1 KORINTUS 13:1 - WUKE SUSI WATTI'U AL᷊AL᷊USASSA

¹ Salaiwe i ya'u wotongnge mabbisara ringannu al᷊awo'u wisaran taumata, wuṛṛu wisara mala'ekatta, arawe i ya'u tawe mandangngu taumata waine, ne manga wisara'u udde tumba'u tingikka apan matelengnga arawe tawe mangal᷊ene.

1 KORINTUS 13:1 Iomraidhean Croise

1 TIMOTIUS 1:5

Pandumannu tatantiro'u udde tadea'u taumata wotongnge maatahuanna naungnga waresi, wuṛṛu lal᷊ummu naungnga apan susi, ana see atonna-tonna mangngimanna Mawu, wuṛṛu ringannu aroddi, wotongnge uararangngu sansul᷊ungnge.

1 PETRUS 4:8

Nangillembo wuassu sarangkanambone udde, ṛinone i yamiu atonna-tonna uararangngu sangkatou ringannu waine, ana waugu ringannu uararangngu i yamiu sarun uaa'ampunga lai.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

1 KORINTUS 13:8

Tawe tempone, manungku taumata udde tawe maddarangngu. Orassa indi pia taumata apan masingkata mabbatti'u Watti'a wuassu Ruata, arawe i tou sarun mangillol᷊o mabbatti'u watti'a udde. Orassa indi piaddu masingkata mabbisara sulal᷊ummu al᷊awo'u sasinaukka apan maaṛṛindu'a, arawe i tou sarun mangillol᷊o mabbisara sulal᷊ummu manga sasisaukka udde. Orassa indi pia taumata apan masingkatu anambon inolaanna, arawe sal᷊immurine apa apan aasingkatanni mangitou udde sarun abbul᷊iananna.

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

1 KORINTUS 8:1

Orassa indi su ola'u anna apan nionggola maola'a sasamba su paal᷊uanna. Atonna ere unnu wisaran taumata, “I ite sarangkanambone pandete.” Arawe apapande ma'ola'a taumata mabbal᷊i mawunga, arawe paa'akkana mangngapia taumata.

2 PETRUS 2:18

I mangitou na'ola'a manga papasingkata apan napenen papal᷊onotta wuṛṛu tawe loṛṛone; apulune sussandaga iapaati mangitou ipangal᷊iwu manga taumata apan wakku napallosa wuassu tampan taumata apan mabbiakka su al᷊al᷊eo.

ROMA 14:15

Arawe amungkangngu ringannu apa apan aannanannu, sangkatou tuṛṛangnga su pangangimanna sambau niapaasusa naungnge, ne tuṛṛangnga tawe nappaamattu paddarame. Amungkangngu Kristus buatte nate ana waugu sangkatou taumata, arie mamalan taumata udde mal᷊al᷊eo ringannu apa iwabboonu.

MATIUS 25:45

Ratu udde sarun sumimbakka, ‘Asingkate: su tempo i yamiu madiri mantul᷊ungngu sangkatou taumata asusane ereindi, ere lai yamiu madiri mantul᷊ungku.’

1 KORINTUS 12:8

Su sangkatou taumata, Ghaṛṛaho udde mangngonggolu apande ipabbisara ringannu saṛṛaungnga. Su taumata waine Ghaṛṛaho apan uasul᷊ungnga udde mangngonggolu apande ipanal᷊a'a su ola'u Ruata.

1 KORINTUS 12:16

Wuṛṛu amungkangngu tal᷊inga mabbisara, “Ana waugu i ya'u wal᷊ine mata, ne i ya'u wal᷊ine wageangngu wadangnga,” udde lai tawe atappasanne manungku tal᷊inga udde wal᷊ine wuassu wageangngu wadangnga.

DARALO 150:5

Paddalote si Tou ringannu tatingkora apan matelengnga, paddalote si Tou ringannu tagonggonga apan ma'ikkata.

MARKUS 16:17

Maola'a sambau tatiala manungku i mangitou mangngimanna, manga taumata udde sarun mallimbuakka ghaṛṛaho lal᷊eo ringannu arang-Ku; i mangitou sarun mabbisara sulal᷊ummu al᷊awo'u wisara apan taambe niasingkatanni mangitou.

1 KORINTUS 12:10

Su sangkatou nionggol᷊annu taṛṛino ipa'ola'a al᷊aṛṛindu'a wuṛṛu su waine nionggol᷊annu al᷊amatta ipabbatti'u al᷊awo'u pandumannu Ruata. Wuṛṛu su waine lai Ghaṛṛaho udde nangonggolu apande ipamile suapa al᷊amatta wuassu Ghaṛṛahon Duata wuṛṛu suapa apan wal᷊ine. Piaddu nionggol᷊annu apande ipabbisara ringannu al᷊awo'u sasinaukka apan maaṛṛindu'a, wuṛṛu piaddu lai nionggol᷊annu apande ipanal᷊a'a atappasannu manga sasinaukka udde.

1 KORINTUS 14:2

Taumata apan mabbisara sulal᷊ummu sasinaukka apan maaṛṛindu'a, taumata udde wal᷊inewe mabbisara su taumata; i tou mabbisara su Ruata. Tawe taumata apan maasunna wisarane, ana waugu Ghaṛṛahon Duata apan na'ola'a si tou mabbisara manga inolaana apan tumba'u asingkatannu Ruata.

1 KORINTUS 14:4

Taumata apan mabbisara sulal᷊ummu sasinaukka apan maaṛṛindu'a tumba'u mannohassa ririne sassane, arawe taumata apan mammasingkatu watti'a wuassu Ruata, mantul᷊ungngu jamaatta maola'a mapia.

1 KORINTUS 14:5

Lembon apianne amungkangngu i yamiu sarangkanambone wotongnge mabbisara ringannu alawo'u sasinaukka apan maaṛṛindu'a. Arawe lembon apianne eteudde amungkangngu i yamiu wotongnge mabbatti'u manga apulun Duata. Ana waugu taumata apan mabbatti'u watti'a wuassu Ruata, maggewal᷊anna wuassu taumata apan mabbisara ringannu al᷊awo'u sasinaukka apan maaṛṛindu'a; waine lai olangnge amungkangngu taumata apan mabbisara sulal᷊ummu al᷊awo'u sasinaukka apan maaṛṛindu'a udde wotongnge manal᷊a'a apa apan iwabbisarane udde, tadea'u anambon jamaatta maasomba hessine, ara'e wuane.

SONDAPPA 14:2

See i ya'u naaringikka tingikka wuassu langitta mangngelekka naal᷊ihidda tingikku ua'e wahewalla apan mappampassa wuṛṛu naal᷊ihidda tingikku rallu'a apan masaddata. Tingikka udde niaṛṛingiṛṛana naal᷊ihidda tingikku musikka wuassu mananalangnga kecapi apan tantal᷊anna mannengkella kecapine.