1 MARARATU 2:12 - WUKE SUSI WATTI'U AL᷊AL᷊USASSA

¹² Wua'udde i Salomo naola'e ratu nallol᷊ossa si Daud, iamangnge. Taṛṛinon Salomo naola'a sangkatou ratu lembon matohassa.

1 MARARATU 2:12 Iomraidhean Croise

2 TAWARIKH 1:1

Salomo ana'i Daud naola'e ratu apan matohassa pamamarentane sulal᷊ummu araratuannu Israel. Mawu Ruatane nangal᷊amatta si tou wuṛṛu na'ola'a si tou lembon uataṛṛino.

DARALO 132:12

Amungkangu manga anangngu matuṛṛutta su paaire-U, wuṛṛu maddaringikka manga parenta-U, ne saran mal᷊annu-l᷊annu papapulunni mangitou mallol᷊ossa si'o maola'a ratu.”

1 MARARATU 1:46

I Salomo orassa indi naola'e ratu.

2 SAMUEL 7:29

Ana waugu udde, i ya'u sumal᷊ande, antimanna mangal᷊amatta papapulungku tadea'u sarangkal᷊o'engnge i mangitou sidutu uapendamma darangngu-Nu. Oh Mawu Apan Lembonatanggaṛanne, sarangkanambone udde buatte pina'ire-Nu, ne papapulungku sarun sidutu al᷊amatan-Nu saran mal᷊annu-l᷊annu.”

1 MARARATU 2:46

Napawe buatte nabbisara aroddi, ratu nangonggollu parenta si Benaya, ana see i Benaya inaite namate si Simei. Orassa indi i Salomo uataṛṛino ringannu nasuungnga sulal᷊ummu araratuanne.

1 TAWARIKH 23:1

Sutempo i Daud timmadete atonna, i tou nanenegi Salomo naola'a ratun Israel.

1 MARARATU 1:13

paal᷊ihakke summaruanna si Ratu Daud, wuṛṛu pabbal᷊o arendi si tou: ‘Wal᷊inewe i Tuangnga sassane buatte nassalu si ya'u manungku parinsi'u i Salomo sarun maola'a ratu mallol᷊ossa si Tuangnga? Orassa indi anio i Adonia apan maola'a ratu?’ ”

1 MARARATU 1:35

Wua'udde opasete i tou mabbelengnga inawarendi tadea'u uma'ianna su adderan araratuangku, ana waugu ete i tou apan ta'u nipile maola'a ratu mallol᷊ossa si ya'u mamarenta Israel wuṛṛu Yehuda.”