1 PETRUS 1:7 - WUKE SUSI WATTI'U AL᷊AL᷊USASSA

⁷ Tuddane eteudde mattiala manungku tanne atonna-tonna i yamiu mangngimanna Mawu ara'e tawe. Wul᷊awanna lai apan wotonge mahohakka, iannamma su putungnga. Ne pangangimanni yamiu maareganne wuassu wul᷊awanna, nariaddi ṛinone lai iannama tadea'u maola'a matohassa. Wuṛṛu ringannu aroddi yamiu sarun raloanna wuṛṛu addatanna lapiddu iruitta su allo Mawu Yesus Kristus rumanta apia.

1 PETRUS 1:7 Iomraidhean Croise

AYUB 23:10

Arawe i Tou masingkattu anambon dal᷊angku wuṛṛu suapan lempangku. Amungkangngu ere wul᷊awanna i ya'u iannamma, sarun asingkattanna manungku naungku waresi.

AYUB 28:1

Pia paal᷊ianna isudde sal᷊a'a niasombanganna; pia tampa isudde wul᷊awanna wabbaresianna.

DARALO 17:3

Amungkangu I'o manal᷊u'atta naungku wuṛṛu rumanta manaṛṛassida si ya'u sutempo ṛabbi, I'o sarun maasingkatta manungku naungku matul᷊idda; wisara'u nassul᷊ungngu ṛingirangku.

AMSAL 16:16

Naasomba apande mappianne marau wuassu naasomba wul᷊awanna; naasomba asingkatta maareganne wuassu naasomba sal᷊a'a.

AMSAL 17:3

Wul᷊awanna wuṛṛu sal᷊a'a iannamma su auntupanna, arawe naungngu taumata iannammu Mawu.

AMSAL 8:19

Apan niasombangannu wuassia'u nangillembo wuassu wul᷊awanna tutune; maareganna wuassu sal᷊a'a tutune.

MANNANASE 5:14

I ite niasungkangnga ringangu uatantol᷊e; aroddi lai i ite manantangngu runia indi, tawe mangapiddu manga apa wuassu al᷊awo'u darotongnga inasaharanni ite.

YESAYA 48:10

I Ya'u maddalo Si'o sulal᷊ummu putungngu asasusa, ere sal᷊a'a apan niwaresi su auntapanna.

YEREMIA 48:36

Anambon pa'aala Kir-Heres wuṛṛu ahewallu Moab nawul᷊ite. I Ya'u massusa maasilo ola'i mangitou; i Ya'u naal᷊ihidda taumata apan manniuppa wansi ringannu aantarin lal᷊alo.

YEREMIA 9:7

Ana waugu udde Mawu Apan Lembontaṛṛino nabbisara, “Ere logamma, uma-U sarun Ta'u sal᷊u'atanna tadea'u i mangitou maola'a tutune. Apa apan wotongnge Ta'u olaanna su saruannu uma-U apan buatte na'ola'a al᷊al᷊eo?

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

MALEAKHI 3:3

I Tou rumanta tadea'u makkuungnga, naal᷊ihidda taumata apan mammaresi wul᷊awanna wuṛṛu sal᷊a'a. Ere sangkatou mapapanden logamma mammaresi wul᷊awanna wuṛṛu sal᷊a'a, aroddi lai daroloṛṛannu Mawu sarun mamaresi manga imam tadea'u i mangitou mangngonggollu manga sasamba ringannu olangnge apan ipaapulun Mawu.

REENGANNA 5:28

Arawe unnu wisara i tou tawe nassal᷊a, i tou tawe aṛṛinoannu wontoga wuṛṛu i tou ta'e wotongnge maasomba ana'a.

MATIUS 19:28

Mawu Yesus nabbisara si mangitou, “Pangimante: Su Runia apan Bakku, Ana'u Taumata sarun uma'ianna su adderan araratuanna apan mawantuga. Su tempo udde i yamiu mallal᷊aṛṛenggeng-Ku sarun uma'ianna su mapul᷊o dua adderan araratuanna wuṛṛu makkuungnga mapul᷊o dua walahannu Israel.

MATIUS 25:21

‘Mapia,’ unnu mawu udde, ‘ete i'o mangangimbe apan mapia wuṛṛu matuṛṛutta. Ana waugu i'o apangimananna ringannu apan addio'a, i ya'u sarun manantillu anamboanne si'o. Suttate wuṛṛu lalluasse ringangku!’

MATIUS 25:23

‘Mapia,’ unnu mawu udde, ‘i'o mangangimbe apan mapia wuṛṛu matuṛṛutta. Ana waugu i'o apangimananna ringannu apan addio'a, i ya'u sarun mangagillu anamboanne si'o. Suttate wuṛṛu lalluasse ringangku!’

LUKAS 12:33

Wal᷊ua'e darotongngu wuṛṛu anggil᷊a'e roinne su taumata asiangnga. Ola'e sulal᷊ummu ririnu tampan doitta apan tawe maṛṛenessa, eteudde darotongnga apan uaraddo su surga. Darotongnga udde tawe mawul᷊i ana waugu taṛṛa ta'o tawe maapanna'o wuṛṛu wiangnga tawe maahohakka.

LUKAS 17:30

Aroddi lai olangnge su allon Ana'u Taumata iapaal᷊iatta'a.

YOHANES 12:26

Taumata apan maapulu mangimbe si Ya'u ṛinone tumantalongnga si Ya'u; tadea'u mangangimbe'u wotongnge su sambau ringang-Ku su tampa i Ya'u uatana'a. Taumata apan mangngimbe si Ya'u sarun addatannu Iamang-Ku.”

YOHANES 5:44

Ereapa i yamiu wotongnge apangimananna, amungkangngu i yamiu maddea'a daralo wuassu sansul᷊ungngu taumata, wuṛṛu tawe mappandumma maddea'a daralo wuassu Ruata apan Tinggassa?

WATTI'U MANGA RASUL 8:20

Arawe i Petrus sinumimbakka, “Nasilakate i'o wuṛṛu roinnu! Sunnanu aonggolu Ruata wotongnge aawalliannu roitta?

ROMA 2:10

Arawe anambon taumata apan maapulu ma'ola'a apapia sarun onggol᷊annu Ruata awawantuga wuṛṛu aaddata see al᷊al᷊uassa; paarorone su taumatan Yahudi, aroddi lai manga walahanna waine.

ROMA 2:29

Arawe sangkatou Yahudi apan tutune eteudde taumata apan naungnge naungngu Yahudi; wuṛṛu sunatta apan tutune eteudde sunatta su naungnga apan mammanarannu Ghaṛṛahon Duata, wal᷊inewe niwoṛṛetta sulal᷊ummu wuke. Taumata ereudde, mannengkamma daralo wuassu Ruata, wal᷊ine wuassu taumata.

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

ROMA 8:19

Ahewallu pati'uppu runia uaraṛṛado ringannu ṛintulu tempone Ruata mapaal᷊iatta'u al᷊aṛṛanang-Nge.

1 KORINTUS 3:13

Manaran sangkatou-sangkatou sarun asiloanna su tempo Kristus rumanta apia. Ana waugu su allo udde putungnga sarun manemakka manaran sangkatou-sangkatou see asiloanna. Putungnga sarun manal᷊u'atta wuṛṛu manantunnu apapian manara udde.

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

YAKOBUS 1:12

Lal᷊umanna'a su taumata apan masabare su tempo i tou naasomba wawono'a. Ana waugu napawe i tou naataṛṛanga wawono'a udde, i tou sarun manengkamma lal᷊antake, eteudde wiakka apan suete pina'iren Duata su manga taumata apan mandangngu Ruata.

1 PETRUS 1:13

Ana waugu udde, ṛinone i yamiu sidutu uariaga. Paatehamma wuṛṛu pangantimpe atonna-tonna su al᷊amatta apan sarun ionggola si yamiu su tempo Mawu Yesus rumanta apia.

1 PETRUS 1:5

Sarangkanambone udde ionggola si yamiu, ana waugu i yamiu mangngimanna Ruata. Ne i yamiu rariagannu taṛṛinon Duata tadea'u i yamiu manengkamma asasal᷊amatta apan nasaddiate iapaal᷊iatta'a su allo pangudusanne.

1 PETRUS 2:4

Ana waugu udde, rantate ringannu Mawu. I Tou naal᷊ihida watu apan wiakka, watu apan nirammen taumata ana waugu sansunnanna tawe gunane; arawe nipilen Duata maola'a watu apan maarega.

1 PETRUS 2:7

Watu udde lembon maarega si yamiu apan mangngimanna. Arawe su taumata apan tawe mangngimanna, matipusse manga araddoanne su Wuke Susi ereindi, “Watu apan tawe ipaattu manga ma'aola'a wal᷊e udde wutte'e naola'a watu apianne.”

1 PETRUS 4:12

Manga tuṛṛangnga apan arangnguanna! I yamiu orassa indi lembon uatataṛṛanga susa ana waugu tantal᷊anna iaannamma. Arawe arie tumiangnga, paṛṛimaunnapa ere pia sambau riaddianna apan wahewalla mariaddi si yamiu.

1 PETRUS 4:13

Ewe'e ṛinone i yamiu mamendama al᷊al᷊uassa ana waugu uatataṛṛanga suaddio'a ringanni Kristus. Ne napawe awawantugi Kristus niapaal᷊iatta'a, i yamiu sarun lumuassa.

1 PETRUS 5:1

I ya'u maddorongnga aellegu manga piaṛṛa'u jamaannu. I ya'u namoṛṛeta indi, ere sangkatou tuṛṛangnga piaṛṛangnge wuṛṛu ere taumata apan suete naasilo sassane asasusan Kristus, wuṛṛu sarun wantuhanna lai suaddio'a, napawe awawantugi Kristus niapaasilote su taumata. I ya'u sumal᷊ande

2 PETRUS 1:1

Manga tuṛṛangnga apan atonna-tonna mangngimanna ere i yami! Yesus Kristus, eteuddde Ruata wuṛṛu Ratun Punnu Sal᷊amatti ite, namalan kite mangngimanna si Tou, ana waugu i Tou pia paa'ola'a apan su ṛinone. Suratta indi wuassi Simon Petrus, sangkatou allangnga wuṛṛu rasullu Mawu Yesus Kristus.

2 PETRUS 1:4

Ringannu olangnge udde Ruata nangonggolu manga al᷊amatta apan wahewalla wuṛṛu maarega si ite apan suete pina'iren Tou. Ringannu manga al᷊amatta udde i yamiu wotongnge mal᷊iu wuassu manga apulu lal᷊eo apan manggohakku runia indi, wuṛṛu i yamiu manengkamma pallal᷊agun Duata.

2 PETRUS 3:14

Ana waugu udde, manga tuṛṛangnga apan arangnguanna, tantal᷊anna i yamiu uaṛṛaddo Allo udde, pappandumpe atonna-tonna mabbiakka susi wuṛṛu tawe pasassal᷊a su saruannu Ruata. Wuṛṛu paddul᷊ianete paa'aukka apan mapia ringannu Ruata.

YUDAS 1:24

Ruata, apan wotongnge mallu'adda si yamiu ana see tawe manawo, wuṛṛu wotongnge mangapiddu su araratuan-Ne apan mawantuga ringannu al᷊al᷊uassa apan tawe urangnge,

SONDAPPA 1:7

Pa'ellega i Tou rumanta sulal᷊ummu winabbawa! Anambon taumata sarun ma'ellega si Tou, nasutta i mangitou lai apan nangusu'a si Tou. Anambon walahanna su runia sarun lumal᷊on Tou. Ore, Atonna! Amin!

SONDAPPA 2:10

Arie matta'uttu asasusa apan tate mal᷊annu lai apendamanni yamiu. Paanaunge, Setanna sarun mantaṛṛon sangkawageanganna wuassi yamiu sulal᷊ummu tuttupanna, ana waugu ipamono'a si yamiu. I yamiu sarun matataṛṛanga mapul᷊o allo al᷊annune. Ṛinone i yamiu matuṛṛuta si Ya'u ma'oman sara mate, ne i Ya'u sarun mangonggola si yamiu wiakka tutune wuṛṛu saran mal᷊annu-l᷊annu apan maola'a sambau lal᷊antaku naauntunga.

SONDAPPA 3:10

Ana waugu i yamiu suete tinumuṛṛuta parenta-U tadea'u mangngimanna, i Ya'u lai sarun manillumma si yamiu wuassu tempon asasusa apan sarun mariaddi su ahewallu runia. Olangnge udde sarun mariaddi ipamono'a anambon taumata su runia.

SONDAPPA 3:18

Ana waugu udde i Ya'u manantiro si yamiu tadea'u mamalli wul᷊awanna wuassia-U, eteudde wul᷊awanna apan apianne, tadea'u i yamiu maola'a ala. Pamallite lai laubba mawira wuassia-U tadea'u i yamiu pia peddeta wuṛṛu ipami'unte wadangi yamiu apan tantol᷊e wuṛṛu ma'asili. Wuṛṛu pamallite lai undama ipamuṛṛa matanu tadea'u i yamiu wotongnge maasilo.

1 SAMUEL 2:30

I Ya'u, Mawu Ruatan Israel, dorone buatte naddiandi, amonannu wuṛṛu ṛuangannu sarun mangimbe si Ya'u maola'a imam sarangkal᷊o'enge. Arawe orassa indi Ya'u maddiriten olangnge udde lai! Ana waugu apan mangngaddatta si Ya'u, sarun Ta'u addatanna arawe isai mallobbossa si Ya'u, sarun Ta'u lobbosanna lai.