1 KORINTUS 1:11 - WUKE SUSI WATTI'U AL᷊AL᷊USASSA

¹¹ Ana waugu, manga taumata wuassu amonanni Kloë nangalae si ya'u manungku pia pattatiakka su wallatti yamiu.

1 KORINTUS 1:11 Iomraidhean Croise

PANDARIADDI 27:42

Napawe i Ribka naaringikka ṛiinni Esau udde, i tou nandolokka niapawago si Yakub wuṛṛu nabbisara, “Paddaringikka, iaangngu i Esau pia pandumma mabbal᷊issa asasa'une wuṛṛu mamate si'o.

PANDARIADDI 37:2

wuṛṛu ete indi watti'u amonanni Yakub. Su tempo i Yusuf, ana'i Yakub uukke mapul᷊o pitu su tonnane, i tou uapadul᷊i ammul᷊annu ambinga domba suadio'a ringannu manga iaangnge, eteudde ana'i Bilha wuṛṛu i Zilpha, ruan katou awingngu iamangnge waine. I tou nangalae su iamangnge inolaanna lal᷊eo apan niola'u manga iaangnge.

AMSAL 13:10

Atatanggakka tumba'u mandantan pabbawawul᷊o; taumata pande mappulu manengkamma al᷊aṛṛa'a.

AMSAL 18:6

Amungkangngu taumata woddo mabbisara, i tou mandantan pattatiakka wuṛṛu nipuulla.

1 KORINTUS 1:10

Manga tuṛṛangnga! Sulal᷊ummu arannu Mawun kite Yesus Kristus, i ya'u sumal᷊ande tadea'u i yamiu sarangkanambone massampinunutanna; tadea'u arie pia paaul᷊a'ukka su wallatti yamiu.

1 KORINTUS 1:12

Pandumangku eteudde manungku su wallatti yamiu piaddu mabbisara, “I ya'u tumantalongnga si Paulus,” piaddu lai mabbisara, “I ya'u tumantalongnga si Apolos,” waine lai mabbisara, “I ya'u tumantalongnga si Petrus,” waine lai mabbisara, “I ya'u tumantalongnga si Kristus.”

1 KORINTUS 11:18

Paarorone i ya'u naaringikka, manungku sulal᷊ummu ammul᷊anni yamiu pia manga ammul᷊anna apan uatatiakka. Wuṛṛu i ya'u maṛṛangngo manungku mannamboanna watti'a udde atonna.

1 KORINTUS 3:3

ana waugu i yamiu ta'e mabbiakka tumuṛṛuttu pallal᷊agun taumata. Ana waugu amungkangngu i yamiu ta'e uasasihikka wuṛṛu uawawul᷊o sangkatou ringannu waine, wal᷊inewe udde mapaal᷊iatta'a manungku i yamiu ta'e pia pallal᷊agu manga taumata apan tawe maaillal᷊a Ruata?

2 KORINTUS 12:20

I ya'u sussinggawangnga manungku su tempo i ya'u mattembo si yamiu, i ya'u naaratingnga tawe ere apa apan aantimangku. Aṛṛengenne aratinganna piaddu uawawul᷊o, naungnge lal᷊eo, naungnge mal᷊oso, tumba'u madea'a hausannu watanganne, uaaumbilangnga, mappawawul᷊o, mawunga wuṛṛu ma'ola'a patatatiakka.

GALATIA 5:15

Arawe amungkangu i yamiu mangke uaaṛṛautta, paatemhamma, panginsueanne i yamiu maṛṛimunsa'a suaddio'a.

GALATIA 5:20

sulal᷊ummu pasasubba monganna, wuṛṛu wakin mata; sulal᷊ummu pasaseetta, uawawul᷊o, mallu'adda awingnge, mal᷊ihakka masa'u, wuṛṛu tumba'u maṛṛingiddu watanganne sassane; patatal᷊ei wuṛṛu uasasamba'a,

GALATIA 5:26

I ite tawe wotongnge mattingkawunga, wuṛṛu maddal᷊al᷊eo naungnga, wuṛṛu uaa'une sangkatou ringannu waine.

FILIPI 2:14

Manarate al᷊awo'u manara ringannu tawe sumungkuta ara'e matatiakka.

1 TIMOTIUS 6:4

ete i tou taumata mawunga wuṛṛu waggan apa-apa! Radange eteudde apulune uasasimbaka wuṛṛu uatatiakka su ola'u manga wisara na'oman sara sumappute naungnga lal᷊eo, patatal᷊ei, al᷊uandaga, wuṛṛu pasasunna apan lal᷊eo,

TITUS 3:9

Pangindaute manga pattatiakka apan tawe gunane, manga watti'u al᷊amona, pattatiakka wuṛṛu pabbawawul᷊o su ola'u titan agama. Sarangkanambone udde tawe gunane wuṛṛu tawe gessine.