ZAKHARIA 5:4 - KITAB NU TUMPU ALLA LELE MA'IMAI'

⁴ Tumpu Anu Daka' na Kuasanyo notataemo tukoo-Nyo pongkutuki aijo' opokona i laigan nu mian anu lewa' mombuling ka' mule' i laigan nu mian anu basumpa' ihan anu madi' totu'u. Laigan haha aijo' saja'mo nu kona nu kutuk sampe timbalimo tambulan nu anu ihansunmo.”

ZAKHARIA 5:4 Iomraidhean Croise

AYUB 18:15

Uuka aiya maumo pa' ihe timbalimo monjojoongi kemahnyo, ka' i kiijo' kinakambuhakonmo na belelang, da bau pompatei somoyu nu panyakitnyo.

AYUB 20:26

Halata'nyo anu lewa' pino'una'nyo i ningkotmo; ia ka' iwi-iwi' na aha salaigan tinoyo'anmo nu apu anu madi' pinosun nu manusia.

AYUB 8:15

Te mahoson na loa'nyo aijo' de bau paninsehaan? Te mahoson na banangnyo aijo', de bau pintoongan?’

AYUB 8:22

Anu mongka'ideki beleyum ma'ambangmo, ka' nu oa'i madi'mo ko angga'nyo, ka' laigan nu mian anu uwesan o'ideimo sahingga madi'mo ko buyo'nyo.”

AMSAL 3:33

Tumpu montuda'i balaa' laigan nu mian anu ma'idek na kinyonyoanyo, panyo mombalakati laigan nu mian anu tulu-tulutan hi Ia.

YESAYA 24:6

Kalana aijo' Tumpu mongkutukimo tano' ka' mohukumo mian anu monjojoongi kalana palabuatan nu aha. Aha opapuimo ka' madi' manjoo' na aha anu oposalamat.

YEREMIA 2:26

Tumpu notatae, “Susumo anu sola' tomang mongoa'imo ma'ambang salatan ia ihakopmo, sumo aitumo na belemiu iwi-iwi' saidi' mae mongoa'imo ma'ambang o mian Israel, to tomu-tomundo' tiba to mia-mian anu kopangkatnyo, to ima-imam tiba to nabi-nabi nu belemiu!

HOSEA 4:2

Aha binasumpa'mo, panyo aha madi' mongganapi; aha baleko', mompatei, montomang ka' masala'. Palabuatan ma'idek mompaka pintuangmo ka' mompatei saja'mo obau.

HOSEA 4:3

Kalana aijo' lipu' aiya timbalimo mateges ka' batu-batu anu tumuu' ikiijo' matemo. Batu-batu binatang anu i langa ka' i katano'an ka' i ambai mohopu'mo.”

AMOS 3:10

Tumpu notatae, “Mian haha aijo', nongisi laigan nu aha nu to bala-balang anu ingala nu aha lewa' nompakisa ka' talalo buhingoson. Ka' mule' aha madi' ko anu monsumbu' mombau kahodi'an na kinyonyoa.

ZAKHARIA 5:3

Lantas ia notataemo mae hi belengku, “I kitab anu ilulunmo aijo' tinulis pingkutuki iwi-iwi' na lipu' aiya. I sa'angu' na takeannyo tinulisan tukoonyo toto samian na anu mombuling osabatakonmo da bolimo jojoong i lipu' aiya. Ka' i takeannyo mule' sangga'at tinulis tukoonyo samian na anu basumpa' ihan anu madi' totu'u suele osabatakon.

ZAKHARIA 8:17

Boli mombau tanga'an anu ma'idek hi sangko manusia. Boli montaeakon sumpa'anu madi' totu'u. Aku mongka'ideki mian anu baleko' tiba anu madi' adin ka' mule' mian anu buhingison.”

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

PO'ULE' INGULIT 28:16

Okutukimo na kota-kota ka' ale' nu belemiu iwi-iwi'.

PO'ULE' INGULIT 7:26

Boli mompo'una' sa'angu' na patong nu pilogot i uno nu laigan miu, da kutuk anu mongkona ia boli suele mongkona belemiu. Han aijo' tionyo ahi' oka'ideki miu ka' otoa salaku anu madi' ko angga'nyo kalana nukutuki nu Tumpu.”

YOSUA 9:20

Kita madi'mo timbali mompatei aha kalana kita nojanji'mo; ka' de kita molanggaimo janji' aijo', Tumpu Allah mohukumo kita.