1 MARARATU 3:12 - WUKE SUSI WATTI'U AL᷊AL᷊USASSA

¹² ne darorongngu udde sarun Ta'u suunganna. I Ya'u sarun ma'ola'a si'o lembon masingkatta wuṛṛu lembon pia apande wuassu anambon taumata, mawae sutempo nangkal᷊iu ara'e lai sutempo addantane.

1 MARARATU 3:12 Iomraidhean Croise

MANNANASE 1:16

I ya'u naṛṛingidda, “I ya'u buatte naola'a taumata mahuna wuṛṛu pande, mappandeanne marau wuassu anambon taumata apan namarenta su Yerusalem naṛṛoro si ya'u. I ya'u nangammullu manambo asingkatta wuṛṛu apande.”

MATIUS 12:42

Su tempo Allong Kiamatta, ratu wuassu wanuan Timukka sarun mabangunna su sampunna ringannu manga taumatan tempo indi wuṛṛu mapaasal᷊a mangitou. Ana waugu tadea'u maddaringikka al᷊aṛṛa'i Salomo apan pande, ratu udde na'ola'a amatanna apan marau atonna wuassu pentakku runia. Arawe isindi orassa indi piaddu maggewal᷊anne wuassi Salomo!”

1 MARARATU 5:12

Mawu nanipussa pa'aire-Ne wuṛṛu nangonggollu asingkatta si Salomo. Suwallatti Hiram wuṛṛu i Salomo pia pa'a'aukka mapia, wuṛṛu itarua buatte na'ola'a sasampa'u pa'aire.

1 MARARATU 3:28

Sutempo walahannu Israel naaringikka putusanni Salomo sulal᷊ummu hatto udde, i mangitou tinumiangnga wuṛṛu mangngaddatta si tou. Ana waugu, nilumiatta'e manungku Ruata buatte nangonggolla si tou asingkatta tadea'u mammanara ringannu atatul᷊idda.

LUKAS 21:15

I Ya'u sassane sarun mangonggolu wisara wuṛṛu apande udde, ma'oman tawe saran sangkatou wuassu manga seetti yamiu wotongnge lumawangnga ara'e massinaaddu apa apan suete niapaasingkatti yamiu.

YESAYA 65:24

Tantal᷊anna i mangitou taambe naddorongnga, i Ya'u buatte sinumimbakka; tantal᷊anna i mangitou taambe nuddussa inumal᷊iomanna, i Ya'u buatte naddaringikka aal᷊iomanni mangitou.

2 TAWARIKH 2:12

Dalo su Mawu Ruatan Israel, Nandiaddi langitta wuṛṛu runia! I tou nangonggolla si Daud sangkatou ana'a esakka apan lembon pia asingkatta wuṛṛu pande, apan orassa indi tantal᷊anna mattinsahadda mapararisikku Wal᷊en Mawu, wuṛṛu wal᷊en araratuanne.

KOLOSE 2:3

Ete Kristus apan nani'attu al᷊awo'u apande wuṛṛu asingkattu Ruata apan dorone uawuni.

1 MARARATU 2:9

Arawe eteindi tanata'u si'o: arie pabbala'a i tou mapallossa wuassu ṛuumanna. I ya'u masingkatta i'o pande; nariaddi, salaiwe i tou timmadete, paddea'e tadea'u i tou iṛṛuumanna pateanna.”

MANNANASE 1:13

I ya'u mappandumma manaṛṛasidda wuṛṛu massal᷊umma ringannu asingkatta al᷊awo'a apan nariaddi su runia indi. Pal᷊addu pabbiaṛṛanna apan nisaddian Duata si ite maasusa.

DARALO 10:17

Mawu, I'o maddaringikka aal᷊iomannu taumata lal᷊ebbone, wuṛṛu mannohassa naungngi mangitou.

1 MARARATU 2:6

Ne, ana'u i'o ṛinone ma'ola'a si tou tumuṛṛutu apa apan su ṛingirannu mapia; tumba'u imbaṛṛangnga mamalan tou mate ringannu suṛṛinone.

AMSAL 2:6

Tumba'u Mawu apan mangonggollu asingkatta; ete wuassi Tou taumata maasomba apande wuṛṛu pasasunna.

DANIEL 1:17

Ruata nangonggolla su umbasanna siri appatta udde asingkatta wuṛṛu apande sulal᷊ummu aimpal᷊ukka wuṛṛu apanden passi'ol᷊anna. Wal᷊ine wua'udde lai si Daniel nionggol᷊an-Ne lai apande ipanal᷊a'an sondappa wuṛṛu wal᷊iawa.

TAHIUL᷊E 34:9

Mawu nangonggola si Yosua ana'i Nun ringannu apapande ana waugu i tou buatte nita'en Musa pinallol᷊ossa si tou. Walahannu Israel mararingikka si Yosua wuṛṛu mappaamattu manga parentane apan nionggolu Mawu si mangitou apan niapawal᷊o si Musa.

1 MARARATU 5:9

Manga taumata'u sarun mangapiddu alu udde sumossokka wuassu Libanon watukku tahal᷊oangnga. Isudde manga potottu alu udde sarun wa'isanni mangitou maola'a ṛumbanna wuṛṛu iapa'elekki mangitou su winggin tahal᷊oangnga watukku tampa apan buatte nitantuni Tuangnga. Poiaroddi manga ṛumbanna isongkaka wuṛṛu itantila sumanga taumatan Tuangnga see urusanna sara marampiga. Wuassu samba'an Tuangnga, i ya'u maddorongnga tadea'u i Tuangnga manaddia anna su manga taumata lal᷊oṛṛon wal᷊en araratuangku.”

1 TAWARIKH 29:25

Mawu na'ola'a anambon tumanangnge tinumiangnga si Ratu Salomo wuṛṛu na'ola'a si tou ratu apan lembon matohassa wuassu anambon datu apan buatte namarenta Israel.

NEHEMIA 13:26

Wisara'u, “Wal᷊inewe rosa indi lai niola'i Ratu Salomo? Tawe datu su runia indi apan maggewal᷊anna wuassi tou. Ruata nandangngu si tou wuṛṛu na'ola'a si tou ratu su ahewallu Israel. Salaiwe aroddi i tou buatte nisal᷊o'u manga wawinen balahanna waine tadea'u ma'ola'a rosa.