1 KORINTUS 8:1 - WUKE SUSI WATTI'U AL᷊AL᷊USASSA

¹ Orassa indi su ola'u anna apan nionggola maola'a sasamba su paal᷊uanna. Atonna ere unnu wisaran taumata, “I ite sarangkanambone pandete.” Arawe apapande ma'ola'a taumata mabbal᷊i mawunga, arawe paa'akkana mangngapia taumata.

1 KORINTUS 8:1 Iomraidhean Croise

YESAYA 47:10

I'o uapendamma matammudda sulal᷊ummu al᷊al᷊eonu, unnu pahinu inolaannu tawe ellehanna. I'o iaal᷊iwun apandenu wuṛṛu asingkannu, su sunnanu taweddu ere i'o.

YESAYA 5:21

Nasilakate i yamiu apan mammendamma watangannu pande wuṛṛu lembon masingkatta!

REENGANNA 25:2

Manga wawine udde mangngahe si mangitou watukku andeangngu sasamba ipangaddata monganni mangitou. Taumatan Israel inumanna lai sasamba udde wuṛṛu massubba mongannu taumatan Moab.

WATTI'U MANGA RASUL 15:10

E, anio i yamiu lullawangnga Ruata orassa indi ringannu nangonggolu winabbawa apan mawakkata su mallal᷊aṛṛenggenna indi, sumbal᷊i iupungngu al᷊amonang kite wuṛṛu i ite sassane lai tawe maatuṛṛutta manara udde?

WATTI'U MANGA RASUL 15:29

imbaṛṛangnga umanna anna apan suete pinassubba paal᷊uanna; imbaṛṛangnga ma'inumma ṛaṛṛa, imbaṛṛangnga uminassa ṛemessu winatangnga nate niattongnga, wuṛṛu paaraun inolaanna apan lal᷊eo. Amungkangngu i yamiu mangindaun watanganni yamiu wuassu manga inolaanna udde, i yamiu suete na'ola'a apapia. Na'omate isindi, tabea!”

WATTI'U MANGA RASUL 21:25

Arawe su ola'u taumata apan wal᷊ine taumatan Yahudi apan nangngimante Mawu Yesus, i yami suete napaapiddu suratta si mangitou su ola'u ṛaṛṛawessu hattong kami, manungku imbaṛṛangnga umanna anna apan suete pinassubba paal᷊uanna, tawe wotongnge ma'inumma ṛaṛṛa, ara'e uminassa winatangnga apan nate niattongnga; wuṛṛu tawe wotongnge ma'ola'a inolaanna apan lal᷊eo.”

ROMA 11:25

Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.

ROMA 12:16

Pabbiakke su paddarame sangkatou ringannu waine. Imbaṛṛangnga mamunga, arawe sul᷊unga'a ririnu ere taumata apan manarane mawawo su aellegu awadaalla. Arie mamendamma ririnu apandeanne wuassu ṛinone.

ROMA 14:10

Nariaddi, manga tuṛṛangnga! Apa hunane mapaasal᷊an tuṛṛangngu apan su pangangimanna sambau? Wuṛṛu apa hunane tuṛṛangnga mangngadio'a si tou? I ite sarangkanambone sarun sumaruanna Ruata tadea'u parikisanna.

ROMA 14:14

Ana waugu i ya'u uaaukke ringannu Mawu Yesus, ne i ya'u mangke mangngimanna manungku tawe saran sambau anna apan maarosa; arawe olangnge udde maarosa sangkatou taumata, amungkangngu taumata udde massunna manungku udde maarosa.

ROMA 14:19

Ana waugu udde pandumanni ite ṛinone sidutu su manga inolaanna apan mandantan paddarame wuṛṛu uatatul᷊ungnga.

ROMA 14:22

Wala'e apa apan pangimanannu udde, olaanna su saruannu Ruata hunanu sassane. Taumata apan tawe pinangiananne ipamendama pasasal᷊a, su apa apan sassunnane naṛṛino taumata udde su lal᷊umanna'a.

ROMA 14:3

Taumata apan u'anna tawe mamile, arie mangadio'a taumata apan u'anna tumba'u anna buatte tinantunne; wuṛṛu taumata apan tumba'u u'anna anna buatte tinantunne, arie lai mapaasal᷊an taumata apan u'anna alawo'u anna, ana waugu Ruata suete nanarimmatti tou.

ROMA 15:14

Manga tuṛṛangku! I ya'u mangngimanna manungku manambo atonna apapia si yamiu. I yamiu lai masingkatu sarangkanambone wuṛṛu wotongnge lai mangaṛṛa'a sandingananna.

1 KORINTUS 1:5

Ana waugu i yamiu tatahuananten Kristus, ne pabbiaṛṛanu naalate su al᷊awo'u inolaanna. Asingkannu su ola'u al᷊awo'u inolaanna udde tumanite malal᷊umma, wuṛṛu i yamiu masingkata mangaṛṛa'u apapandenu udde.

1 KORINTUS 10:15

I ya'u mabbisara si yamiu ere su manga taumata pande. Ṛinone i yamiu maṛṛingidda sassane wisara'u indi.

1 KORINTUS 10:28

Arawe amungkangngu piaddu mabbisara si yamiu, “Anna indi suete pinasubba paal᷊uanna,” arie umanna anna udde, ana waugu mapaasuungngu apulun taumata udde wuṛṛu ana waugu tingikku naungnga.

1 KORINTUS 14:20

Manga tuṛṛangnga! Arie paṛṛingidda ere al᷊aṛṛana'a. Sulal᷊ummu al᷊al᷊eo, ṛinone i yamiu uatatana'a ere ana'a maradio'a. Arawe sulal᷊ummu paṛṛaṛṛingidda, ṛinone i yamiu maola'a taumata apan timmaddete.

1 KORINTUS 15:34

Atimpu'ote orassa indi, wuṛṛu ariete lai ma'ola'a rosa. I yamiu ṛinone masili, manungku su wallatti yamiu piaddu taambe naaillal᷊a Ruata.

1 KORINTUS 4:10

Ana waugu Kristus, ete i yami indi taumata woddo, wuṛṛu i yamiu taumatan Saṛṛani apan pande! I yami lome, i yamiu matohassa, i yami aal᷊uandahanna, wuṛṛu i yamiu raddaloanna!

1 KORINTUS 4:18

Siri pira taumata wuassu wallatti yamiu namungate, ana waugu i mangitou massunna i ya'u tate rumanta ringanni yamiu.

1 KORINTUS 4:6

Manga tuṛṛangnga! Tadea'u mahuna manaranu, i ya'u buatte nappaattu sarangkanambone udde si Apolos wuṛṛu su riri'u sassane. Pandumanne tadea'u wuassu tatul᷊adan kami udde i yamiu wotongnge mangurumma apa atappasannu sasanato'a, “Pangagase su atoranna apan piate.” Ringannu aroddi tawe saran sangkatou wuassi yamiu wotongnge mapaatelengngu sangkatou taumata, see mangngadio'a taumata waine.

1 KORINTUS 5:2

Salaiwe aroddi, i'o ta'e matanggakka. Arawe ṛinone i yamiu masusa wuṛṛu mapaasabangngu taumata ma'ola'a inolaanna ereudde wua dinganni yamiu.

1 KORINTUS 5:6

Tawe su ṛinone i yamiu mamunga. Asinungka i yamiu naasingkate sasanato'a indi, “Ragi apan adio'a ma'aola'a aompengu taponna tumuwo!”

1 KORINTUS 8:2

Taumata apan massunna manungku i tou masingkattu sarangkanambone, su ṛinone i tou taambe naasingkata sara al᷊al᷊umanne.

1 KORINTUS 8:4

Su ola'u hatto u'anna anna apan buatte nionggola sasamba su paal᷊uanna, i ite masingkata manungku paal᷊uanna udde ere ola'u sambau apan tawe baddi'a. Wuṛṛu i ite masingkata lai manungku Ruata tumba'u sambau; tawe bal᷊ine.

1 KORINTUS 8:7

Salaiwe aroddi, tawe anambon taumata masingkatu olangnge udde. Piaddu taumata paarorone wiasane massubba paal᷊uanna. Nariaddi, ana waugu udde na'oman sara orassa indi lai i mangitou ta'e uapendama manungku anna, apan buatte pinasubba paal᷊uanna, eteudde annu paal᷊uanna. Ne amungkangngu i mangitou umanna anna udde, i mangitou uapendama udde rosa; ana waugu pangangimanni mangitou ta'e lome.

EFESUS 4:16

Sulal᷊ummu piaṛṛa-Nge, anambon wageangngu wadangnga udde uaatokka mapia, wuṛṛu pinasasamputu manga latto'anne sambau-sambau. Wuṛṛu amungkangu suapan wageangnge udde mammanara su atokke, ne ahewallu wadangnga udde sarun tumuwo mabbal᷊i timmade wuṛṛu matohassa sulal᷊ummu darangngu.

KOLOSE 2:18

Imbaṛṛanganga i yamiu mapaawalan watangannu rugiannu taumata apan mangngawusu naungnge mawawo wuṛṛu massubba manga mala'ekatta. Taumata udde mawunga ringannu manga ṛingiṛṛannu runia wuṛṛu mamarabunga manga sondapi tou sassane,

SONDAPPA 2:14

Salaiwe aroddi pia manga pira inolaani yamiu apan tawe maal᷊uassa si Ya'u: Pia sangkadoanna taumata su wallatti yamiu apan mangngimanna al᷊aṛṛa'i Bileam. I Bileam nangaṛṛa'a si Balak ereapa mangema'u taumatan Israel su rosa; ringannu nassal᷊o'i mangitou umanna anna apan suete nionggolla su paal᷊uanna wuṛṛu ma'inolaanna sussandaga.

SONDAPPA 2:20

Arawe indi sasimba-U si yamiu: I yamiu nangonggolu naungnga si Izebel, wawine apan mangnga'u watanganne daroloṛṛannu Ruata udde. Manambote manga allang-Ku niawusuanne wuṛṛu niaṛṛaanna sussandaga wuṛṛu u'anna anna apan suete pinassubba paal᷊uanna.