ZAKHARIA 9:3 - KITAB NU TUMPU ALLA LELE MA'IMAI'

³ Tirus nombaumo bente-benteng bau ponjagai butong nu aha ka' nolimu'mo manjoo' hondo na mosoni' tiba salaka sahingga sumomo ahi' balang biasa, susumo bone' ka' hensek i jalan.

ZAKHARIA 9:3 Iomraidhean Croise

2 SAMUEL 24:7

Lengkat i kiijo' aha nambamo i Tirus sasu selatan kota anu ko bentengnyo aijo'. Ka' mule' aha nambamo i to kota-kota iwi-iwi' hi aha mian nu Hewi ka' mian nu Kanaan ka' ahennyo nambamo nokiijo' i Bersyeba i sasu selatan Yehuda.

1 TOMU-TOMUNDO' 10:21

Iwi-iwi' na pakakas bau ponginuman i Salomo, mosoni' na binau, ka' iwi-iwi' na pakakas anu pino'una' i Laigan Alas Libanon suele mosoni' anu madi' ko galo'nyo na binau. Madi' ko anu salaka na binau, kalana tempo'nyo daagi' i Salomo nompalentah mian montoa salaka aijo' madi' ko olinyo.

1 TOMU-TOMUNDO' 10:27

Tempo'nyo i Salomo nompalentah, kiijo' i Yerusalem salaka sumo balang biasa susumo batu ka' kau' lontio' Libanon nanjoo'mo hondo sumomo kau' ara biasa.

AYUB 22:24

Bahetakonmo na mosoni' nu beleyum anu madi' ko galo-galo'nyo aijo'; lumbu'akonmo mokiijo' itotonga' nu inanggasan nu kaunyo.

AYUB 27:16

Timbali na salakanyo opunjuk na konjoo'nyo, ka' baju'nyo otambun jonjoo',

AYUB 3:15

Aku tinohoyotmo susumo anak mo'ane nu tomundo anu nongisimo laigannyo nu pakakas salaka.

YESAYA 23:11

Tumpu nontangkakonmo lima-Nyo ibawo nu ambai, ka' nontua'akonmo to kala-kalaja'an. Ia nompalentahmo da benteng-benteng nu Funisia ohansunimo.

YESAYA 23:8

Temisa' to pada-padagangnyo to mia-mian lee' mae ahi' nu tomundo' anu oholomati hondo i dunia aiya? Ihe na nongalamo kaputusan da momposa'angu'mo Tirus, kota' anu balakuasa hondo aiya?

YEHEZKIEL 26:12

Sampobali' nu belemiu haha aijo' mompahuhuakonmo iwi-iwi na kakaya'an ka' bala-balang anu opodagang nu belemiu. Nu hobo'akonmo nu aha na pagan mesen iwi-iwi' ka' mule' laigan nu belemiu iwi-iwi' anu toto ima-ima'. Nu alamo nu aha na batunyo iwi-iwi', pagan ka' mule' tano'nyo, lantas nu lumbu'akonmo nu aha i ambai.

YEHEZKIEL 27:27

Iwi-iwi na balang anu opodagang pipinomuatmo nu beleyum iwi-iwi' na mian anu sola talabut tiba anu mokalaja hi beleyum iwi-iwi' na tukang kau' tiba mian nu beleyum anu badagang toto samian na suludadu i kapan aijo' aha iwi-iwi' nolomosmo salatan beleyum tinompumo.

YEHEZKIEL 27:33

Salatan ndalangon tinalabutanmo nu beleyum tiba muatannyo anu pinobuke'mo hondo na pinosake' pinosukupmo nu beleyum na kapalaluan nu to bansa-bansa; to tomu-tomundo' pinojadimo nu beleyum da kinaya.

YEHEZKIEL 27:34

Uuka aiya beleyum tinompumo ihansunmo ilananyo nu ambai. Iwi-iwi' na anu mokalaja hi beleyum ka' mule' iwi-iwi' na muatannyo nolomosmo hingga-hinggat tiba beleyum i uno nu ambai'.’

YEHEZKIEL 28:1

Tumpu notatae hi belengku,

AMOS 1:9

Tumpu notatae, “Mian anu jojoong i Tirus saja'mo nombau dosa' pa' pimpianmo, kalana aijo', Aku tionyo mohukumo aha. Aha nomboamo sa'angu' na bansa, binoa i sa'angu' na tampat pinompojoongan, ka' nombee'mo hi Edom; aha madi'mo nohongo-hongo palajanjian nu posangaluan.

YOSUA 19:29

Lengkat ikiijo' potempasan aijo' noselemo mambamo mompanjolongi Rama lantas toka-toka i kota Tirus, aijo'mo sa'angu' na kota anu ko bentengnyo: lapas aitu potempasan aijo' noselemo mule' mamba mompanjolongi Hosa lantas puusnyo i Ambaimo anu Totonga'nyo. I Potempasan haha aijo' minsoopmo na Mahalab, Akhzib,