1 PETRUS 1:1 - WUKE SUSI WATTI'U AL᷊AL᷊USASSA

^1-2 Manga tuṛṛangnga walahanna nipilen Duata, apan uasal᷊iawukka su anambon banua su leta'u Pontus, Galatia, Kapadokia, Asia wuṛṛu Bitinia! I ya'u, Petrus, rasulli Yesus Kristus, mangngantimma doronganna Ruata mangonggolu al᷊amatta wuṛṛu paddarame si yamiu ringannu manambo-nambo. I yamiu nipile maola'a al᷊aṛṛana'u Ruata uasul᷊ungngu ere pandumannu Ruata Iamangnga. Wuṛṛu Ghaṛṛahon Duata suete na'ola'a si yamiu walahanna apan na'ukkassa, tumba'u su Ruata, tadea'u i yamiu matuṛṛuta su Mawu Yesus Kristus wuṛṛu niukkassu ṛaṛṛa-Ne.

1 PETRUS 1:1 Iomraidhean Croise

ESTER 3:8

Ana see Haman nabbisara ratu, “Tuangnga, pia sambau walahanna maatiangnga apan uasal᷊iawukka su al᷊awo'u propinsin araratuanna indi. Adattu inanaramanne uapapaṛṛala atonna ringannu manga walahanna waine. Tuangnga imbaṛṛangnga mamalan mangitou ma'ola'a walate apulun naungnge.

DARALO 44:11

I'o namalan kami tinumal᷊angu watanganni yami wuassu seetti yami, wuṛṛu i mangitou nangaṛṛo darotongngi yami.

YEHEZKIEL 6:8

Sangkawageanganna addio'a wuassi mangitou sarun Ta'u iapaal᷊iu wuassu pamamate udde, arawe i mangitou sarun isal᷊iawukka su wallattu manga araratuanna;

IMAMATTA 26:33

I Ya'u sarun mandantan papangalo su wanuanu wuṛṛu manal᷊iawukki yamiu su manga wanua waine. Manga wawail᷊annu tate lu'aranna, wuṛṛu manga soanu niwalate naola'a tuidda.

MATIUS 10:2

Arannu sire mapul᷊o dua rasulle eteudde: paarorone i Simon (apan isassaggo lai i Petrus) ringannu tuṛṛangnge Andreas, see i Yakobus ringannu tuṛṛangnge i Yohanes, eteudde al᷊aṛṛana'i Zebedeus.

MATIUS 24:22

Unnu wisara, Ruata tawe mangal᷊ihakku tempone; tawe saran sangkatou apan botongnge masal᷊amatta. Arawe ana waugu al᷊aṛṛanang-Nge, Ruata nangautta tempone udde.

MATIUS 4:18

Su tempo Mawu Yesus u'amatta su apannu Ranon Galilea, i Tou naasilo ruang katou samakka, eteudde i Simon (apan isassaggo lai i Petrus) ringannu tuarine i Andreas. I mangitou tantal᷊anna mannoma inassa su rano udde.

LUKAS 18:7

Ne, apa Ruata tawe manamba'a hatton al᷊aṛṛanang-Nge sassane apan sussal᷊ande si Tou allo ṛabbi? Apa i Tou sarun manoṛṛuttu tempone mantul᷊ungngi mangitou!

YOHANES 11:52

Wuṛṛu wal᷊ine tumba'u su walahannu Yahudi sassane, arawe hunane lai mangammula wuṛṛu manggemonnu manga al᷊aṛṛana'u Ruata apan uasal᷊iawukka.

YOHANES 7:35

See manga tembonannu Yahudi uawawisarate sangkatou ringannu waine, “Taumata indi inai suapa na'oman sara i ite tawe maasomba si Tou? Apa i Tou inai ringannu manga taumatan Yahudi apan uatana'a su wanua marau su wallattu taumatan Yunani, wuṛṛu mangngaṛṛa'a taumatan Yunani?

WATTI'U MANGA RASUL 18:2

Isudde i tou nassomban sangkatou Yahudi aranne i Akwila, darantane wuassu leta'u Pontus. I Akwila wakkute nirumanta wuassu Italia ringannu awingnge Priskila. I mangitou nirumanta su Korintus ana waugu i Kaisar Klaudius suete nandolokku anambon taumatan Yahudi iapaasal᷊iu wuassu Roma. Ne i Paulus inaite nattembo sitarua,

WATTI'U MANGA RASUL 18:23

Napawe natana'a isudde pira allo al᷊annune, i tou inaite inumamatta lai nattembo leta'u Galatia wuṛṛu Frigia inai manohassa pangangimannu taumata apan mangngimanna.

WATTI'U MANGA RASUL 19:10

I tou sidutu ma'ola'a inolaanna udde rua tonna al᷊annune na'oman sara anambon taumata wuassu walahanna waine, sarangkanambone nadaringikka wisara Mawu.

WATTI'U MANGA RASUL 6:9

Arawe pia lai manga taumata apan mannal᷊are si tou; i mangitou eteudde taumata wal᷊em pattataṛṛamawuanna apan isassago wal᷊em pattataṛṛamawuannu manga Taumata Tawe Limbanne. Manga taumata wal᷊em pattataṛṛamawuanna udde eteudde manga taumatan Yahudi wuassu Kirene wuṛṛu Aleksandria. I mangitou wuṛṛu manga taumatan Yahudi wuassu Kilikia wuṛṛu Asia uasasimbakki Stefanus.

WATTI'U MANGA RASUL 8:4

Manga taumata mangngimanna apan nassal᷊iawukka udde, mabatti'u Watti'u Al᷊al᷊uassa wuassu Ruata su al᷊awo'u tampa.

1 KORINTUS 16:19

Manga jamaatta su Asia nannanatan tabea mangitou si yamiu. Akwila wuṛṛu Priskila wuṛṛu jamaatta apan uaammulla su wal᷊e mangitou lai napaapiddu tabean taumatan Saṛṛani apan napenen ṛintulu.

2 KORINTUS 1:8

Manga tuṛṛangnga! I yami maapulu i yamiu lai maasingkata su ola'u asasusa apan niapendamanni ami su leta'u Asia. Asasusa apan papasannananni yami udde tumaniten mawakkata mannasa'i yami ma'oman sara i yami tate antimma mabbiakka apia;

EFESUS 2:12

Su tempo udde i yamiu tawe uaaukka ringanni Kristus, i yamiu taumata lo'a apan tawe nasutta su walahanna apan nipile Ruata. I yamiu tawe nasutta sulal᷊ummu paaire apan niola'u Ruata ringannu pabbawala-Ge. I yamiu mabbiakka sulal᷊ummu runia indi tawe antimma wuṛṛu tawe Ruata. I yamiu tawe nasutta sulal᷊ummu paaire apan niola'u Ruata ringannu walahanna-Ne. I yamiu mabbiakka sulal᷊ummu runia indi tawe antimma wuṛṛu tawe Ruata.

EFESUS 2:19

Ana waugu udde, i yamiu tate lai nasutta taumata lo'a ara'e taumatan liudde. Orassa indi yamiu nareengke walahannu Ruata. I yamiu lai naola'e al᷊aṛṛana'u lal᷊oṛṛon araratuannu Ruata.

TAHIUL᷊E 28:64

Mawu sarun manal᷊iawukki yamiu suwallatu manga walahanna su ahewallu runia. Poiaroddi yamiu sarun massubba manga Mawu apan niola'a wuassu alu wuṛṛu watu, manga Mawu apan awagananni yamiu wuṛṛu awaganannu iupungngu al᷊amonanu.

TAHIUL᷊E 32:26

I Ya'u maapulu manginsue si mangitou tawe lambene, tadea'u i mangitou tate lai naunganna.

TAHIUL᷊E 4:27

Mawu sarun manal᷊iawukki i yamiu suwallatu manga walahanna waine wuṛṛu tumba'u matul᷊ungna suwallati yamiu apan sidutu wiakka.

2 TIMOTIUS 1:15

I'o masingkata manungku anambon taumata su leta'u Asia suete nanantangku, nasutta lai Figelus wuṛṛu Hermogenes.

IBRANI 11:13

Anambon taumata udde sidutu mangngimanna ma'oman sara mate. I mangitou tawe naasengkamma manga inolaanna apan pina'iren Ruata, arawe tumba'u ma'ellega wuṛṛu mannal᷊oho wuassu marau. Wuṛṛu ringannu udde i mangitou nabbal᷊o manungku i mangitou tumba'u taumata raho wuṛṛu mamamal᷊intadu runia indi.

YAKOBUS 1:1

Manga tuṛṛangnga al᷊aṛṛana'u Ruata sarangkanambone apan uasal᷊iawukka su ahewallu runia! Tabea wuassi ya'u, Yakobus, allangngu Ruata wuṛṛu allangngi Yesus Kristus.

1 PETRUS 2:11

Manga tuṛṛangnga apan arangnguanna! I yamiu uddewe taumata lumal᷊o'a wuṛṛu mattindaho su runia indi. Ana waugu udde i ya'u sumal᷊ande si yamiu tadea'u i yamiu tawe tumuṛṛutta apulun taumata apan sidutu uapapangalo lullawangnga ṛimuudda.

2 PETRUS 1:1

Manga tuṛṛangnga apan atonna-tonna mangngimanna ere i yami! Yesus Kristus, eteuddde Ruata wuṛṛu Ratun Punnu Sal᷊amatti ite, namalan kite mangngimanna si Tou, ana waugu i Tou pia paa'ola'a apan su ṛinone. Suratta indi wuassi Simon Petrus, sangkatou allangnga wuṛṛu rasullu Mawu Yesus Kristus.

SONDAPPA 1:11

Tingikka udde nabbisara, “Woṛṛetta'a apa apan niasiloannu, wuṛṛu onggol᷊a'a wuke udde su pitu jamaatta apan isassago indi: Efesus, Smirna, Pergamus, Tiatira, Sardis, Filadelfia, wuṛṛu Laodikia.”