1 PETRUS 1:4 - WUKE SUSI WATTI'U AL᷊AL᷊USASSA

⁴ I ite mangngantimma maatahuanna manga al᷊amatta apan suete nisaddian Duata su al᷊aṛṛanang-Nge, eteudde manga al᷊amatta apan niadone su surga, na'oman sara tawe mal᷊al᷊eo, ara'e mawukku'a ara'e mawulle.

1 PETRUS 1:4 Iomraidhean Croise

DARALO 31:19

Sappingete moṛṛongngu taṛṛa wahia apan ringannu mawunga mallobbossa taumata matul᷊idda.

DARALO 47:4

I Tou nangonggolu auntunganna su manga walahanna, na'ola'a si ite tembonanne su manga walahanna.

YESAYA 66:22

Naal᷊ihidda langitta wakku wuṛṛu runia wakku sarun matatana'a ana waugu taṛṛino-U, aroddi lai pallaṛṛitenu wuṛṛu arannu sarun sidutu matatana'a.

YEHEZKIEL 47:12

Su al᷊o'engngu winggin sal᷊ukka ruan ba'a sinumapputta anambon hatin aaluanna mabbua. Rongngu alu udde tawe tumolangnga, wuṛṛu manga wuane tawe masue. Manga aaluanna udde sarun mapasabbangu manga wuane wakku suapan bul᷊anna, ana waugu ua'e apan mangngelekka isudde ua'e wuassu Wal᷊e Mawu. Manga wuane nabbal᷊i anna wuṛṛu manga rongngane mahuna olaanna undamma.”

MATIUS 25:34

Wua'udde ratu sarun mabbisara su manga taumata su samba'an uanan-Ne, ‘Wette i yamiu apan nial᷊amatannu Iamangku. Suttate sulal᷊ummu araratuanna apan suete pinassaddia ro'en panattaṛṛannu runia.

MARKUS 10:17

Napawe Mawu Yesus nanassute lai amatanni mangitou, nirumantate sangkatou tuttatal᷊angnga inai ringannu Mawu Yesus. Taumata udde inumal᷊intuda su saruannu Mawu Yesus wuṛṛu naiwal᷊o, “Huru apan mapia, ya'u ma'ola'a apa tadea'u wotongnge maasomba pabbawiakka tutune wuṛṛu saran mal᷊annu-l᷊annu?”

WATTI'U MANGA RASUL 20:32

Orassa indi ya'u manantilli yamiu su Ruata, tadea'u i Tou mammadul᷊i si yamiu wuṛṛu tadea'u i yamiu sidutu ua'umbele watti'u darangngun Ruata. Ruata uatahuanna taṛṛino ipanohassa si yamiu wuṛṛu nangonggolu manga al᷊amatta apan sueten saddiane ionggolla su al᷊aṛṛanang-Nge.

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

ROMA 8:17

Ne, amungkangngu ete i ite al᷊aṛṛana'u Ruata, ne i ite lai mananahuanna wurru sarun manengkamma manga al᷊amatta apan buatte nissaddian Duata su manga al᷊aṛṛanang-Nge. I ite sarun manengkamma suadio'a ringanni Kristus apa apan buatte nissaddian Duata si Tou; ana waugu amungkangngu i ite uatataṛṛanga su sambau ringanni Kristus, i ite sarun wantuhanna lai su sambau ringanni Kristus.

1 KORINTUS 9:25

Suapan taumata apan sulal᷊ummu latihanna, uatataṛṛanga al᷊awo'u apulu. I tou na'ola'a udde ana waugu i tou maapulu eleannu wunga tatiala na'untungnga, eteudde wunga apan mal᷊ihakka tumolangnga. Arawe i ite indi uatataṛṛanga sulal᷊ummu al᷊awo'u apulu, ana waugu i ite maapulu eleannu wunga apan tawe tumolangnga.

GALATIA 3:18

Ana waugu amungkangu aonggolu Ruata uatundeeta su titan agama, ne tate lai aonggola apan pina'ire. Ewe'e ana waugu Ruata suete na'ire si Abraham, ne Ruata nangonggolu udde si tou.

EFESUS 1:11

Ruata mammanara al᷊awo'a tumuṛṛuttu apulu-Ne wuṛṛu ṛaṛṛawen-Ne sassane. Ro'en paarorone i Tou buatte namile si ite, ana waugu i Tou maapulu tadea'u i ite maola'a al᷊aṛṛanang-Nge ana waugu uaaukka ringanni Kristus.

EFESUS 1:14

Ghaṛṛaho udde naola'a wataṛṛu manungku i ite sarun manengkamma apa apan buatte pina'iren Duata su al᷊aṛṛanang-Nge. Indi mangngonggolu antimma si ite manungku Ruata sarun mamallosu al᷊aṛṛanang-Nge. Dalo su Ruata ana waugu awawantu-Ge!

EFESUS 1:18

I ya'u sumal᷊ande tadea'u Ruata mamu'a ṛingiṛṛannu ma'oman sara maola'a masemakka; tadea'u i yamiu maasunna apa apan aantimanni yamiu wuassu Ruata apan namago si yamiu. Wuṛṛu lai tadea'u i yamiu maasingkata aroddi anambone al᷊amatta apan maṛṛamaga apan suete nissaddia Ruata su al᷊aṛṛanang-Nge;

KOLOSE 1:12

wuṛṛu ringannu wisara adiangkamanna su Iamangnga. Ana waugu ete Iamangnga udde apan nandiaddi si yamiu wotongnge manengkamma apa apan nissaddian Duata su al᷊aṛṛanang-Nge sulal᷊ummu araratuan-Ne apan masemakka.

KOLOSE 1:5

I yamiu mangngimanna wuṛṛu i yamiu marangngu, ana waugu mangngantimma apa apan suete nissaddian Duata su surga hunan kamiu. I yamiu suete naaringikka su olangnge udde, su tempo Watti'u Al᷊al᷊uassa udde niapaasingkata si yamiu.

KOLOSE 3:24

Paanaunge manungku i yamiu sarun manengkamma lal᷊antake wuassu Ruata. Apa apan nissaddia Mawu su al᷊aṛṛanang-Nge, eteudde sarun ionggola si yamiu. Ana waugu mawu apan atonna eteudde Kristus sassane.

2 TIMOTIUS 4:8

Wuṛṛu orassa indi lal᷊antaku auntunganna uaraṛṛaddo sia'u. Su Allon Kiamatta, Mawu, Mallaṛṛuungnga apan matul᷊idda udde sarun manantillu lal᷊antake udde si ya'u, ana waugu i ya'u mabbiakka uaaukka ringannu Ruata. Wuṛṛu wal᷊ine tumba'u i ya'u sassane apan manengkamma lal᷊antake udde, arawe lai anambon taumata apan uaraṛṛaddo darantan Mawu ringannu ahewallu naungnga.

IBRANI 10:34

wuṛṛu i yamiu lai mammendama su sambau, asasusan taumata apan su tuttupanna. Wuṛṛu su tempo manga al᷊awo'a apan tatahuananni yamiu aṛṛoanna, i yamiu nanengkamma udde ringannu naungnga mal᷊uassa, ana waugu i yamiu masingkata manungku i yamiu ta'e uatahuanna sambau apan lembon mapia, apan mataṛṛanga saran mal᷊annu-l᷊annu.

IBRANI 9:15

Ana waugu udde i Kristus naola'a Pal᷊alawenne su sambau paaire apan wakku, tadea'u taumata apan suete niwagoannu Ruata wotongnge manengkamma manga al᷊amatta awasa apan suete pina'iren Ruata. Sarangkanambone udde wotongnge mariaddi ana waugu piateddu nate, eteudde i Kristus; wuṛṛu papate-Ne udde namallosu manga taumata wuassu manga pasasal᷊a apan niola'i mangitou su tempo pa'aire paarorone ta'e ipappa'atta.

YAKOBUS 1:11

Su tempo matannallo lumapputa ringannu paddisa apan mal᷊oso, ne ahuranganna udde sarun tumolangnga ma'oman sara manontonga wungane wuṛṛu mawul᷊ite lai araṛṛansange. Aroddi lai taumata ala; i tou sarun maṛṛimunsa'a su tempo i tou mappaamattu manarane.

1 PETRUS 3:9

Arie mabbal᷊issu al᷊al᷊eo ringannu al᷊al᷊eo, ara'e lal᷊ela wal᷊isannu lai lal᷊ela; arawe wal᷊isete ringannu maddorongnga al᷊amatta wuassu Ruata. Ana waugu Ruata namaggo si yamiu tadea'u i yamiu manengkamma al᷊amatta wuassi Tou.

1 PETRUS 5:4

Wuṛṛu su tempo Mallal᷊u'adda Mawantuga udde rumanta apia, i yamiu sarun manengkamma mahkota apan mal᷊endapa wuṛṛu tawe mawulle sal᷊endamme.

SONDAPPA 21:27

Arawe taumata apan inolaanne ma'arantina, ara'e taumata taṛṛa wahia – aunne al᷊awo'u alal᷊eo, tawe maasutta sulal᷊umme. Apan botongnge maasutta tumba'u taumata apan aranne uawoṛṛetta sulal᷊ummu Wuken Taumata Wiakka, Wuken Ana'u Domba udde.