1 MARARATU 8:3 - WUKE SUSI WATTI'U AL᷊AL᷊USASSA

³ Napawe anambon piaṛṛa'a naammulle, manga imam namasanna Wantallu Paaire udde,

1 MARARATU 8:3 Iomraidhean Croise

2 SAMUEL 6:12

I Ratu Daud naaringikka manungku Mawu nangal᷊amatta amonanni Obed-Edom wuṛṛu anambon pussaane ana waugu Wantallu Paaire udde. Ne i tou inaite watukku wal᷊en Obed-Edom, nangal᷊appa Wantalla udde wuṛṛu niingkatta watukku Yerusalem ringannu ramea apan bahewalla.

1 MARARATU 8:6

Wua'udde manga imam nangapiddu Wantallu Paaire udde sulal᷊ummu Wal᷊en Mawu wuṛṛu niaddo su al᷊ungngu manga paal᷊uannu mala'ekatta sulal᷊ummu Wabbo'a Lembon Susi.

1 TAWARIKH 15:2

I Daud nabbisara, “Tumba'u taumatan Lewi wotongnge mamasanna Wantallu Paairen Mawu, ana waugu ete i mangitou apan nipilen Mawu iapapasanna Wantalla udde wuṛṛu mattaṛṛamawu si Tou saran mal᷊annu-l᷊annu.”

REENGANNA 4:15

Mawu nabbisara si Musa wuṛṛu si Harun, “Su tempo i yamiu manggohakku paddasananna, i Harun wuṛṛu al᷊aṛṛanangnge ṛinone sumutta sulal᷊ummu Rasang-Ku wuṛṛu manaappa anambon saranapa wuṛṛu aolangnge apan uaraddo isudde. Napawe wua'udde, manga taumatan Kehat wotongngete rumanta mamasanna. Arawe tawe wotongnge i mangitou ma'ellega, mangundani ara'e mangindinga manga saranapa udde, ana waugu buatte niṛṛae huna-U. Amungkangngu udde olaanni mangitou lai, i mangitou sarun mate. Nariaddi tadea'u manga taumatan Kehat udde tawe mapappassa wuassu ṛuanganni Lewi, i Harun wuṛṛu al᷊aṛṛanangnge ṛinone mapamanaran sangkatou-sangkatou su wallati mangitou apan ṛinone iapiddi mangitou. Eteudde manaran taumatan Kehat su tempo Rasang-Ku iingkatta. I Eleazar ana'i Harun, uariaga ahewallu Rasang-Ku, lanan sol᷊o, amania, sasamba gandumma ia'imbe mamiallo, lanan lal᷊aghu wuṛṛu sarangkanambone apan uaraddo sulal᷊ummu Rasangku udde.”

REENGANNA 7:9

Arawe manga taumatan Kehat tawe nanengkamma roda ara'e sapi wuassi Musa, ana waugu manga saranapa na'ukkassa apan maola'a manara mangitou, ṛinone pasannananni mangitou su wambangnga.

TAHIUL᷊E 31:9

Ana see i Musa namoṛṛettu Titan Mawu Ruata wuṛṛu nionggola su manga imam Lewi apan niapamanara ual᷊u'adda Wantallu Pa'aire, wuṛṛu su manga piaṛṛa'u Israel.

YOSUA 3:3

wuṛṛu nangonggolu parenta indi su ṛuangannu Israel “Amungkangu i yamiu maasilo imam uapasanna Wantalu Pa'aire Mawu Ruatanu, ṛinone i yamiu lai inai manantangu tampa paddasananna indi. Tantalongke Wantala udde,

YOSUA 3:6

Ana see i Yosua nandolokku manga imam tadea'u mamasanna Wantalu Pa'aire udde ana see inaite inumamatta malliu ṛoro ṛuangannu Israel. Ne i mangitou tinumuṛṛute parentan Yosua.

YOSUA 4:9

Su pattangngannu Yordan udde lai, i Yosua nangatokku mapul᷊o dua su waune watu mangke naṛṛino su dararisiṛṛannu manga imam apan uapasanna Wantalu Pa'aire udde. ‘Manga watu udde ta'e isudde sara orassa indi’.

YOSUA 6:6

Ne i Yosua namago manga imam, wuṛṛu nabbisara, “Pasante Wantalu Pa'aire udde; siri pitu su wallati yamiu ṛinone umamatta su saruanne wuṛṛu uaapiddu trompeta.”