1 PETRUS 1:11 - WUKE SUSI WATTI'U AL᷊AL᷊USASSA

¹¹ I mangitou mammarikissa ereapa wuṛṛu angngerate olangnge udde sarun mariaddi, apan ipappandumu Ghaṛṛahon Kristus sulal᷊ummu wadangi mangitou. Su tempo udde Ghaṛṛaho-Ne nabbal᷊o si mangitou su ola'u manga asasusa apan ṛinone apendamanni Kristus wuṛṛu su ola'u awawantu-Ge apan manansuna wua'udde.

1 PETRUS 1:11 Iomraidhean Croise

PANDARIADDI 3:15

I'o wuṛṛu wawine udde sarun matatiakka, papapulunne wuṛṛu papapulunnu sidutu uasaseetta. Papapulunne sarun maṛṛimunsa'a puanu, wuṛṛu i'o sarun mangi'i paalli mangitou.”

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

ZAKARIA 13:7

Mawu Apan Lembontaṛṛino nabbisara, “Darisikke, ei hal᷊ele, wuṛṛu pangaloite mallal᷊u'adda apan mammanara ringang-Ku! Patete i tou, ne manga domba sarun massal᷊iawukka. I Ya'u sarun mamangalo uma-U,

ZAKARIA 14:9

Ne Mawu sarun mamarenta maola'a ratu su ahewallu runia; suapan taumata sarun massubba si Tou ere Ruata wuṛṛu maaillal᷊a si Tou ringannu aranna apan uasul᷊ungnga.

MATIUS 26:24

Atonna Ana'u Taumata sarun mate ere uawoṛṛetta sulal᷊ummu Wuke Susi. Arawe nasilakate taumata apan mandal᷊eo Ana'u Taumata! Mappianne taumata udde tawe niasungkangnga!”

LUKAS 24:44

Wua'udde i Tou nabbisara si mangitou, “Ete indi manga inolaanna apan suete Ta'u niwal᷊o si yamiu su tempo i Ya'u ta'e su sambau ringanni yamiu manungku manga inolaanna apan uawoṛṛetta matataṛṛino si Ya'u sulal᷊ummu manga wuke Musa, Manga Nabi, wuṛṛu Mazmur, ṛinone matipussa.”

YOHANES 12:41

Yesaya nabbisara aroddi ana waugu i tou suete naasilo awawantugu Mawu Yesus wuṛṛu nabbatti'a su ola'i Tou.

WATTI'U MANGA RASUL 16:7

Napawe na'omate su passarannu Misia, itarua na'annamma sinumutta su leta'u Bitinia, arawe Ghaṛṛaho Mawu Yesus naningaddi tarua inai isudde.

ROMA 8:9

Arawe i yamiu tawe mabbiakka tuttuṛṛutta apulun taumata. I yamiu mabbiakka tuttuṛṛutta Ghaṛṛahon Duata – amungkangngu atonna-tonna Ghaṛṛahon Duata uaparenta sulal᷊ummu watanganni yamiu. Taumata apan tawe uatahuanna Ghaṛṛahon Kristus, taumata udde wal᷊ine tatahuananni Kristus.

GALATIA 4:6

Ana waugu ete i yamiu udde al᷊aṛṛana'u Ruata, Ruata nandolokku Ghaṛṛahon Anang-Nge sinumutta sulal᷊ummu naungngu wuṛṛu naungku, eteudde Ghaṛṛaho apan mabbisara, “Iamangnga, oh Iamangku.”

2 PETRUS 1:21

Ana waugu, tawe saran paassa tanatan Duata ipappasingkata tumba'u ana waugu apulun taumata. Arawe Ghaṛṛahon Duata uataṛṛino su tamuata apan mammasingkatu tanata Ruata sassane.

SONDAPPA 19:10

I ya'u nassumaga su saruannu mala'ekatta udde ana waugu nassubba si tou, arawe i tou nabbisara si ya'u, “Arie! Arie passubba si ya'u, passubbate Ruata! Ana waugu i ya'u lai allangnga ere i'o wuṛṛu ere anambon tuṛṛangu apan uaaggasa matohassa su watti'u Mawu Yesus!” Ana waugu ete watti'u Mawu Yesus udde mannantiro manga taumata apan mabatti'u papatta.