ZAKHARIA 5:3 - KITAB NU TUMPU ALLA LELE MA'IMAI'

³ Lantas ia notataemo mae hi belengku, “I kitab anu ilulunmo aijo' tinulis pingkutuki iwi-iwi' na lipu' aiya. I sa'angu' na takeannyo tinulisan tukoonyo toto samian na anu mombuling osabatakonmo da bolimo jojoong i lipu' aiya. Ka' i takeannyo mule' sangga'at tinulis tukoonyo samian na anu basumpa' ihan anu madi' totu'u suele osabatakon.

ZAKHARIA 5:3 Iomraidhean Croise

NOSABATMO 20:15

Boli montomang.

AMSAL 29:24

Mian anu mokalaja hingga-hinggat tiba topo buling, alati'nyo mongka'ideki mo posi butongnyo. De ia talang-talangan i pomputusian palakala, ia saidi mae obee'imo hukuman. Panyo de ia ola momohokot, ia nukonamo nu kutuk nu Tumpu Allah.

AMSAL 3:33

Tumpu montuda'i balaa' laigan nu mian anu ma'idek na kinyonyoanyo, panyo mombalakati laigan nu mian anu tulu-tulutan hi Ia.

AMSAL 30:9

Kalana bisuannyo aku kaya, ugaat aku motataemo, aku madi' mompalalui Beleyum. Ka' de aku kasiasi, ugaat aku bulingmo sahingga mombusikimo sanggo nu Belento.”

YESAYA 24:6

Kalana aijo' Tumpu mongkutukimo tano' ka' mohukumo mian anu monjojoongi kalana palabuatan nu aha. Aha opapuimo ka' madi' manjoo' na aha anu oposalamat.

YESAYA 43:28

Aha to ima-imam nu beleyum nohumimi'imo Laigan-Ku. Sahingga Israel Ku bee'mo da lewa' o, alu, lee' i Yakub Ku pojohokmo da opateimo.”

YESAYA 48:1

Potombihing mae o, belemiu lee' i Yakub, lee' mae i Yehuda anu nompakemo sanggo Israel, beleyum notatae, tukooyum beleyum nongakuimo Tumpu nu Israel, ka binasumpa'mo i uno nu sanggo nu Tumpu. Panyo potatae nu beleyum aijo' madi' sahondo-hondonyo.

YEREMIA 23:10

Lipu'to aiya nobuke'mo nu mian anu madi' tulu-tulutan hi Tumpu. Kantumuu'an nu aha saja'mo mombau anu ma'idek ka' sinala'mo na monggunakon kakuasa'an nu aha. Kalana kutuk nu Tumpu, sahingga hemput ipadang anu mateges nanggasmo ka' songko-songko na lipu' ihumangmo.

YEREMIA 26:6

Panyo de belemiu tataap panggaga, laigan anu bau ponsomban aiya Ku pojadimo susumo Silo, sahingga sinin na bansa idunia aiya mompakemo sanggo nu kota' Yerusalem aiya salaku bau pongkutuki.”

YEREMIA 5:2

Belemiu natataemo, koonyo nu belemiu nonsombahmo Tumpu pada hal tanga'an nu belemiu na madi' ahi' sumo aijo'.

YEREMIA 7:9

Belemiu montomang, mompatei, masala', timbali sakisi anu baleko', monsombahkon koloban hi Baal ka' mule' monsombah to pilo-pilogot anu madi' osumbu' nu belemiu.

YEHEZKIEL 2:9

Lapas aijo' aku nontoamo lima anu inguluakonmo mae hi belengku. Totoong ilima aijo' kitab anu ilulunmo,

DANIEL 9:11

Songko-songko na Israel nolanggaimo iwi-iwi' na atulan nu Belento ka' madi' mongka'oho' mompotombihing potatae nu Belento. Kami binaladosa'mo hi Belento kalana aijo' binee'anmo mae nu belento kutuk na kami susumo anu tinulismo i Kitab i Musa posaihon nu Belento.

HOSEA 4:2

Aha binasumpa'mo, panyo aha madi' mongganapi; aha baleko', mompatei, montomang ka' masala'. Palabuatan ma'idek mompaka pintuangmo ka' mompatei saja'mo obau.

IMAMAT 19:11

Boli mombuling, mongakali kabai baleko'.

IMAMAT 19:12

Boli balajanji' ototoangakon hi sanggong-Ku de belemiu madi' ko kahanda' mongganapi janji' aijo', kalana tiba jalan anu sumo aijo' belemiu mongambangimo sanggong-Ku. Akumo na Tumpu Allah nu belemiu.

AMOS 3:10

Tumpu notatae, “Mian haha aijo', nongisi laigan nu aha nu to bala-balang anu ingala nu aha lewa' nompakisa ka' talalo buhingoson. Ka' mule' aha madi' ko anu monsumbu' mombau kahodi'an na kinyonyoa.

ZAKHARIA 5:4

Tumpu Anu Daka' na Kuasanyo notataemo tukoo-Nyo pongkutuki aijo' opokona i laigan nu mian anu lewa' mombuling ka' mule' i laigan nu mian anu basumpa' ihan anu madi' totu'u. Laigan haha aijo' saja'mo nu kona nu kutuk sampe timbalimo tambulan nu anu ihansunmo.”

ZAKHARIA 8:17

Boli mombau tanga'an anu ma'idek hi sangko manusia. Boli montaeakon sumpa'anu madi' totu'u. Aku mongka'ideki mian anu baleko' tiba anu madi' adin ka' mule' mian anu buhingison.”

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

MALEAKHI 4:6

Nu pojadije na to tutuuma ka' mule' to ana-anak da kinyonyoa mosa'angu', da Aku madi' mohansuni lipu' nu belemiu.” 1

MATIUS 25:41

Lantas Tomundo aijo' notatae hi to mia-mian anu i sasu kowi-Nyo, ‘Lako'mo pokiijo', anu kinutukanmo! Pinsoopmo i uno nu apu anu madi' toho' mate, anu pinosadiakonmo i Setan ka' hi to mala-malaikatnyo!

LUKAS 21:35

Kalana Sinaa aijo' toka sumo pangkun pohakop mian iwi-iwi' i dunia aiya.

EFESUS 4:28

Mian anu biasa mombuling, bolimo daagi' ia mombuling. Sahanyo ia mokalaja keke-keke, da hasin nu kalajanyo ia mohumpak kaanon ka' timbali montulungi anu kakulangan.

1 TIMOTIUS 1:9

Tantu tionyo o inau' saba' atulan anu binau misa' toka hi mian ma'ima', panyo toka hi anu molanggai atulan, to mia-mian anu ma'idek, mian anu palaganta, toka hi mian anu baladosa', mian anu madi' ko agamanyo, mian anu ola mongka'ima'i dunia, toka hi mian anu mompatei tuuma kabai tinanyo, anu saja' mompatei mian,

YAKOBUS 5:12

Anu talalo hondo penting, aijo'mo: Boli basumpa', mau tiba sanggo nu langit, mau tiba sanggo nu tano', kabai tiba sanggo nu mau mule' pa' apaa. Ola ahi' otaloakon “Ii'” de kahanda' nu beleyum ii', ka' “Madi'” de kahanda' nu beleyum madi'; da komiu boli opokonai hukuman nu Tumpu.

YAKOBUS 5:4

Komiu madi' nombayan tambonyo nu to mia-mian anu mokalaja i ale' nu belemiu. Uuka aiya potombihing na aha notusa'mo! To mia-mian anu nolimu'akon hasin nu ale' miu, noloobo'mo momoita tulung, ka' lobo' nu aha tinokamo i bihing nu Tumpu, Tumpu Anu Matangkas na Kuasanyo.

YOSUA 9:20

Kita madi'mo timbali mompatei aha kalana kita nojanji'mo; ka' de kita molanggaimo janji' aijo', Tumpu Allah mohukumo kita.

ANU PINOTO'I HI YOHANES 21:8

Panyo mian anu madi' sabaan, geguan, mian anu palaganta pampatei, mian masala', mian anu ko ajimat, monsombah pilogot, ka' iwi-iwi' na anu baleko' o'alin i uno nu apu anu sumo ndalangon ka' belelang anu lewa' moak, aijo'mo na kapatean anu kopinduannyo.”

ANU PINOTO'I HI YOHANES 22:15

Panyo to mia-mian anu mombau han anu mahumimi', anu mompake to aji-ajimat, to mia-mian anu mombau to kala-kalakuan masala'; anu mompatei, anu monsombah pilogot, ka' to mia-mian anu baleko', mau anu otaloakon, mau apa-apaa na palabuatan ma'idek, iwi-iwi' na mian aijo' tampatnyo i sambiha' nu kota aijo'.