊oṛṛon wal᷊ene mangke lulluassa ana waugu i mangitou orassa udde nangngimante Ruata.

ROMA 14:17

Ana waugu amungkangngu Ruata mangatokku pabbawiakku sangkatou, apa apan wotongnge annananni tou ara'e inumanne, tawe tumanin mahuna. Ahunanne eteudde manungku taumata udde tuttuṛṛutta apulun Ruata, maapendamma al᷊al᷊uassu naungnga wuṛṛu mannengkamma al᷊al᷊uassa apan nionggolu Ghaṛṛahon Ruata.

ROMA 15:13

Ete Ruata apan pangngantimanni yamiu. Sal᷊andeanna i Tou malloṛṛo naungngu ringannu al᷊al᷊uassa wuṛṛu paddarame ana waugu i yamiu mangngimanna, tadea'u ringannu taṛṛinon Ghaṛṛahon Duata i yamiu lembo mangngantimma Ruata.

1 KORINTUS 16:22

Taumata apan tawe mandangngu Mawu, wala'e i tou awontohanna! Maranatha – Mawun kami, rantate!

2 KORINTUS 1:22

Ana waugu udde Ruata suete nanga'u si ite maola'a pussa'a-Ne wuṛṛu mangonggolu Ghaṛṛaho-Ne sulal᷊ummu naungngi ite, apan maola'a sambau wataṛṛu manungku i Tou sarun mangonggolu si ite sarangkanambone apan suete pina'iren Tou.

2 KORINTUS 4:18

Ana waugu i yami tawe ma'innunu manga inolaanna apan aasiloanna, arawe apa apan tawe aasiloanna. Apan aasiloanna tumba'u tal᷊an kadio'a, arawe apa apan tawe aasiloanna udde mal᷊annu-l᷊annu sarangkal᷊o'engnge.

2 KORINTUS 5:7

Ana waugu i yami mabbiakka pinangiananne wuassu mangngimanna si Kristus, wal᷊ine pinangiananne wuassu apa apan aasiloanna,

2 KORINTUS 9:15

Ṛinone i ite maadiangkamanna su Ruata ana waugu aonggole apan wahewalla udde!

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

EFESUS 3:19

apan ringannu ṛingiṛṛannu taumata tawe iasunna saran kadio'a. Doronganna i yamiu maaillal᷊a darangngun Kristus udde, na'oman sara i yamiu mapenen apulun Duata apan nasuungnga.

EFESUS 6:24

Sal᷊andeanna Ruata sarun mangal᷊amatta si yamiu sarangkanambone apan mandangngu Mawun kite Yesus Kristus ringannu darangngu apan tawe masue. Tabea wuassi yami, Paulus

FILIPI 1:25

I ya'u mangngimanna su olangnge udde. Ana waugu udde i ya'u masingkata, i ya'u sidutu uatana'a ringanni yamiu sarangkanambone, tadea'u wotongnge mantul᷊ungngi yamiu maola'a lembon matohassa wuṛṛu lembon mal᷊uassa sulal᷊ummu pangangimanna su Mawu.

FILIPI 3:3

Sumbal᷊i ete i ite manga taumata apan suete nanarimmattu sunatta apan tutune, wal᷊inewe i mangitou. I ite massubba Ruata ringannu aehettu Ghaṛṛahon Duata sassane, wuṛṛu i ite maadiangkamanna ana waugu i ite mabbiakka su sambau ringanni Kristus Yesus. I ite tawe uatundeeta su manga inolaanna apan a'olaannu taumata.

FILIPI 4:4

Antimanna i yamiu sidutu lulluassa ana waugu i yamiu suete nabbiakka su sambau ringannu Mawu. Paassa lai ya'u mabbisara: lalluasse!

IBRANI 11:1

Pangangimanna eteudde mangngimanna atonna-tonna su manga apa apan a'antimanna, atappasanne pia pangangantima su apa apan tawe asiloanna.

IBRANI 11:27

Ana waugu mangngimanna, ne i Musa nanantangu Mesir ringannu tawe matta'utta su asasa'un ratu. Musa niumamatta mattudam pattudanne ere ola'u i tou naasilote Ruata apan tawe asiloanna udde.

1 PETRUS 1:6

Ana waugu udde ṛinone i yamiu lumuassa, salaiwe orassa indi tumba'u tal᷊an kadio'a i yamiu sarun masusa ana waugu i yamiu naapendama anambon hatin bawono'a.

1 PETRUS 2:7

Watu udde lembon maarega si yamiu apan mangngimanna. Arawe su taumata apan tawe mangngimanna, matipusse manga araddoanne su Wuke Susi ereindi, “Watu apan tawe ipaattu manga ma'aola'a wal᷊e udde wutte'e naola'a watu apianne.”

1 PETRUS 5:4

Wuṛṛu su tempo Mallal᷊u'adda Mawantuga udde rumanta apia, i yamiu sarun manengkamma mahkota apan mal᷊endapa wuṛṛu tawe mawulle sal᷊endamme.